აფხაზეთში ქართული პროდუქტის აკრძალვა ფასს კატასტროფულად გაზრდის. ადგილობრივები შიშობენ, რომ მთლიანად უცხოურ საქონელზე გახდებიან დამოკიდებული, რისი ყიდვა აქამდეც უჭირდათ. აფხაზეთის ტერიტორიაზე მცხოვრებლებს პროდუქტის შესაძენად საქართველოს კონტროლირებად ტერიტორიაზე გადასვლა ისედაც შეზღუდული ჰქონდათ, თუმცა რისკის ფასად, ხალხი ზუგდიდში გადასვლას და სურსათ-სანოვაგის შეძენას მაინც ახერხებდა.