ისტორიაში პირველად, ფიზიკოსებმა მექანიკური ობიექტი აქამდე მიუღწეველ ტემპერატურამდე - 360 მიკროკელვინამდე (1 მიკროკელვინი არის 10/6 კელვინი) გააცივეს, რაც 10 000-ჯერ უფრო დაბალია, ვიდრე სივრცის ვაკუუმის ტემპერატურა. ეს კვანტური ლიმიტის გათვალისწინებით შეუძლებელია, თუმცა, ფაქტია, მეცნიერებმა ფიზიკის კანონების დარღვევა შეძლეს. ამ მიკროსკოპული ზომის სხეულის გამოყენებას კომპიუტერებში გეგმავენ და ამით ტექნოლოგიის კიდევ უფრო გაუმჯობესებას პროგნოზირებენ.

კვანტური ლიმიტი კვანტური მასშტაბით გაზომილი ის მინიმალური ტემპერატურაა, რომელზე ქვევითაც თეორიულად სხეულის გაცივება აღარ შეიძლება. ახალი მიღწევა კი ფიზიკის კანონებს არღვევს.

ობიექტი, რომელიც მკვლევრებმა ცდისთვის გამოიყენეს, მიკროსკოპული ზომისაა და ალუმინის ვიბრაციული მემბრანისგან შედგება. მისი დიამეტრი 20 მიკრომეტრია, სისქე კი - 100 ნანომეტრი.

მის გასაცივებლად "სინათლის შეკუმშვის" მეთოდი გამოიყენეს, რომლის დამსახურებითაც ატომები იმაზე უფრო მეტად გაცივდა, ვიდრე აქამდე იყო შესაძლებელი.

შეკუმშული სინათლის უპირატესობა ისაა, რომ სხივები ერთი მიმართულებითაა პოლარიზებული, რის გამოც ექსპერიმენტის ხელისშემშლელი ფაქტორები მინიმუმამდეა დაყვანილი. მეთოდი გამოიყენება კვანტურ კრიპტოგრაფიასა (ინფორმაციის დაფარვის მეცნიერება) და სინათლის არევაში. ასეთ ექსპერიმენტში იგი პირველად გამოიყენეს.

ასეთი ცივი მექანიკური ობიექტის გამოყენებით სენსორები უფრო მგრძონობიარე გახდება, შესაძლებელი იქნება ინფორმაციის გაცილებით უფრო ხანგრძლივი დროით შენახვა და კომპიუტერი ბრძანების ზუსტ შესრულებაზე ორიენტირებული გახდება.

მკვლევრები იმასაც ამბობენ, რომ ახალი მიღწევა კვანტური კომპიუტერის თეორიული პრობლემების გადაჭრაში დაეხმარებათ.