ადამიანის ორგანიზმზე კოსმოსის გავლენის შესწავლის მიზნით 2015 წელს ნასამ ორი ტყუპი ასტრონავტიდან ერთ-ერთი კოსმოსში 1 წლით გაგზავნა. ექსპერიმენტში ტყუპების ჩართვა საუკეთესო ალტერნატივად მიიჩნიეს, რადგან მათი დნმ, სისხლის ჯგუფი და სხვა ბიოლოგიური მონაცემები ერთმანეთს ემთხვევა. მეცნიერთა ვარაუდით, კოსმოსიდან დაბრუნებული და დედამიწაზე დარჩენილი ადამიანის ორგანიზმში განსხვავებები უნდა დაფიქსირდეს.