უმაღლეს სასწავლებლებში სწავლის მეორე სემესტრი დაიწყო. როგორც მოსალოდნელი იყო სტუდენტებსა და მათ მშობლებს, ქვეყანაში არსებული ეკონომიკური პრობლემების ფონზე, გადასახადის დაფარვა უჭირთ. ათასობით სტუდენტი სწავლის გადასახადს ვერ იხდის და იძულებულია უმაღლეს განათლებაზე უარი თქვას. უკეთეს შემთხვევაში კი, დროებით შეწყვიტოს სწავლა, სანამ თავად მას ან მისი ოჯახის წევრებს არ ექნებათ თანხის გადახდის საშუალება.