"რუსთავის აზოტს" თანამშრომლების შენარჩუნება გაუჭირდება. ევროპის რეკონსტრუქციისა და განვითარების ბანკის მხრიდან დაფინანსებაზე უარის თქმა გარდა იმისა, რომ საწარმოს განვითარებას შეაფერხებს, საფრთხეს დასაქმებულებსაც შეუქმნის. სულ ახლახან გახდა ცნობილი, რომ ევრობანკი "რუსთავის აზოტს" 125 მილიონი დოლარის დაფინანსებას აღარ გამოუყოფს. ფაქტია, რომ ქარხანა კარგავს ამ შემოსავალს, შესაბამისად, მისი განვითარება წელს ვერ მოხერხდება.