თბილისისა და ქუთაისის აეროპორტებში მგზავრთა ნაკადი მკვეთრად გაიზარდა. საქართველოდან ევროპის ქვეყნებში უვიზო რეჟიმის ამოქმედების პირველივე დღეს, დაახლოებით, 800 ადამიანი გაემგზავრა. საქართველოს აეროპორტების გაერთიანებაში განმარტავენ, რომ მგზავრთა რაოდენობა აეროპორტებში გაზრდილია და სამომავლოდ კიდევ უფრო მოიმატებს, რის გამოც ქუთაისის საერთაშორისო აეროპორტში ახალი ტერმინალიც აშენდება.