მოსახლეობის უმრავლესობა გარემოზე ზრუნვის ნაცვლად, დროს ფუჭ ლაპარაკში ატარებს. "რეზონანსის" მიერ ჩატარებული მცირე გამოკითხვით დადგინდა, რომ ხალხის დიდი ნაწილი საერთოდ არ ფიქრობს ხეებისა და ყვავილების დარგვა-მოვლაზე. რეგიონებიდან მსხვილ ქალაქებში ჩასულები სოფლებში აღარ ბრუნდებიან, შესაბამისად, ვერც მეურნეობას ეწევიან და ვერც ათეული წლების წინ დარგულ, უკვე ხმობაშეპარულ ხეხილს ანახლებენ. ქალაქებში ჩასახლებულებს აღარც დრო აქვთ, აღარც ფული და არც მიწა იმისათვის, რომ მცენარეების გაშენებაზე იზრუნონ.