ერთიან ეროვნულ გამოცდებამდე 2 თვე დარჩა. ამ ეტაპზე გადაწყვეტილად არ შეიძლება ითქვას, რომელი პროფესიის დაუფლება სურს აბიტურიენტთა უმრავლესობას, თუმცა ზოგადი ტენდენცია ცხადყოფს, რომ ბოლო რამდენიმე წელია, მომავალი პროფესიის შერჩევის კუთხით საქართველოში დიდად არაფერი შეცვლილა. ეკონომიკა, ბიზნესი, სამართალი, ჟურნალისტიკა და სამედიცინო სფერო კვლავ ყველაზე სასურველ სპეციალობად მიიჩნევა.