დიუკის უნივერსიტეტის მკვლევრთა ჯგუფმა, პროფესორ ჯაი ლიუს მონაწილეობით, როდიუმის ნანო ნაწილაკები შექმნა, რომელთაც ნახშირბადის დიოქსიდის მეთანად გარდაქმნის უნარი აქვთ. რეაქცია მხოლოდ თვალით უხილავ უბანში, ულტრაიისფერი დასხივების ქვეშ მიმდინარეობს. მეცნიერები კატალიზატორის მოდიფიკაციას ცდილობენ. მათი მიზანია, პროცესი ხილულ უბანში წარმართონ და სინათლის წყაროდ ხილული სპექტრი გამოიყენონ. ინფორმაცია ამის შესახებ ჟურნალ "ნეიჩა ქომუნიქეიშენში" ამა წლის 23 თებერვალს გამოქვეყნდა.