თბილისში ტრამვაის აღდგენაზე საზოგადოება მუდმივად საუბრობს, თუმცა ამ ეტაპზე მერია ამ საკითხზე არ მუშაობს და მხოლოდ გრძელვადიან პერსპექტივაში განიხილავს. ტრამვაის სისტემის დანერგვას 300 მილიონ დოლარზე მეტი სჭირდება, რაც საკმაოდ დიდი ინვესტიციაა. გარდა ამისა, ინფრასტრუქტურული პრობლემებია დედაქალაქის ცენტრალურ ნაწილში და გარეუბნებშიც კი. ურბანისტების აზრით, ტრამვაის აღდგენა კიდევ უფრო მეტ საცობებს შექმნის, რადგან ქალაქში ალტერნატიული გზები არ არსებობს.