სამორინეებს მკაცრი რეგულაცია დაუწესდება. მოთამაშეების ასაკობრივი ცენზი გაიზრდება. 21 წლამდე ადამიანს კაზინოში შესვლა აეკრძალება. საქართველოში თამაშდამოკიდებულთა რაოდენობა ნახევარ მილიონს აღწევს, ხოლო აზარტული ბიზნესის ბრუნვა 4 მილიარდია. სპეციალისტები და დეპუტატები ერთხმად თანხმდებიან, რომ პრობლემა სწრაფად და შედეგიანად უნდა გადაიჭრას. პირველ რიგში, აუცილებელია იმ პირთა იდენტიფიცირება, რომლებიც აზარტული თამაშით არიან დაკავებულნი.