თბილისის მიკროავტობუსების მძღოლებსა და კომპანიას შორის დაპირისპირების ახალი ფაზა დაიწყო. რასაკვირველია, ზაფხულის პერიოდში ამის მიზეზი კონდიციონერია, რომლის ჩართვასაც მგზავრები დაჟინებით ითხოვენ. მძღოლების თქმით, გაუმართავი მანქანები მალე ზიანდება და კონდიციონერის ჩართვა სხვა უფრო მაღალფასიანი ნაწილის დაზიანებას იწვევს, რის ხარჯებსაც კომპანია არ ანაზღაურებს. გარდა ამისა, აპარატურის შესაკეთებლად რიგში უწევთ დგომა.