ეროვნული ვალუტის მკვეთრი გაუფასურებისა და მაღალი ინფლაციის პირობებში, პენსიონერების მდგომარეობა სულ უფრო მძიმდება. ნომინალური პენსია - 180 ლარი - ისედაც არ იყო საკმარისი ხანდაზმული ადამიანის ელემენტარული მოთხოვნების დასაკმაყოფილებლად და რაც დრო გადის, მსყიდველუნარიანობას უფრო მეტად კარგავს. ამ ყველაფრის მიუხედავად, მთავრობა უახლოეს მომავალში პენსიის ზრდის დაპირებას ვერ იძლევა. მკაცრი მომჭირნეობის შემთხვევაში პენსიონერებისთვის 180 ლარი მხოლოდ 18-20 დღე არის საკმარისი.