თბილისის ქუჩების დიდი ნაწილის გამტარუნარიანობა ძალიან დაბალია. ამას ემატება "სითი პარკის" მონიშვნები, რაც მჭიდროდ დასახლებულ უბნებშიც კი ხშირად ორივე მხარესაა. იქ, სადაც კომპანიას ჯერაც არ გაუკეთებია საპარკინგე ადგილები, მანქანების ნაწილი ტროტურებზეა გაჩერებული და ქვეითებს ხელს უშლის გადაადგილებაში. დედაქალაქის განვითარების გენერალური გეგმა უკვე შემუშავდა, თუმცა იქ ვიწრო ქუჩებსა და უბნებში გამტარუნარიანობის პრობლემის მოგვარებაზე ყურადღება გამახვილებული არ არის.