2017 წლის საზაფხულო აქტიურობა რეგიონებში ნაკლებად იგრძნობა, რადგან ადამიანები, უკვე წლებია, აღარ ჩადიან დასასვენებლად თავიანთ კუთხეში. ამის მიზეზი სხვადასხვაგვარია, მაგრამ უმრავლესობა, პირველ რიგში, ფინანსურ მდგომარეობას ასახელებს მთავარ პრობლემად. ადამიანები როდესაც შვებულებას ორი კვირით იღებენ, რომელიმე კურორტზე დასასვენებლად წასვლას ამჯობინებენ, რადგან სოფლებში გამგზავრებაც საკმაოდ ძვირი უჯდებათ და იქ პირობები საერთოდ არ არის სრულფასოვანი დასვენებისთვის.