საქართველოში ოჯახს მიცვალებულის დაკრძალვა ათასობით ლარი უჯდება. სამგლოვიარო სუფრის გარდა, სხვადასხვა სახის ხარჯი 1500-2000 ლარს აღწევს. ესეც იმ შემთხვევაში, თუკი ოჯახი ადგილს საქალაქო სასაფლაოზე შეიძენს, კერძო სასაფლაოს შემთხვევაში ფასი ხშირად ოთხმაგდება. დამკრძალავი ბიუროს ხელმძღვანელები ამტკიცებენ, რომ საკმაოდ მისაღები ფასი აქვთ და არც მოსახლეობას არ უჭირს იმ თანხის გადახდა, რომელსაც უსახელებენ. უბრალო მოქალაქეები კი აცხადებენ, რომ მათთვის სარიტუალო მომსახურების ტარიფები მიუღებელია, თუმცა სხვა გამოსავალი არ რჩებათ.