საქართველოს მოსახლეობის აბსოლუტური უმრავლეობა სახელმწიფოს მხრიდან მოწყალების მომლოდინეა. სოციალური შემწეობის მიმღებ პირებზე რომ არაფერი ვთქვათ, ყოველდღიურად ასობით ადამიანი სხვადასხვა სახის შემწეობას ითხოვს. შემთხვევითი არ არის, რომ საარჩევნო კამპანიებიც მუდმივად ამ ტიპის დაპირებებზეა აგებული. რატომღაც ხალხს ყველა ჰპირდება, რომ პენსია მოიმატებს, სოციალური დახმარება გადაიხედება, მეტ ადამიანს დაეხმარებიან და შემდეგ - სამართლიანად თუ უსამართლოდ - ადამიანი ამ პირობების შესრულებას ითხოვს.