მიუხედავად იმისა, რომ შემოდგომაა, ადგილობრივ ბაზარზე აშკარად შესამჩნევი გახდა პროდუქტების სიძვირე. მომხმარებელი განსაკუთრებით წუხს ხილ-ბოსტნეულის სიმცირის გამო. წელს საქართველოში ძალიან ცუდი მოსავალი მოვიდა, ამ ყველაფერმა კი აგრარული ნაწარმის გაძვირება გამოიწვია. ზამთარი ახლოვდება და მოსახლეობის უმეტესობას საკვების მომარაგება უჭირს. უკვე შიშიც გაჩნდა, რომ ამ ზამთრის გადატანა ხალხს ძალიან გაუჭირდება.