ელინისტური ხანის ბოლო პერიოდი, ქრისტეშობამდე პირველი საუკუნე, განსაკუთრებით საინტერესო მოვლენებითაა დახუნძლული. რომისა და ალექსანდრიის მეტოქეობა წითელ ზოლად გასდევს პოლიტიკურ და კულტურულ პროცესებს. მსოფლიო განვითარების ის მოდელი, დღეს რომ გლობალიზაციას ვუწოდებთ და ალექსანდრე მაკედონელმა რომ ჩაუყარა საფუძველი, ტრანსფორმაციას განიცდის - რომი კონკურენციას ვერ ჰგუობს, ის პირველი უნდა იყოს, არადა, ალექსანდრია სულ სხვა განზომილებაა, განსაკუთრებით კულტურისა და მეცნიერების მხრივ, ზოგიერთ ასპექტში ბევრად აღმატებული რომზე.