(რეზონანსი) ტელეკომპანია „რუსთავი 2"- ის გენერალური დირექტორი ნიკა გვარამია წერს, რომ ხელისუფლება სპორტსმენებს რაზმავს.

საქმე ეხება გვარამის მიერ, ლაშა ტალახაძის კრიტიკას:

„როგორც შევიტყვე, ხელისუფლება ქართველ სპორტსმენებს რაზმავს, რომ "დამგმონ" ლაშა ტალახაძე როგორ გავაკრიტიკე, მოღალატე ზურაბიშვილის მხარდაჭერისთვის.

ჯერ ერთი, ჩემი საქმეა, ვის ვუგულშემატკივრებ და ვის არა, ვინ მომეწონება და ვინ არა. მეორე, ლაშა ტალახაძე კი არა, ილია ჭავჭავაძის კრიტიკაც დასაშვებია. და მესამე და მთავარი - სამშობლოს მოღალატის გვერდში მდგომი, ლაშა ტალახაძე კი არა, ჩემი შვილი სანდრო გვარამია არ მინდა.

იმედია, არ აყვებით ამ სიბინძურეში წარმავალ ქართულ ოცნებას. თუ აყვებით და სამარეში ჩაყვებით სალომე მოღალატეს და პახანა ბიძინას, ეგეც თქვენი პრობლემაა.

ps ლაშა ტალახაძეს ვაღმერთებდი და დითირამბებს ვუმღეროდი, როგორც ეროვნულ გმირს, სანამ მოღალატის და ათასი ჯურის ქაჯის გვერდით არ ვიხილე იმ სამარცხვინო კლიპში. აწი შტანგა კი არა, სულ რომ სპორტის სასახლე აწიოს, ფეხებზე მკიდია"- წერს გვარამია.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე