ცნობილი წყვილი - მომღერალი ლელა წურწუმია და პროდიუსერი კახა მამულაშვილი კორონავირუსის პანდემიის გამო შემოსავლის გარეშე დარჩა. აღნიშნულის შესახებ მათ რადიო "ფორტუნას" ეთერში გადაცემაში "ავტორის ხმა" ისაუბრეს.
"უმძიმეს მდგომარეობაში აღმოვჩნდით. სხვების მსგავსად მეც ბანკის მევალე ვარ და წარმოდგენა არ მაქვს როგორ გადავიხდი კრედიტს სამსახურის გარეშე დარჩენილი", - განაცხადა ლელა წურწუმიამ.
მისი თქმით, მართალია, გარეგნულად შოუბიზნესი ყოველთვის ბრწყინავს, მაგრამ მოსაზრება თითქოს პრობლემები არ აქვს - მცდარია.
"არ მივეკუთნებით მათ რიცხვს, ვინც სახელმწიფო ბიუჯეტით სარგებლობს, ამიტომ დამოუკიდებლად გვიწევს საკუთარ თავზე ზრუნვა. თუმცა, სახელმწიფოსგან არა ფინანსურ დახმარებას, არამედ რეგულაციების გადახედვას და მოწესრიგებას მოვითხოვთ, რათა ისევ თვითონ შევძლოთ საკუთარი თავის უზრუნველყოფა," - განაცხადა მომღერალმა.
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე