"არა მგონია, რუსეთმა თავისი აქტიური საცეცხლე საშუალებები ღიად დაუპირისპიროს აშშ-ს არმიას. "ალბათ მოსკოვი ახალ საჰაერო თავდაცვის სისტემებს ფორმალურად სირიის მხარეს გადასცემს, რომ იურიდიულად სწორედ მან გამოიყენოს და არა რუსეთმა", - აცხადებს ბრიგადის გენერალი, ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე "რეზონანსთან" საუბრისას.

აშშ-ის მიერ სირიის სამთავრობო ავიაბაზის სარაკეტო დაბომბვის შემდეგ კეთდება შეფასებები, რომ რუსეთში დონალდ ტრამპის გაპრეზიდენტების გამო კმაყოფილებას მწარედ დაესვა წერტილი, აშშ გაფრთხილება-აღშფოთებიდან რეალურ ქმედებაზე გადავიდა და სირიაში არსებულ დაპირისპირებაში ახალი ეტაპი დაიწყო, სადაც რუსეთი აღარ იქნება მთავარი მოთამაშე.

7 აპრილს, გამთენიისას აშშ-ის მიერ სირიის სამთავრობო ბაზის მასირებული საჰაერო დაბომბვას დიდი რეაქციები უკვე მოჰყვა - ვაშინგტონს მოკავშირეებმა მხარდაჭერა გამოუცხადეს, სირიის ხელისუფლება, რუსეთი და ირანი კი აღშფოთებას არ მალავენ. ამ დაბომბვის შემდეგ მთავარი კითხვა კი ასეთია: "ამერიკული სილის გაწვნის" საპასუხოდ რას მოიმოქმედებს რუსეთი?

გასული კვირის ხუთშაბათს, აშშ-ის სახელმწიფო მდივანი ოფიციალური ვიზიტით თურქეთის დედაქალაქ ანკარაში იმყოფებოდა, სადაც იგი, როგორც თავის კოლეგა მევლუთ ჩავუშოღლუს, ასევე, ქვეყნის ლიდერ რეჯეპ ტაიპ ერდოღანს შეხვდა.

დიდი დაპირისპირებებისა და ვნებათაღელვის ფონზე 2 აპრილს სომხეთში საპარლამენტო არჩევნები ჩატარდა. პირველ ადგილზე, როგორც მოსალოდნელი იყო, მმართველი ძალა "რესპუბლიკური პარტია" გავიდა 49%-ით და უკვე დარწმუნებით საუბარია იმაზე, რომ მოქმედი პრეზიდენტი სერჟ სარგსიანი ვადის ამოწურვის შემდეგ, 2018 წლიდან პრემიერ-მინისტრობის პოსტზე გადაინაცვლებს და ისევ ქვეყნის მმართველი იქნება, ოღონდ ახლა უკვე სხვა სტატუსით. ხოლო შემდგომ პრეზიდენტს არა ხალხი, არამედ ახალი პარლამენტი აირჩევს.

28 აპრილიდან გერმანიაში ნატოს სამხედრო წვრთნები იწყება, რაც მოსკოვში განსაკუთრებულ აღშფოთებას იწვევს. რუსების უკმაყოფილების მიზეზი კი ისაა, რომ ნატო დადგმული სამხედრო მოქმედებებისთვის ადგილობრივი მოსახლეობის როლში სტატისტებად ეძებს რუსულენოვან ხალხს, ამისთვის გერმანიაში გამოცხადდა კიდეც ვაკანსიები, რაც, რუსების მტკიცებით, იმას ნიშნავს, რომ ნატო უკვე ღიად არა თავდაცვისთვის, არამედ თავდასხმისთვის ემზადება, სამიზნე არის რუსეთი და სწორედ ამიტომაც ეძებენ წვრთნებისთვის "რუსებს".

"ის რომ ახალი ცივი ომი უკვე მიმდინარეობს და შავი ზღვის რეგიონი ამის ცენტრალური ადგილია, ეს უკვე შემდგარი ფაქტია", - ასე აფსებენ ექსპერტები შავი ზღვის რეგიონში ნატოსა და რუსეთის სამხედრო წვრთნების ტერიტორიულ სიახლოვეს, რომელსაც საერთაშორისო მედია "სახიფათო თამაშად" მოიხსენიებს.

"სამხედრო მუქარა არის გადამავალი ეტაპი ახალ ცივ ომსა და დაბალი ინტენსივობის სამხედრო კონფლიქტს შორის", - აცხადებს სამხედრო ექსპერტი ვახტანგ მაისაია, რომელიც "სამხედრო მუქარას" შავ ზღვაზე ნატოსა და რუსეთის სამხედრო წვრთნების ტერიტორიულ სიახლოვეს უწოდებს.

რუსეთში საკმაოდ უჩვეულო პროცესები იწყება - ასე აფასებენ პოლიტოლოგები რუსეთის 100-მდე ქალაქში გამართულ ანტიკორუფციულ აქციებს, რა დროსაც მოსკოვში 1033 ადამიანი დააკავეს და მათ წინააღმდეგ ხელკეტები და ცრემლსადენი გაზი გამოიყენეს.

რომის ხელშეკრულების 60 წლის იუბილეზე, კაპიტოლიუმის ბორცვზე - იქ, სადაც 1957 წლის 25 მარტს ექვსმა დამფუძნებელმა ქვეყანამ რომის ხელშეკრულებას ხელი მოაწერა - ევროკავშირის 27-მა წევრმა ქვეყანამ რომის დეკლარაცია დაამტკიცა. დეკლარაცია გაერთიანების მომავალი ათწლეულის სამოქმედო გეგმას წარმოადგენს. იუბილეს დიდი ბრიტანეთის წარმომადგენლობა არ დასწრებია.

პენტაგონი მოსკოვს უკვე ღიად ემუქრება და აცხადებს, რომ აშშ ლიდერის ისტორიულ როლს იბრუნებს და რუსეთთან თანამშრომლობის ფორმატიდან რუსეთის შეიარაღებული ძალების შეკავებაზე გადასვლას აანონსებს. კონკრეტულად კი, აშშ-ის ევროპის სარდლობა ევროპის კონტინენტზე სამხედრო პოტენციალის გაზრდასა და რუსეთზე მეტად სწრაფი ტემპებით მოდერნიზებას იწყებს, რომ რეგიონში არსებული დაძაბულობის ესკალაციის შემთხვევაში გამოიყენოს.

ლონდონში მომხდარი ტერაქტი გვიჩვენებს, რომ საჭიროა კონტროლის დაწესება ეროვნულ საზღვრებზე და რადიკალიზებული უცხოელების გაგდება, - ეს განცხადება საფრანგეთის საპრეზიდენტო კანდიდატს მარინ ლე პენს ეკუთვნის, რომელსაც მსოფლიო ლიდერების ნაწილიც იზიარებს და საერთაშორისო ორგანიზაციებს ტერორიზმის წინააღმდეგ ბრძოლის გააქტიურებისკენ მოუწოდებს.