უკრაინა, შესაძლოა, იარაღს ევროპისა და არაბეთის სახელმწიფოებიდან იღებდეს, თუმცა სამხედრო სპეციალისტების თქმით, ქვეყანა სამხედრო ტექნიკას თავადაც აწარმოებს. "ერთადერთი, რაც უკრაინას ესაჭიროება, არის ტანკსაწინააღმდეგო იარაღი, რომლითაც შეუძლია რუსული ტანკების ეფექტურად შეჩერება", - ამბობს "რეზონანსთან" საუბრისას კავკასიოლოგი ალეკო კვახაძე.

სპეციალურად "მთელი კვირისთვის" ერევნიდან

სომხეთის ისტორიისა და კულტურის გაცნობა, 100 წლის წინ მომხდარ ტრაგედიაზე მედიისთვის ამომწურავი ინფორმაციის მიწოდება, ყარაბახის კონფლიქტი - ეს იყო მთავარი საკითხები, რომელიც სომხეთის დედაქალაქ ერევანში გამართულ საერთაშორისო მედიაფორუმზე ჟურნალისტებს გააცნეს.

რუსეთის პრეზიდენტის, ვლადიმირ პუტინის განცხადებით, თუკი ყირიმში მოვლენები "უარყოფითად განვითარდებოდა", მოსკოვი ნებისმიერი ქმედებისთვის, მათ შორის ბირთვული იარაღის გამოყენებისთვის მზად იყო.

სად არის პუტინი - ეს კითხვა აქტუალური მას შემდეგ გახდა, რაც რუსეთის პრეზიდენტი მისთვის უჩვეულოდ უკვე კვირაზე მეტხანს კამერების წინ არ გამოჩენილა. საზოგადოების და მედიის ერთი ნაწილი კრემლის ლიდერის ავადმყოფობაზე აკეთებს აქცენტს. მეორე ვერსიით, პუტინის გაუჩინარება რუსეთის პოლიტელიტაში დაწყებულ დაპირისპირებაზე უნდა მიანიშნებდეს. აღსანიშნავია, რომ დასავლეთის ცნობილი გამოცემები სწორედ ამ ვარიანტს იზიარებენ.

რუსეთის ფედერაციის პრეზიდენტი ვლადიმირ პუტინი თითქმის ერთი კვირაა ჟურნალისტების წინაშე არ გამოჩენილა. სოციალურ ქსელებში ამ ფაქტმა დიდი რეზონანსი გამოიწვია. რუსულენოვან, და არა მარტო, ბლოგებსა თუ ფორუმებზე გავრცელდა სხვადასხვა ვერსიები იმის შესახებ, თუ რას შეიძლება უკავშირდებოდეს პუტინის ასეთი მოულოდნელი გაუჩინარება. ვარაუდებს შორის ყველაზე პოპულარული რუსეთის ლიდერის გარდაცვალება ან მძიმე ავადმყოფობაა.

ამერიკა უკრაინას 75 მილიონი დოლარის დახმარებას უგზავნის. აღნიშნულ დახმარებაში შედის არალეტალური სამხედრო აღჭურვილობა და ტექნიკა: "კფმუტ"-ის მცირე ზომის უპილოტო აპარატები, "რგქმუუ"-ს 30 დაჯავშნული მანქანა, რადიოგადამცემები, ნაღმსაწინააღმდეგო რადარები და სხვა სახის აღჭურვილობას.

რუსი ოპოზიციონერის, ბორის ნემცოვის მკვლელობის ირგვლივ ვერსიები და ეჭვები არ ცხრება, უკვე საუბარი დაიწყო იმაზე, რომ ამ მკვლელობის შემკვეთის კვალი ჩეჩნეთის რესპუბლიკის მეთაურ რამზან კადიროვთან მიდის. დასახელდა კონკრეტული გვარებიც - კადიროვის მრჩეველი სულეიმან გერემეევი და კადიროვის ბიძაშვილი ადამ დელიმხანოვი, რომელსაც, არც მეტი არც ნაკლები, ჩეჩნეთის მეთაურის "პირად ჯალათსაც" უწოდებენ.

ჩეჩნეთის დედაქალაქ გროზნოში ბორის ნემცოვის მკვლელობაში სავარაუდო ეჭვმიტანილი მისივე ნასროლმა ხელყუმბარამ იმსხვერპლა - ამის შესახებ ინფორმაციას "ინტერფაქსი" ავრცელებს. მათი ცნობით, გუშინ გროზნოში, ლევ იაშინის ქუჩაზე სავარაუდო ეჭვმიტანილის ბინას პოლიციამ ალყა შემოარტყა და დანებება მოსთხოვა. იგი სამართალდამცავებს არ ჩაბარდა და საპასუხოდ პოლიციის მისამართით ხელყუმბარა ისროლა. თუმცა, ყუმბარის ნამსხვრევებისგან სასიკვდილო ჭრილობები თავად მიიღო და ადგილზე გარდაიცვალა. პოლიციის თანამშრომლები ინციდენტის შედეგად არ დაშავებულან.

2014 წელს უკრაინის არმიამ დაკარგა: 22 ერთეული ავიატექნიკა და სამასამდე ბრონირებული მანქანა, მათ შორის 78 ტანკი და 230 ბეტეერი. უკრაინული მედია იმ სამხედრო ტექნიკის დანაკარგებზე აქვეყნებს ინფორმაციას, რომელიც ჩვენმა მეგობარმა ქვეყანამ გასულ წელს საბრძოლო მოქმედებების დროს განიცადა.

მოსკოვის ცენტრში მოკლული რუსი ოპოზიციონერის ბორის ნემცოვის მკვლელობის საქმეზე მნიშვნელოვანი ინფორმაციისთვის რუსეთის საგამოძიებო კომიტეტმა 3 მილიონი რუბლი დააწესა.

უკრაინის სამხრეთ-აღმოსავლეთ რეგიონებში მიმდინარე საბრძოლო მოქმედებებში საერთო ჯამში 50 000-მდე ადამიანი მონაწილეობდა. სამთავრობო ჯარებისა და აჯანყებულთა რიგებში ათობით უცხო ქვეყნის ათასზე მეტი მოქალაქე იბრძოდა, მათ შორის არაერთი ქართველი. ამ ეტაპზე ქვეყნის მეამბოხე რეგიონებში სიმშვიდეა. მხარეები მინსკში 12 თებერვალს დადებულ სამშვიდობო ხელშეკრულების პირობებს ასრულებენ და პოზიციებიდან მძიმე ტექნიკა გაჰყავთ. კონფლიქტის ზონის დატოვება უცხოელი მოხალისეების ნაწილმაც დაიწყო.

რუსი ოპოზიციონერი, ბორის ნემცოვი 27 თებერვალს მოსკოვის ცენტრში მოკლეს. იგი ერთ-ერთი ყველაზე ცნობილი ოპოზიციონერი იყო, რომელიც პუტინის რეჟიმს ღიად აკრიტიკებდა. მას რუსეთის პრეზიდენტის არაერთი კორუფციული სქემა აქვს გამოაშკარავებული.