საქართველოს პრეზიდენტი პარლამენტში წლიური მოხსენებით 31 მარტს გამოვა - ამის შესახებ პარლამენტის ბიუროს გუშინდელ სხდომაზე პარლამენტის თავმჯდომარე დავით უსუფაშვილმა განაცხადა. მისივე განმარტებით, თარიღი პარლამენტს თავად პრეზიდენტმა შესთავაზა. "დღეს შედგა საუბარი საქართველოს პრეზიდენტთან და შევთანხმდით, რომ პრეზიდენტი ყოველწლიური ანგარიშით პარლამენტში გამოვა 2 კვირის შემდეგ, 31 მარტს. თარიღი პრეზიდენტმა შემოგვთავაზა და მივეცი წინასწარი თანხმობა", - აღნიშნა უსუფაშვილმა.

საპარლამენტო უმრავლესობის ერთ-ერთი ლიდერი გოგი თოფაძე აცხადებს, რომ "ნატო ჩვენი გზა არ არის". მისი თქმით, ჩრდილოატლანტიკურ ალიანსს დემოკრატიასთან საერთო არაფერი აქვს და შესაძლოა, ევრაზიულ კავშირში სჯობდეს შესვლა, რადგან ექსპორტის მეტი საშუალება გვექნება.

პრეზიდენტის მიერ დანიშნული პარლამენტის რიგგარეშე სხდომა, რომელიც გუშინ უნდა გამართულიყო, კვორუმის არასებობის გამო ჩაიშალა. სხდომასზე მხოლოდ 31 დეპუტატი მივიდა - "ნაციონალური მოძრაობისა" და "თავისუფალი დემოკრატების" წარმომადგენლები.

"ჩვენ ვმუშაობთ ღიად და გამჭვირვალედ, ჩვენ ვმუშაობთ პრინციპულად, შედეგებზე ორიენტირებულად. მნიშვნელოვანია, რომ დედაქალაქში მეტი ეკონომიკური საინვესტიციო პროექტი განვახორციელოთ, რათა ამით ეკონომიკურ განვითარებას შევუწყოთ ხელი და დასაქმებული ადამიანების სოციალური კეთილდღეობა გავზარდოთ", - განაცხადა თბილისის მერმა დავით ნარმანიამ დედაქალაქის მთავრობის ახალი წევრების წარდგენისას.

თბილისში 21 მარტს "ერთიანი ნაციონალური მოძრაობის" ინიციატივით მთავრობის გადადგომის მოთხოვნით საპროტესტო აქცია გაიმართება. დედაქალაქის მერობის ყოფილი კანდიდატი ნიკა მელია აცხადებს, რომ აქციაზე საზოგადოების წარმომადგენლები მმართველი კოალიციისა და მთავრობის ქმედებებს გააპროტესტებენ.

ბოლო წლებში დემოკრატიული განვითარების ერთ-ერთ მნიშვნელოვან მონაპოვრად სამართლიანად მიიჩნევა "მასთ ქერისა" და "მასთ ოფერის" პრინციპების დამკვიდრება საქართველოს მედია კანონმდებლობაში. ამ კანონმა შექმნა პირობა, რომლის მიხედვითაც საინფორმაციო, ასევე საზოგადოებრივ-პოლიტიკური პროგრამები დაუბრკოლებლად მიეწოდება მაყურებელს. კანონი პოზიტიურად შეფასდა არა მარტო საქართველოში, ადგილობრივი საექსპერტო წრეების, არამედ საერთაშორისო ექსპერტების მიერაც.

"ჩვენს პოლიტიკურ ოპოზიციას რატომღაც ჰგონია, რომ პოლიტიკური შოუს მოწყობა ან ლარს ან ეკონომიკას წაადგება," - ასე უპასუხა ფინანსთა მინისტრმა ნოდარ ხადურმა შეკითხვას, დაესწრება თუ არა პარლამენტში რიგგარეშე სესიას.

საქართველოს პრეზიდენტმა გიორგი მარგველაშვილმა ქვეყანაში არსებულ სავალუტო კრიზისთან დაკავშირებით რიგგარეშე საპარლამენტო სხდომის მოწვევის გადაწყვეტილება მიიღო, - ამის შესახებ ჟურნალისტებისთვის პრეზიდენტისა და "თავისუფალი დემოკრატების" წარმომადგენლების შეხვედრის დასრულების შემდეგ გახდა ცნობილი.

მთავრობის ეკონომიკურ გუნდს 5 მარტს პრეზიდენტისათვის ლარის კურსის სტაბილიზაციის გეგმა უნდა წარედგინა, რაც არ გააკეთა. ამის გამო პრეზიდენტი აცხადებს, რომ ოპოზიციის თხოვნის საფუძველზე პარლამენტის საგანგებო სხდომას დანიშნავს, სადაც მთავრობის ეკონომიკური გუნდის წევრები უნდა მივიდნენ და სავალუტო სტაბილიზაციის გეგმასთან დაკავშირებით პარლამენტს ანგარიში უნდა ჩააბარონ.

საქართველოს პრეზიდენტის ადმინისტრაცია მთავრობას შეახსენებს, რომ სავალუტო სტაბილიზაციის გეგმა აქვთ წარმოსადგენი. ამის შესახებ პრეზიდენტის მრჩეველმა ეკონომიკურ საკითხებში გიორგი აბაშიშვილმა გუშინ გამართულ პრესკონფერენციაზე განაცხადა.

"მოგიწევთ პასუხისმგებლობის აღება შეუსრულებელ სამუშაოებზე", - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა, სადაც მან ეკონომიკური ბლოკის მინისტრებისგან 2015 წლის ბიუჯეტის ორი თვის შესრულების შესახებ ინფორმაცია მოისმინა.

ბიუჯეტში სასამართლო გადაწყვეტილების აღსრულებისთვის ფული დღესაც დევს, - ამის შესახებ ჟურნალისტებს საქართველოს ფინანსთა მინისტრმა ნოდარ ხადურმა განუცხადა.