ახალი მეტროსადგურები, მიწისქვეშა სივრცეების მაქსიმალური გამოყენება, მტკვარზე წყლის ტრანსპორტის აღდგენა, სპეციალიზებული სავაჭრო ცენტრების განვითარების შეზღუდვა - ეს ის საკითხებია, რომლებსაც თბილისის მიწათსარგებლობის გენერალური გეგმის ახალი კონცეფცია ითვალისწინებს.

ივლისის შუა რიცხვებია, ტემპერატურა უკვე პიკზეა, ადამიანის ორგანიზმს წყალი მაქსიმალური დოზით სჭირდება. დღესდღეობით დედაქალაქში სასმელი წყლის დალევა თითქმის შეუძლებელია, რადგან წყლის სოკოები, რომლებიც ქუჩებში, სკვერებსა და პარკებშია დამონტაჟებული, მწყობრიდანაა გამოსული. საუკეთესო შემთხვევაში, ყოველი ათიდან ორი-სამი თუ მუშაობს. წყლის რესურსი ქვეყანაში საკმარისზე მეტია, ხალხი კი სკვერებში გაფუჭებულ სისტემებზე წუწუნებს.

"ჩვენ შევიტყვეთ, რომ ჩვენი ქართველი მსწავლული თარხნიშვილი პეტერბურგის საექიმო აკადემიაში ფიზიოლოგიის პროფესორად დაუნიშნავთ, სტუდენტებს აკადემიისას თურმე ძალიან უყვართ თარხნიშვილი და მისი დანიშვნა გახარებიათ. ამით ქართველთაგან ახლა სამი პროფესორია: ერთი ალექსანდრე ცაგარელი პეტრებურგის უნივერსიტეტში, მეორე უფალი პეტრიაშვილი ოდესის უნივერსიტეტში და მესამე თარხნიშვილი", - წერდა გაზეთი "ივერია" 1877 წლის ერთ-ერთ ნომერში.

გადატვირთული მოძრაობის გამო თბილისის რამდენიმე უბანში ახალი მეტროსადგურების გახსნის საჭიროებაა. ისეთ უბნებში, როგორებიცაა ვაკე, დიდი დიღომი, ვაზისუბანი და აეროპორტი, მიწისქვეშა ან მიწისზედა ჩქაროსნული ტრანსპორტის დანიშვნა აუცილებელია. ამ ორი უბნის გარდა, სპეციალისტები მცხეთის, რუსთავის, ასევე ნატახტარისა და თბილისის აეროპორტების ქალაქთან დაკავშირებას მეტროსადგურის მეშვეობით აუცილებლად მიიჩნევენ. მათი აზრით, ეს ადგილები მისადგომად რთულია, ხოლო მეტრო მათთან სხვა მოძრავ ქუჩებს დააკავშირებს. ურბანისტები იმაზეც ამახვილებენ ყურადღებას, რომ, მიწისქვეშა სადგურისგან განსხვავებით, ბევრად იაფი ჯდება მიწისზედა სადგურების გაკეთება, რომლებითაც ქალაქი უნდა დაიქსელოს. 1 მიწისქვეშა სადგურის მოწყობა 35-40 მლნ დოლარამდე ჯდება.

თბილისში სამშენებლო ობიექტების სამშენებლო-ეკოლოგიურ უსაფრთხოებაზე შემოწმება წელსაც ვერ მოხერხდება. კვლევის ინიციატორთა ინფორმაციით, ტექნიკური ბაზა სრულად აქვთ მობილიზებული, მაგრამ შესაბამისი საკანონმდებლო ბაზის უქონლობის გამო შემოწმების შესაძლებლობა არ აქვთ.

მეჩვიდმეტე საუკუნე საქართველოს არსებობის ისტორიაში ყველაზე მძიმე პერიოდია. კონსტანტინოპოლის დაცემიდან ორი საუკუნეა გასული, წარსულს ჩაბარდა ქვეყნის დიდება, მსოფლიო ბატონობაზე ფიქრი. უმნიშვნელოვანეს გეოსტრატეგიულ ადგილს, რომელზეც გავლენის მოპოვებას მსოფლიო იმპერიები ოცნებობდნენ, მხოლოდ რეგიონული ინტერესი თუ შემორჩა.

ხელოვნების სახელმწიფო მუზეუმის ქსოვილებისა და ნაქარგების განყოფილებაში სამი კრეტსაბმელია დაცული, სამივეზე ამოქარგულია "იესეველთა საგვარეულო ხე", რომელიც თემატურად წინასწარმეტყველთა იკონოგრაფიასა და ღვთისმშობლის პირველსახესთანაა დაკავშირებული. დღევანდელ სტატიაში ამ სამი ისტორიული ძეგლიდან მხოლოდ ერთზე, ქეთევანისეულ კრეტსაბმელზე, გვინდა, მკითხველის ყურადღება შევაჩეროთ, რომელიც სიონის ტაძრის აღსავლის კარის ფარდა იყო. ეს უძველესი რელიკვია, ოქროსა და ვერცხლის მჭიდით ნაქარგი საკურთხევლის გადასაფარებელი, მე-19 საუკუნეში აღდგომის წინა დღეს სიონის ტაძრიდან მოიპარეს.

12 ივლისს ანტარქტიდას ლონდონზე 4-ჯერ დიდი ზომის აისბერგი მოსწყდა, რამაც ყინულოვანი კონტინენტის ტერიტორია დაახლოებით 12%-ით შეამცირა. მეცნიერები აღნიშნავენ, რომ ეს მის ლანდშაფტს მთლიანად ცვლის. მკვლევართათვის მომხდარი უცხო არ იყო, ისინი დიდი ხანი აკვირდებოდნენ სადგურ ლარსენ ცე-ს შელფურ მყინვარზე გაჩენილ ნაპრალს და აისბერგის მოწყვეტის საშიშროებას ნათლად ხედავდნენ.

შვეიცარიული ფარმაცევტული კომპანია "ნოვარტის" მიერ წარმოებულმა კიბოს სამკურნალო პრეპარატმა ამერიკის საკვებისა და სამკურნალო პრეპარატების ადმინისტრაციის მრჩეველთა საბჭოს მოწონება ერთხმად დაიმსახურა. პრეპარატს 10-ვე დელეგატმა რეკომენდაცია უკვე მისცა, ამჟამად მწარმოებლები ადმინისტრაციის საბოლოო გადაწყვეტილებას ელოდებიან.

სესხების გაცემის ტენდენცია გრძელდება. მიუხედავად იმისა, რომ გაცემული კრედიტების დაბრუნების მხრივ როგორც ბანკებს, ასევე ონლაინ კომპანიებსა და მიკროსაფინანსო ორგანიზაციებს სერიოზული პრობლემა აქვთ, მოთხოვნაც და მიწოდებაც მნიშვნელოვნად არის გაზრდილი. სპეციალისტები ჭარბვალიანობის საფრთხეზე ალაპარაკდნენ, რაც სამომავლოდ ათასობით ოჯახის მდგომარეობაზე ნეგატიურად აისახება. იშვიათად მოიძებნება ადამიანი ან ოჯახი ერთი საკრედიტო ვალდებულებით, მოსახლეობის უმეტესობას რამდენიმე მიმდინარე სესხი აქვს.

მცხეთის ჯვარი საქართველოს ისტორიის ყველა დროის გამორჩეული სიმბოლოა. უმნიშვნელოვანეს სტრატეგიულ ადგილას მეშვიდე საუკუნეში აგებული კულტურის ეს უბრწყინვალესი ნიმუში იმთავითვე ქვეყნის თავისუფლების გამოხატულებად იყო ჩაფიქრებული.

უცხოეთში გადახვეწილი ქართველი მოღვაწეების კვალის ძიების საქმეში განსაკუთრებული წვლილი მიუძღვის რეზო თაბუკაშვილს, რომელმაც ამ თემას დოკუმენტური ფილმების მთელი ციკლი მიუძღვნა. მისი დამსახურებაა, რომ საქართველოს დაუბრუნდა სხვადასხვა წიგნთასაცავსა და არქივში გაბნეული ხელნაწერები და ფოტომასალა, მათ შორის თურქეთის ტერიტორიაზე არსებული ქართული ძეგლების გერონტი ქიქოძის მიერ გადაღებული ფოტოები; ერეკლე მეფის წერილები ვენეციის გამგებლისადმი; სულხან-საბა ორბელიანის სამაჯური, რომელიც რომის პაპმა აჩუქა და უცხოეთში წლების განმავლობაში გაბნეული საქართველოს ბევრი უნიკალური ნივთი.