მსოფლიოში კორონავირუსულ შემთხვევათა რაოდენობა რეკორდულად მატულობს, ისრაელმა და სამხრეთ კორეამ კორონავირუსის მორიგ შემოტევას მეორე ტალღის კვალიფიკაცია მიანიჭეს, რის შესახებაც უკვე ოფიციალურად განაცხადეს. ზედიზედ ბოლო რამდენიმე დღის განმავლობაში მსოფლიოში ინფიცირების ახალი შემთხვევების ანტირეკორდი ფიქსირდება, რის შედეგადაც ჯამში ინფიცირებულთა რაოდენობა 9 მილიონს გადასცდა.

რუსმა ოკუპანტებმა ქართველების გატაცება ახლა კახეთიდან დაიწყეს. 23 წლის დავით ვარდოშვილი 13 ივნისს რუსებმა იმ დროს დააკავეს, როდესაც ის და მისი მეზობელი ლევან ბაწილაშვილი ყადორის მთაზე საქონელს აძოვებდნენ. როგორც ადგილობრივები „რეზონანსთან“ ყვებიან, რუსებმა მწყემსი საქართველოს ტერიტორიიდან გაიტაცეს. 

4-დღიანი უწყვეტი ძებნის შედეგად 19 წლის გიორგი შაქარაშვილი მყვინთავებმა არაგვის ხიდთთან გარდაცვლილი იპოვეს. თავადპირველად ხიდის მოაჯირზე მაშველებმა ახალგაზრდის ჩანთა ნახეს, ამის შემდეგ კი მისი ძიება არაგვის ამ მიმდებარე ტერიტორიაზე  გააგრძელეს. სავარაუდოდ, არსებობენ, თვითმხილველებიც, რომლებმაც დაინახეს, კლდიდან ბიჭი როგორ გადავარდა. ახალგაზრდის ცხედრის ამოსვვენება უკვე მოხდა. 

ახალი კორონავირუსის გავრცელების შედეგად სომხეთსა და აზერბაიჯანში სიტუაცია სულ უფრო და უფრო მწვავდება. ათასობით დაავადებული, ასობით ლეტალური შედეგი, გაგრძელებული კარანტინი, სიტუაციის კრიტიკულ ზღვრამდე მიყვანა, საავადმყოფოებში პაციენტებისთვის საჭირო ადგილების შეზღუდული რაოდენობა და ა.შ. - ყველა ამ პრობლემის წინაშე აღმოჩნდა აზერბაიჯანი და სომხეთი, რომელთა ეპიდემიოლოგიური ვითარება დღითიდღე მძიმდება. 21 ივნისის მონაცემებით, სომხეთში კორონავირუსის 10 916 აქტიური შემთხვევაა დაფიქსირებული, ხოლო აზერბაიჯანში კი - 5 574.

საქართველოში ამჟამად COVID-19-ის პანდემის გამო კარანტინის რეჟიმში 2710 ადამიანი იმყოფება, ძირითადად  სასტუმროებში, სადაც მოქალაქეები ცალ-ცალკე ცხოვრობენ ნომრებში და გარე სამყაროსგან სრულად იზოლირებული არიან. ერთ-ერთი ასეთი მოქალაქე „რეზონანსთან“ იმ პირობების შესახებ ყვება, რომელიც საკარენტინზე ზონებშია შექმნილი. 

„ბოლომდე არ ვეთანხმები და, რა თქმა უნდა, ვერც უარვყოფ. ჯერ არ ვიცით, რა გველის მომავალში. მაგრამ ამ ეტაპზე არსებული მდგომარეობა საკუთრივ საქართველოში დამაკმაყოფილებელია", - ასე აფასებს ინფექციონისტი ალექსანდრე გოგინავა „რეზონანსთან" საუბრისას ჯანდაცვის მსოფლიო ორგანიზაციის (ჯანმო) დირექტორის შემაშფოთებელ განცხადებას, რომ სამყარო კორონავირუსის ეპიდემიის ახალ და სახიფათო ეტაპზეა, ვირუსი სწრაფად ვრცელდება და ის კვლავ მომაკვდინებელია.

ბოლო დროს ქვეყანაში პოლიტიკური ტემპერტურის აწევის პარალელურად, ვითარების დაძაბვა მედიაშიც დაიწყო. უკვე ღიად ხდება დაპირისპირება როგორც ცალკეულ ჟურნალისტებს, ასევე ცალკეულ მედიასაშუალებებს შორის. ანალიტიკსოები ამბობენ, რომ მსგავსი დაძაბულობა ჟურნალისტებს შორის არასდროს ყოფილა. მათი თქმით, მედიასაშუალებები ორ რადიკალურად დაპირისპირებულ ჯგუფად ჩამოყალიბდა და ყველა მათგანში ჟურნალისტების პოლიტიზირება მოხდა, ეს კი საკმაოდ მძიმე მოვლენაა, რადგანაც საზოგადოება ასეთი ჟურნალისტების და მედიასაშუალებების მიმართ ნდობას კარგავს. რაც პირველ რიგში ზიანს სიტყვის თავისუფლებას აყენებს.

ე.წ. ბავშვთა პორნოგრაფიის გახმაურებულ საქმეზე თბილისის საქალაქო სასამართლომ უმძიმესი განაჩენი გამოიტანა. საქმეში ბრალდებულ უცხო ქვეყნის მოქალაქეს 20 წლით, ხოლო საქართველოს მოქალაქეებს - 19 წლით თავისუფლების აღკვეთა მიესაჯათ.

გადაიდება თუ არა 2020 წლის საპარლამენტო არჩევნები და რა სახის ეპიდემიოლოგიური სიტუაცია უნდა იყოს ქვეყნაში, რომ ამის აუცილებლობა გახდეს. ეს კითხვები მას შემდეგ გაჩნდა, რაც ირაკლი კობახიძემ განაცხადა, რომ თუ კი ოქტომბერში მეორე ტალღა იქნება, მაშინ, შესაძლოა არჩევნების დეკემბრისთვის გადაიდოს. თუმცა დაავადებათა კონტროლისა ეროვნული ცენტრის გენერალური დირექტორი  ამირან გამყრელიძე აცხადებს, რომ ამ ეტაპზე ქვეყანაში არსებული სიტუაციიდან გამომდინარე ჯერჯერობით არჩევნების გადადების აუცილებლობა არ არის. 

ვინ არის ქავთარაძეზე დაკავებული ეროვნებით ჩეჩენი აჰმედი ცნობილია - ის რუსეთის მოქალაქე ვასამბეგ ბოკოვია, რომელიც საქართველოში მოგონილი სახელით და საქმიანობით ცხოვრობდა.  მას სასამართლომ აღკვეთის ღონისძიების სახით პატიმრობა შეუფარდა. მას უსაფრთხოების სამსახური ყალბი დოკუმენტების შენეხვა-შეძენას და დამზადებას ედავება. 

მეცნიერთა საერთაშორისო ჯგუფმა მასშტაბური კვლევა ჩაატარა იმის დასადგენად, თუ რა გავლენას ახდენს კლიმატი კოვიდ-19 ვირუსის გავრცელების სიჩქარეზე და რა პირობებში ხდება ეპიდემიის გაცრცელება ყველაზე სწრაფად. კვლევა მსოფლიოს სხვადასხვა წერტილებში, 50 მსხვილ ქალაქში ჩატარდა და მისი შედეგები ამერიკის სამდიცინო ასოციაციის ჟურნალ JAMA Network Open-ში გამოქვეყნდა.

კოვიდ-19-ის მქონე პაციენტებში შესაძლოა მწვავე პანკრეატიტი-კუჭქვეშა ჯირკვლის მწვავე ანთება განვიტარდეს - ამ დასკვნამდე მივიდნენ ინგლისის ქალაქ ლივერპულში მდებარე ბრიტანული უნივერსიტეტის მეცნიერები. კორონავირუსული ინფექციის ახალი სიმპტომი - მწვავე პანკრეატიტი ძირითადად ჭარბწონიან ახალგაზრდა მამაკაცებშია, ექიმებმა დაადგინეს, რომ ასეთ პაციენტებს ხშირ შემთხვევაში სისხლში შაქრისა და ქოლესტერინის მარალი დონე უფიქსირდებათ, რაც პანკრეატიტის შედეგადაა გამოწვეული.