რუსული მედიის ინფორმაციით, კიევმა მოსკოვს ისრაელში ჰოლოკოსტის მეხუთე მსოფლიო ფორუმზე, ვლადიმერ პუტინთან ვოლოდიმირ ზელენსკის შეხვედრა სთხოვა, თუმცა ზელენსკის ადმინისტრაციის პრესსამსახურში აცხადებენ, რომ პრეზიდენტის ისრაელში 23-24 იანვარს ვიზიტის ფარგლებში რუს კოლეგასთან შეხვედრა ჯერ არ დაუგეგმავს.

იმ დროს, როდესაც აფხაზეთის დე ფაქტო ლიდერები საქართველოსთან დიალოგის მომხრენი არიან, უკრაინამ ოკუპირებულ დონბასთან პირველი დიალოგი უკვე გამართა და ასე ვთქვათ, ამ საკითხში „დაგვასწრო", შეიქმნა მოლაპარაკებების მრგვალი მაგიდის „კრემატორსკის მოდელი", სადაც ევროკავშირის ხელმძღვანელობით უკრაინისა და ოკუპირებული დონბასის წარმომადგენლები ჩაერთვნენ.

რუსეთის ახალი პრემიერ-მინისტრის წინააღმდეგ, კენჭისყრის მსვლელობისას, ხმა არავის მიუცია. საბოლოოდ მიხაილ მიშუსტინი რუსეთის ფედერაციის პრემიერად 383-მა დეპუტატმა დაამტკიცა, ხოლო 41-მა ხმის მიცემისგან თავი შეიკავა. წლებია, რაც რუსეთში პოლიტიკოსების წინააღმდეგ არავის მიუცია ხმა. ჯერჯერობით უცნობია, თუ ვინ იქნება მიშუსტინის მინისტრთა კაბინეტში, რამდენიმე გამონაკლისის გარდა.

ბერლინში ტერაქტის დაგეგმვის ბრალდებით დაკავებულ ჩეჩენ ლტოლვილებს შორის ერთ-ერთი აღმოჩნდა ზელიმხან ბ., რომელიც თვითაღიარებული ჩეჩნეთის რესპუბლიკა იჩქერიის მთავარ იდეოლოგად აღიარებული მოვლადი უდუგოვის ძმისშვილია. ამის შესახებ ცნობებს „დოიჩე ველე" ავრცელებს.

„პუტინმა ფაქტობრივად საბჭოთა პოლიტიკური მართვის სისტემა შემოიტანა, მან კოლექტიური პოლიტიკური ბიურო შექმნა, სადაც მას, როგორც ქვეყნის ლიდერს პრივილეგიები მიენიჭება ,რუსული იმერიისა და საბჭოთა კავშირის ერთგვარი სინთეზი განახორციელა," - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია, რუსეთის პრეზიდენტ ვლადიმირ პუტინის მიერ ქვეყანაში დაწყებულ ძირეულ პოლიტიკურ ცვლილებებს.

ირანი ხელს უშლიდა უკრაინელ სპეციალისტებს, რომლებიც „უკრაინის საერთაშორისო ავიახაზების" „ბოინგის" ჩამოვარდნის მიზეზების დადგენაზე მუშაობდნენ, ამის შესახებ კიევის სასამართლო ექსპერტიზის ინსტიტუტის დირექტორი ალექსანდრ რივინი აცხადებს, რომელიც თავადაც შედიოდა იმ ჯგუფში, რომელიც ტრაგედიის დეტალების გასარკვევად თეირანში ჩაფრინდა.

რუსეთის პრეზიდენტი ვლადიმირ პუტინი საკონსტოტუციო ცვლილებების შეტანის ინიციატივით გამოდის, მან ამის შესახებ განცხადება ფედერაციული კრების წინაშე გამოსვლისას გააკეთა.

რუსეთის პრეზიდენტმა ვლადიმირ პუტინმა, ექსპრეზიდენტსა და ექსპრემიერ დიმიტრი მედვედევს უშიშროების საბჭოს მდივნის მოადგილის თანამდებობა შესთავაზა.

გერმანიაში ჩეჩენ ემიგრატნებზე მასშტაბური რეიდები ხორციელდება. ადგილობრივ სამართალდამცველებს ეჭვი აქვთ, რომ ჩეჩენი რადიკალების ჯგუფი ქვეყნისთვის ფრიად სახიფათო ტერორისტულ აქტს გეგმავდა. ამ ყველაფერს კი ბიძგი ერთ-ერთი ეჭვმიტანილის მიერ სინაგოგის ფოტოგადაღებამ მისცა, რაც ჯერ კიდევ გასული წლის სექტემბერში მოხდა.

აშშ-ში დაწყებული პრეზიდენტ დონალდ ტრამპის იმპიჩმენტის პროცედურის ფონზე ახალი რუსულ-ამერიკული სკანდალი გორდება, რომელშიც ისევ რუსი ჰაკერები ფიგურირებენ. ამჯერად თავდასხმა მოხდა ტრამპის იმპიჩმენტთან და „უკრაინულ სკანდალთან" პირდაპირ კავშირში მყოფი უკრაინული ენერგეტიკული კომპანია „Burisma"-ს სერვერებზე და ეს თავდასხმა რუსეთის არმიის გენშტაბის მთავარი სამმართველოს (ყოფილი „გერეუ") მიერ იყო ორგანიზებული და მართული. ამის შესახებ „ნიუ იორკ თაიმსი" წერს კიბერუსაფრთხოების ამერიკული კომპანია „Area 1 Security"-ის ექსპერტებზე დაყრდნობით.

ირანის მიერ ერაყის ტერიტორიაზე მდებარე ამერიკული სამხედრო ბაზების დაბომბვის დროს ამერიკელი სამხედროები იმიტომ არ დაზარალებულან, რომ მათ თითქმის სამი საათით ადრე იცოდნენ მოსალოდნელი საფრთხის შესახებ. ნაწილმა სამხედრო ბაზის ტერიტორია დატოვა, ხოლო მეორე ნაწილმა ბუნკერებს შეაფარა თავი. ამის შესახებ საინფორმაციო სააგენტო „სი-ენ-ენი" იუწყება.