უკრაინის პრეზიდენტ ვლადიმერ ზელენსკის მიერ „შტაინმაიერის ფორმულაზე" თანხმობას კიევში და უკრაინის სხვა ქალაქებში დიდი აჟოტაჟი მოჰყვა. უმაღლესი რადის ექსსპიკერმა და ევრომაიდნის ერთ-ერთმა სულისჩამდგმელმა ანდრეი პარუბიმ მას უკრაინის დემონტაჟის გეგმა უწოდა. მისი განცხადებით, არავითარი გარანტია არ არსებობს იმისა, რომ დონეცკისა და ლუგანსკის თვითგამოცხადებულ რესპუბლიკებში არჩევნები ავტომატის ლულების ქვეშ არ ჩაივლის. ზოგიერთი კი უფრო შორს მიდის და ზელენსკის, არც მეტი არც ნაკლები, რუსეთის წინაშე კაპიტულაციაში სდებს ბრალს.

რუსეთის მხრიდან მომდინარე საფრთხეებზე დღეს უკვე დიდი ბრიტანეთიც აქტიურად ალაპარაკდა - წლების განმავლობაში რუსეთის არაერთი აგრესიული ქმედება ვნახეთ, თუმცა, ბრიტანეთი კრემლისგან რეალურ საფრთხეს დღეს უფრო მეტად ხედავს, ვიდრე ხუთი წლის წინ. მეტიც, ევროპაში უკვე „მომავალ ომზეც" საუბრობენ, რაც იმით აიხსნება, რომ „დიდი ომის შემთხვევაში, ევროპაში ბირთვული ომიც კი არ არის გამორციხული".

უკრაინის პრეზიდენტმა ვოლოდიმირ ზელენსკიმ აშშ-ს პრეზიდენტ დონალდ ტრამპთან სატელეფონო საუბრისას, გერმანიის კანცლერს ანგელა მერკელს შეურაცხყოფა მიაყენა, ამის შესახებ გერმანული გამოცემა „შპიგელი“ წერს. 

ჩეჩნეთსა და ინგუშეთს შორის ჯერ კიდევ გასულ წელს საზღვრის ცვლილებასთან დაკავშრირებული სკანდალი ახლაც გრძელდება, მაგრამ ამჯერად ყურადღების ცენტრში არა თავად სასაზღვრო საკითხი, არამედ ჩეჩნეთის პარლამენტის სპიკერი მაგომედ დაუდოვია, რომელიც 26 სექტემბერს, გვიან ღამით ჩავიდა საზღვარზე ერთერთ უკმაყოფილო ინგუშ აქტივისტთან „საქმის გასარჩევად" და აღშფოთებული იყო, რადგან ე.წ. სტრელკაზე დაბარებული ინგუში არ მივიდა.

„ეს ზეწოლა და ტრამპის პრობლემის მუდმივი აქტუალიზაცია არა ტრამპის იმპიჩმენტს, არამედ საარჩევნო კამპანიას უკავშირდება, რომელიც, ფაქტობრივად, დაიწყო, იმისათვის, რომ 2020 წლის არჩევნებში (ტრამპმა) გამარჯვების მოპოვება ვერ შეძლოს," - ასე აფასებს „რეზონანსთან" ანალიტიკოსი ვახტანგ ძაბირაძე აშშ-ის კონგრესის წარმომადგენლობითი პალატის მიერ პრეზიდენტ დონალდ ტრამპის იმპიჩმენტის პროცედურის დაწყებას.

მას შემდეგ , რაც ამერიკულმა გამოცემებმა პრეზიდენტ დონალდ ტრამპისა და უკრაინის პრეზიდენტ ზელენსკის სკანდალური სატელეფონო საუბრის შესახებ ინფორმაცია გაავრცელეს, ამერიკის პოლიტიკური ელიტის ნაწილი ტრამპის იმპიჩმენტის საკითხის განხილვას აქტიურად შეუდგა. კონგრესის წარმმადგენელთა პალატაში დემოკრატებმა ტრამპის წინააღმდეგ იმპიჩმენტის პროცედურა დაიწყეს, რასაც ამავე პალატის სპიკერი ნენსი პელოსი უძღვება.

კლიმატის გლობალური ცვლილების შედეგი კიდევ უფრო სავალალოა, ვიდრე აქამდე ეგონათ - 30 წელიწადში მან შეიძლება მილიარდობით ადამიანს შეუქმნას საფრთხე, რასაც მისი მხოლოდ ერთი შედეგი, ოკეანის დონის მატება გამოიწვევს, რომ არაფერი ვთქვათ სხვა ნეგატიურ ეფექტებზე - ამის შესახებ საუბარია კლიმატის ცვლილებაზე სამთავრობოთაშორისი პანელის მიერ ახლახან გამოქვეყნებულ ანგარიშში, რომელსაც ბრიტანული „გარდიანი" ავრცელებს.

ყაზახეთის რამდენიმე ქალაქში, მათ შორის დედაქალაქ ნურ-სულთანში, პოლიციამ ოპოზიციური მიტინგები ძალის გამოყენებით დაშალა და, სულ მცირე, 57 ადამიანი დააკავა. ხალხის პროტესტის მიზეზი ჩინური ინვესტიციები და არსებული პოლიტიკისადმი უკმაყოფილება გახდა. ხალხი ცენტრალური აზიის რესპუბლიკაში, უმსხვილესი ინვესტორისა და სავაჭრო პარტნიორის, ჩინეთის გავლენის წინააღმდეგ, აქტიურად იბრძვის. აქციის მონაწილეების ბანერებზე იყო წარწერები: „ნუ დავუშვებთ ჩინეთის ექსპანსიას". ოპოზიცია ჩინურ კომპანიებს ადგილობრივი პერსონალის დისკრიმინაციაში ადანაშაულებს.

„რთულია თქმა იმისა თუ ტრამპი რამდენად შესძლებს ამ ზეწოლის განხორციელებას და რამდენად დასთანხმდება ამაზე უკრაინის ახლადარჩეული პრეზიდენტი, მაგრამ ფაქტია, ტრამპის სურვილი მიუთითებს იმაზე, რომ იგი საკმაოდ უწევს ანგარიშს ჯო ბაიდენის კანდიდატურას მომავალ საპრეზიდენტო მარათონში" - ასეთია „რეზონანსთან", „საქართველოს პოლიტიკის ინსტიტუტის" დირექტორი, კორნელი კაკაჩიას მოსაზრება ჯო ბაიდენის განცხადებასთან დაკავშირებით, რომ აშშ-ს პრეზიდენტი ცდილობს მისი როგორც საპრეზიდენტო კანდიდატის იმიჯის შელახვას.

უკრაინის სახელმწიფო საგამოძიებო ბიუროს ხელმძღვანელ რომან ტრუბას სამუშაო კაბინეტში უკანონოდ დამონტაჟებული მოსასმენი აპარატურა აღმოაჩინეს. ამის შესახებ 21 სექტემბერს მაღალჩინოსანმა თავად დაწერა „ტელეგრამზე". მანვე აღნიშნა, რომ მოსასმენი ხელსაწყო პროფესიონალურად იყო დამონტაჟებული. ეს პირველი შემთხვევა არაა, როდესაც უკრაინელი მაღალჩინოსნების კაბინეტებში მოსასმენ აპარატურას პოულობენ.

აშშ-ის პრეზიდენტობის კანდიდატმა ჯო ბაიდენმა პრეზიდენტ დონალდ ტრამპისა და უკრაინის ლიდერ ვოლოდიმერ ზელენსკის სატელეფონო საუბრის გამოძიება მოითხოვა. ბაიდენი დარწმუნებულია, რომ საუბრის დროს აშშ-ის ამჟამინდელმა პრეზიდენტმა ზელენსკის მოსთხოვა გამოძების დაწყება ბუნებრივი აირის უკრაინულ კერძო კომპანია „Burisma Holdings"-თან დაკავშირებით, რომლის დირექტორთა საბჭოს წევრი ბაიდენის შვილი, ჰანტერ ბაიდენი იყო.

რუსულ სახელმწიფო კომპანია „რუსეთის რკინიგზას" გადაწყვეტილი აქვს ვადამდე გაწყვიტოს კონტრაქტი სომხეთის ხელისუფლებასთან, რამაც შესაძლოა, სერიოზულად დაძაბოს სომხეთ-რუსეთის ურთიერთობა. კონფლიქტის მიზეზი სომხეთში „რუსეთის რკინიგზის" შვილობილი კომპანიის, სომხეთის რკინიგზის მმართველი „სამხრეთ კავკსიის რკინიგზის" წინააღმდეგ დაწყებული გამოძიებაა.