ყოფილმა პრემიერ-მინისტრმა ბიძინა ივანიშვილმა კვირას თავის ყოველკვირელ გადაცემა "2030"-ში "პანორამა თბილისის" მშენებლობაზე ისაუბრა, თქვა, რომ ეს არის უნიკალური პროექტი, რომელიც ძველი თბილისის იერსახეს არ დააზიანებს და აუცილებლად უნდა განხორციელდეს.

სამთავრობო კაბინეტში "რესპუბლიკელთა" რიცხვი სამ მინისტრამდე გაიზარდა და ამ ცვლილებით კოალიციაში ამ პარტიის პოზიციები გამყარდა. ექსპერტთა შეფასებით, "რესპუბლიკელებმა" საკმაოდ დიდი წონა და მნიშვნელოვანი პოლიტიკური მოთამაშის სტატუსი შეიძინეს და ამის ერთ-ერთი მიზეზი მმართველი კოალიციიდან "თავისუფალი დემოკრატების" გასვლაა. სწორედ ამის შემდეგ "რესპუბლიკელების" ხმები დაფასდა პარლამენტშიც და როგორც პროევროპულმა ძალამ, ასევე დიდი ფასი დაიდო ზოგადად კოალიციის იმიჯისათვისაც.

სომხეთის პარლამენტის სპიკერმა რამდენიმე დღის წინ სეპარატისტული სამხრეთ ოსეთის პარლამენტის თავმჯდომარეს უმასპინძლა და ამ შეხვედრაზე "ორ ქვეყანას შორის" ურთიერთობების გაღრმავებაზე ისაუბრეს.

საპარლამენტო უმრავლესობის ლიდერის დავით საგანელიძის შეფასებით, "რესპუბლიკური" პარტიის პოზიციების გაძლიერება კოალიციაში შემავალი სხვა პარტიების დასუსტებას არ ნიშნავს. ამის შესახებ მან "მთელ კვირასთან" ინტერვიუში ისაუბრა. დეპუტატი აცხადებს, რომ მმართველ კოალიციაში შემავალი რომელიმე პარტიის პოზიციების გაძლიერება კოალიციის სიძლიერეს ნიშნავს და მოხარული იქნება, თუ ასეთი რესურსი სხვა პარტიებსაც აღმოაჩნდება.

"ჩვენ ამ კოალიციაში ვმუშაობთ, ხშირად საჯაროდ გაგვიცხადებია ჩვენი განსხვავებული ხედვები, სხვადასხვა ალტერნატიული კანონპროექტები გაგვიტანია, თუმცა, ჩვენს როლს დღემდე კოალიციაში ვხედავთ. დღეს ეს როლი და ადგილი კოალიციაში არა მარტო საპარლამენტო ორგანოში, არამედ აღმასრულებელ ხელისუფლებაშია გაზრდილი. ჩვენს უახლოეს შესაძლებლობებსაც ზუსტად ამგვარად ვხედავთ," - აცხადებს "მთელ კვირასთან" საუბრისას "რესპუბლიკური პარტიის" წევრი, დეპუტატი დავით ბერძენიშვილი.

შარშან ნოემბერში ჩატარებული საყოველთაო აღწერის შედეგები გასულ კვირას გახდა ცნობილი და აღმოჩნდა, რომ 2014 წლის 5 ნოემბრის მდგომარეობით საქართველოს მოსახლეობის რიცხოვნობამ 3 729 635 ადამიანი შეადგინა, რაც წინა, 2002 წლის აღწერის (4 371 535) შედეგთან შედარებით 14,7 პროცენტით (641 900) ნაკლებია.

თუ თქვენი შვილი განათლების შესახებ კანონში შეტანილი ცვლილებების გამო წელს სკოლაში ვერ მიდის, რადგან 6 წლის საჯარო სკოლაში სწავლის დაწყების შემდეგ რამდენიმე დღეეში ხდება, ბავშვი სკოლის გარეთ არ დარჩება, რადგან ზოგიერთი კერძო სკოლა საშუალებას გაძლევთ, თქვენი შვილი წელსვე მიიყვანოთ სკოლაში.

ნეპალში რამდენიმე დღის წინ მომხდარი მიწისძვრის შედეგად, 7 ათასამდე ადამიანი დაიღუპა, 5 ათასზე მეტი კი დაშავდა. 7.9 მაგნიტუდის მიწისძვრამ დედაქალაქ კატმანდუს მნიშვნელოვანი ზარალი მიაყენა.

დღეს, საღამოს 5 საათზე ხელნაწერთა ეროვნული ცენტრის ეზოში მასშტაბური აქცია გაიმართება, რომელშიც მონაწილეობას ცენტრის თანამშრომლები, სტუდენტები, სამეცნიერო წრის წარმომადგენლები და მათი მხარდამჭერები მიიღებენ. როგორც ხელნაწერთა ცენტრში ამბობენ, აქციაზე შეკრებილი საზოგადოება განათლებისა და მეცნიერების მინისტრის, თამარ სანიკიძის ცენტრისადმი მკვეთრად გამოხატულ დისკრიმინაციულ დამოკიდებულებასა და მის განცხადებებს გააპროტესტებს.

გია ხუხაშვილი პრეზიდენტის მიერ მიღებულ გადაწყვეტილებას დადებითად აფასებს. მისი თქმით, მარგველაშვილმა ამ ქმედებით მთავრობასა და პრემიერ-მინისტრს სახელმწიფო ინსტიტუტების პატივისცემისკენ მოუწოდა. ექსპერტს მიაჩნია, რომ პრეზიდენტი აუცილებლად უნდა ყოფილიყო ჩართული კანდიდატურების შერჩევის პროცესში. ის ფიქრობს, რომ მას პირადი პრობლემა წარმოდგენილი კანდიდატურების მიმართ არ აქვს.

რუსეთის პრეზიდენტის, ვლადიმირ პუტინის მეგობრებად ცნობილი რუსი ბაიკერების კლუბის "ღამის მგლების" წევრები უკვე თბილისში არიან. ეს ინფორმაცია "რეზონანსს" რამდენიმე თვითმხილველმა დაუდასტურა. რუსი ბაიკერები შენიშნეს კოლმეურნეობის მოედანზე, ასევე ნაძალადევში, ხუდადოვის ქუჩაზე.

მომავალ კვირას არაფერი შეიცვლება, პრემიერი მთავრობის იმავე შემადგენლობას წარუდგენს პრეზიდენტს, რომელიც ხელის მოწერით დაადასტურებს თავის ნდობას და მინისტრთა კაბინეტს ნდობას საპარლამენტო უმრავლესობაც გამოუცხადებს - ასეთია პოლიტიკოსებისა და პოლიტოლოგების ვარაუდი მინისტრთა ახალ შემადგენლობაზე.