ადამიანი, რომელმაც თანამედროვე ევროპას დაუდო სათავე, თანამედროვეთა გადმოცემით, ახირებული და თავნება იყო, სადილზე არ სვამდა სამ ბოთლ ღვინოზე მეტს, ყველაზე მეტად უყვარდა შემწვარი ხორცი, "ნავერტელე", დესერტად კი ვაშლს მიირთმევდა. სადილის შემდეგ ორი-სამი საათი ეძინა.

საქართველოს სოფლები დემოგრაფიული კოლაფსის წინაშეა, რასაც აღწერის შედეგებიც ადასტურებს. პრობლემა ყოველწლიურად მწვავდება და უფრო მეტი მოსახლე ტოვებს განსაკუთრებით მთიან სოფლებს. 2014 წლის აღწერის მიხედვით, საქართველოში 255 სოფელია, სადაც 10 კაცზე ნაკლები ცხოვრობს. შესაძლოა, ძალიან მალე ისინი შეუერთდეს იმ 223 სოფელს, რომლებიც გაუკაცრიელებულია.

მომავალი წლიდან დედაქალაქის ცენტრალურ ქუჩებში ქვეითი დასუფთავების ინსპექციის შემოღება იგეგმება, რომელიც ქუჩაში მოსიარულე ადამიანებს გარემოს დაბინძურების ფაქტზე დააჯარიმებს. როგორც "რეზონანსთან" საუბრისას "თბილსერვის ჯგუფის" დირექტორის პირველმა მოადგილე დავით დოლიძემ განაცხადა, პირველ ეტაპზე ინსპექტირებას სავარაუდოდ 20 ადამიანი განახორციელებს.

ლომბარდები ტექნიკას ისევ საბუთის გარეშე იბარებენ. ეს კი მოზარდებს შორის დაპირისპირებისა და მობილური ტელეფონების გახშირებული ქურდობის მიზეზი ხდება. ხალხი ლომბარდების მკაცრად გაკონტროლებას ითხოვს. თავად საფინანსო დაწესებულებები კი ბრალდებას უარყოფენ და აცხადებენ, რომ მსგავსი პრობლემით მათთვის არავის მიუმართავს და მხოლოდ რამდენიმე ადამიანს ამოძრავებს მათი დისკრედიტაციის სურვილი.

კომერციული ბანკების, მიკროსაფინანსო ორგანიზაციებისა თუ კერძო მევახშეების მიერ დასაკუთრებული უძრავი ქონების რაოდენობამ 2015 წელს 1410 ერთეული შეადგინა. 2011 წლიდან 2015 წლის ჩათვლით კი, სსიპ "აღსრულების ეროვნული ბიუროს" მიერ სულ რეალიზებული იყო 9378 უძრავი ქონება. უფრო მეტია იმ ადამიანების რიცხვი, რომელთაც ვალის გამო სხვადასხვა ტიპის ქონების იძულებით გასხვისება მოუწია. დღესდღეობით მოვალეთა რეესტრში 178 500-მდე ჩანაწერია.

1879 წელს ბაბილონის გათხრებისას აღმოჩნდა უნიკალური არტეფაქტი - 23 - სანტიმეტრიანი თიხის ცილინდრი, სადაც წერია, თუ როგორ დაიპყრო აქემენიდთა მეფემ კიროს ||-მ ბაბილონი და როგორ გაათავისუფლა ტყვეები, მათ შორის იუდეველები.

თანამედროვე ტექნოლოგიების მიმართ ადამიანთა ინტერესი მასშტაბურად მატულობს. საქართველოში ახალგაზრდების უმეტესობა კომპიუტერულ ტექნიკაზეა მიჯაჭვული. სავალალოა, რომ მოზარდები კომპიუტერთან სულ უფრო და უფრო მეტ დროს ატარებენ. მშობლების ძალისხმევის მიუხედავად, ბავშვების ინტერნეტისგან მოწყვეტა შეუძლებელია. შესაბამისად, ახალ თაობას რეალური სამყაროსთვის ძალიან მცირე დრო რჩება და ვირტუალურ სივრცეში გაცილებით დიდხანს უწევთ ყოფნა.

შრომის უსაფრთხოების დაცვის კუთხით ქვეყანაში კვლავ ქაოსია. ამის გამო, უამრავი ადამიანი იღებს საწარმოო ტრავმას. მდგომარეობა დღითი დღე მძიმდება. ყველაზე სახიფათო პროფესიებს შორის მშენებლობა პირველ ადგილს იკავებს. კვლევების მიხედვით იქ ყველაზე მეტი ადამიანი იღუპება. სპეციალისტები და დასაქმებულები შრომის კანონმდებლობის გამკაცრებას ითხოვენ.

სამსახურის ძებნისას ადამიანთა უმეტესობა საოფისე სამუშაოს ირჩევს. ზიხარ კომფორტულად, სისუფთავეში, ზამთარში - თბილად, ზაფხულში - გრილად და ასე აკეთებ საქმეს. ბევრმა არ იცის, რომ საოფისე სამსახური ჯანმრთელობას გამოუსწორებელ ზიანს აყენებს. ზოგმა ზუსტად იცის ან სმენია ამის შესახებ, თუმცა ბოლომდე მაინც არ აქვს გააზრებული ის საფრთხე, რასაც "მჯდომარე პროფესიები" იწვევს.

მაღალმთიან რეგიონებში მოსახლეობას სურსათზე ხელი არ მიუწვდება. მართალია, დეფიციტი არ არის, მაგრამ ხალხს თითქმის არ აქვს ჯანსაღი კვების საშუალება. ამ მხრივ განსაკუთრებით მიუვალ სოფლებში უჭირთ, სადაც ელემენტარულად, მაღაზიაც კი არ არის. უამრავი შემთხვევაა, როცა პროდუქტს ხალხი ყიდულობს პირდაპირ მიკროავტობუსიდან, რომლითაც მომმარაგებელი მთაში მცხოვრებლებს კვირაში ერთხელ აკითხავს. ასეთ დროს, როგორც წესი, ხალხს პროდუქტის ყიდვა სამმაგ ფასში უწევს.

გვანცა ღვედაშვილი

 საქართველოში მომხმარებელთა უფლებების დაცვის თვალსაზრისით, კვლავ სავალალო მდგომარეობაა. სახელმწიფო აუდიტის დასკვნის მიხედვით, ქვეყანაში იმპორტირებული საკვები პრუდუქციის სრულყოფილი გამოკვლევა არ ხორციელდება. ეს კი ფალსიფიცირებული საკვები პროდუქტების შემოტანის რისკს ზრდის, რაც მოსახლეობის ჯანმრთელობისთვის საფრთხის შემცველია. აღსანიშნავია, რომ საკვები პროდუქტებისა და სასმელი წყლით გადამდები დაავადებებით მსოფლიოში ყოველწლიურად 2,2 მილიონი ადამიანი იღუპება.

ჩრდილოეთისკენ ქართული პროდუქტის ექსპორტი შესაძლოა, შემცირდეს. რამდენიმე დღის წინ ცნობილი გახდა, რომ რუსეთი საქართველოს საზღვრის გადაკვეთაზე ახალი გადასახადის დაწესებას გეგმავს. ეს ნიშნავს, რომ საავტომობილო და სარკინიგზო გამშვები პუნქტები ფასიანი გახდება, რაც ჩვენი ქვეყნის საექსპორტო მაჩვენებლებზეც აისახება.