სამედიცინო დაწესებულებების სიმრავლის მიუხედავად, საქართველოში ჯანდაცვის მომსახურება შეუჩერებლივ ძვირდება. მატულობს ფასი როგორც ამბულატორიულ გამოკვლევებზე, ასევე ძვირდება ექიმთან ვიზიტიც. განსაკუთრებით გაზრდილია ოპერაციების ხარჯი. ამაზე საყოველთაო ჯანდაცვის პროგრამის სტატისტიკა და ფინანსური ანგარიშგებაც მიუთითებს. კერძოდ, 2016 წლის 6 თვეში, წინა წლის ანალოგიურ პერიოდთან შედარებით, 41,2%-ით ნაკლები გადაუდებელი და გეგმიური ოპერაცია ჩატარდა, სამაგიეროდ, ამავე პერიოდში ბიუჯეტს საყოველთაო ჯანდაცვის ხარჯი 23,4%-ით გაეზარდა.

რეგიონებში სეზონური მუშახელის შოვნა ჭირს. წელს დღიური მუშის შრომის ანაზღაურება არ გაძვირებულა, თუმცა მოსავლის აღების პერიოდში დამხმარე ხშირად საძებარია. განსაკუთრებით დიდი მოთხოვნა კახეთსა და სამეგრელოშია, რადგან ყურძნისა და თხილის მოსავლის დაბინავება ბევრი ადამიანის შრომას მოითხოვს. ადგილობრივების ინფორმაციით, მუშახელის პოვნა იმდენად ჭირს, რომ დამატებით სხვა რეგიონებიდან უწევთ ხალხის ჩაყვანა, რის გამოც ხარჯიც მეტი აქვთ.

აღმოსავლური ენების კურსები თანდათან პოპულარული ხდება. ამას ისიც მოწმობს, რომ ბოლო პერიოდში ინტენსიურად იხსნება თურქული, ჩინური და ინდური ენების შემსწავლელი კურსები. ინტერესი მათ მიმართ უკანასკნელ წლებში გაჩნდა, რაც გარკვეულწილად, საქართველოში ჩინური და თურქული ბიზნესის გააქტიურებას უკავშირდება.

ეპირის მეფის, ლეგენდარული პიროსის სახელი უცნაურად შემორჩა ისტორიას - მეფე, რომელიც რომს დაუპირისპირდა და დაამარცხა კიდეც, იმავე ბრძოლაში დამარცხებული თავად აღმოჩნდა. "კიდევ ერთი ასეთი გამარჯვება და ჯარი აღარ მეყოლება", - ეს ფრაზა სასოწარკვეთილ პიროსს ეკუთვნის. იმ მეფეს, რომლის ისტორიის გათვალისწინება ხშირად სასიცოცხლოდ აუცილებელი გახდება შემდგომი პერიოდის პოლიტიკურ სივრცეში.

უცნაურია ცხოვრება - არავინ უწყის, სად მოეწევა ბედისწერა კაცს. ადამიანი, რომელიც მთელ ევროპას აზანზარებდა და შიშის ზარს სცემდა, კაცი, რომელიც სულ ახლახან საზოგადოებრივი გამოკითხვის შედეგებით ყველაზე საშიშ და საზარელ დამპყრობელთა რანგის ტაბელში რიგით მეორე აღმოჩნდა, აღესრულა ისე, რასაც ვერ იწინასწარმეტყველებდა ვერც ერთი მისანი.

წინასაარჩევნოდ, შეზღუდული შესაძლებლობების მქონე პირებმა, საარჩევნო ბარათები მიიღეს, რამაც მათი მშობლების განაწყენება გამოიწვია.

ახლად არჩეული რექტორი "რეზონანსთან" საუბარში აკადემიურ საბჭოსა და თავის კონკურენტებს მადლობას უხდით. რაც შეეხება სტუდენტთა შესაძლო პროტესტს, აცხადებს, რომ ყველასათვის მოსაწონი რექტორი ვერ იქნება, თუმცა ყველასთან თანამშრომლობისათვის მზადაა.

თბილისის სახელმწიფო უნივერსიტეტს ახალი რექტორი ჰყავს. 36 - კაციანი აკადემიური საბჭოდან 21-მა რექტორად გიორგი შარვაშიძე აირჩია. რაც შეეხება დანარჩენ 2 კანდიდატს, გიორგი ბარამიძეს 6-მა, ცირა ბარამიძეს კი 5-მა დაუჭირა მხარი, 4 ბიულეტენი ბათილად გამოცხადდა. გუშინ საღამოს მან უკვე ოფიციალურად დაიკავა რექტორის თანამდებობა და საქმიანობას შეუდგა.

ბოლო წლებში თევზაობის მსურველთა რიცხვმა საგრძნობლად მოიმატა. არსებობენ ადამიანები, ვისთვისაც ეს საქმიანობა შემოსავლის წყაროა და მას დიდი იმედით შეჰყურებენ. ისინი ე.წ.  ბადეებითა და ელექტრომოწყობილობებით ცდილობენ თევზის დაჭერას, რაც გარემოზე უარყოფით გავლენას ახდენს. არიან ისეთებიც, ვისთვისაც თევზაობა გატაცებაა და არა ფინანსური შემოსავლის წყარო. ისინი ანკესით თევზაობას ანიჭებენ უპირატესობას და ცდილობენ, ამით ეკოსისტემა არ დააზარალონ.

საფრანგეთში ლევილის მამულის საქართველოსთვის გადმოცემის საკითხზე დასკვნით აქტს ხელი 23 სექტემბერს ლევილის მამულში მოეწერება, რის შემდგომაც ქართული მხარე მის რესკონსტრუქციაზე დაიწყებს მუშაობას. როგორც დიასპორის საკითხებში სახელმწიფო მინისტრმა გელა დუმბაძემ "რეზონანსს" უთხრა, გადმოცემის შემდეგ მამულის განვითარებისა და რეაბილიტაციის მიზნით, საქართველოს მთავრობას 10 წლის განმავლობაში 5,6 მილიონი ევროს დახარჯვა აქვს დაგეგმილი.

აპენინის ნახევარკუნძულმა ერთ-ერთი გამორჩეული კვალი დაატყო მსოფლიო ისტორიის განვითრებას. ხმელთაშუა ზღვაში შეჭრილი ეს ნახევარკუნძული ჩექმის ფორმას გვაგონებს. აქ უძველესი დროიდან ლათინები დამკვიდრდნენ, ძვ. წ-აღ-ის IX ს-დან ეტრუსკები მოდიან, ძვ. წ-აღ-ის VIII-VII სს-ში კი ბერძნები შემოიჭრნენ, რომელთაც აპენინის სამხრეთით ნეაპოლიდან სიცილიის ჩათვლით ბერძნული ქალაქები დააარსეს. სწორედ ამიტომ სამხრეთ აპენინებს დიდი ხნის განმავლობაში "დიდი საბერძნეთის" სახელითაც იხსენიებდნენ.

მთიანი რეგიონები დემოგრაფიული პრობლემების ზღვარზე. წლევანდელ სასწავლო წელს თელავისა და წყალტუბოს რაიონების მთიან სოფლებში მხოლოდ ორი პირველკლასელი დარეგისტრირდა, გარდაბანში - ოთხი, ხონში კი - მხოლოდ ერთი. უფრო მძიმე ვითარება იყო შარშან. ხონის მთიან სკოლებს პირველკლასელი საერთოდ არ ჰყოლია. შარშანწინ კი მათი რაოდენობა ორს არ აღემატებოდა.