მკვლელობა დმანისის მუნიციპალიტეტის სოფელ განთიადში. 60  წლის ქალი მეზობლებმა ქუჩაში მოკლული იპოვეს. მას თავის არეში ბლაგვი საგნით ჭრილობები აქვს მიყენებული. ადგილობრივი მცხოვრებლები „რეზონანსთან“ მკვლელობის ერთადერთ ვერსიად ყაჩაღობას ასახელებენ. 

ცოლზე ძალადობის კიდევ ერთი მძიმე ფაქტი, რომელიც სამართალდამცველებმა აღკვეთეს. ახალციხის რაიონში სოფელ სვირში დააკავეს მამაკაცი, რომელიც არასრუწლოვან შვილს და მეუღლეს ფიზიკურ შეურაცყოფას აყენებდა. მათ ნაჯახით  და ცეცხლსასროლი იარაღით ემუქრებოდათ. 

ახალშობილის გაყიდვის საქმეზე  ახალი დეტალები ხდება ცნობილი. 13 000 დოლარი ახალშობილის სანაცვლოდ - ამ მძიმე დანაშაულის ფაქტზე დაკავებულია 7 ადამიანი და მათ შორის ჩვილის დედაც. ასევე დაკავებულთა შორის ის გინეკოლოგები არიან, რომლებმაც ქალი ამშობიარეს. ჩვილის დედას ირმა მაისურაძეს სასამართლომ  გირაოს სახით  2 000 ლარი შეუფარდა, თუმცა, უსახსრობის გამო მან ეს თანხა ვერ გადაიხადა და პატიმრობაში რჩება. 

ორ ექვსი წლის  გოგონაზე გარყვნილი ქმედების გამო 35 წლის მამაკაცი დააკავეს. მას პოლიცია 8 თვის განმავლობაში ეძებდა.  გ. ჯ.  8 წელს პატიმრობაში გაატარებს. ერთი მოზარდი მისი დისშვილია, მეორე კი მეზობელი. ბავშვები თანაკლასელები არიან. როგორც ერთ-ერთი გოგონას დედა ყვება, პირველი შემთხვევა გ.ჯ-ს  სახლში მოხდა, მეორე ერთ-ერთი სოფლის თონეში. 

13 000 დოლარი  ჩვილის სანაცვლოდ-სამშობიარო „ბაიებიდან“ სავარაუდოდ გაშვილების მიზნით ბავშვის გაყიდვას ცდილობდნენ, სადაც ახალშობილის დედამ საკეისრო კვეთით იმშობიარა. თუმცა გამოძიების ინფორმაციით, დედა ექიმებთან შეთანხმებით მოქმედებდა და ბავშვის მყიდველიც მათ მოძებნეს. ხოლო  აღებული თანხის გაყოფასუაზე  აპირებდნენ. კლინიკაში „რეზონანსს“ უდასტურებენ, რომ ამ საავადმყოფოს ორი ექიმია დაკავებული, თუმცა ამაზე ღიად საუბარი არავს სურს და მედიასთან კონტაქტსაც ერიდებიან. 

ბოლო წლების განმავლობაში საქართველოში ფემიციდის ნიშნით ქალების მკვლელობა კვლავ გამოწვევად რჩება და ყოველ წელს მედიას და საზოგადოებას ისევ ამ პრობლემაზე საუბარი უწევს. რატომ კლავენ კაცები საქართველოში ქალებს? უფლებადამცველები და ფსიქოლოგები სხვადასხვა მიზეზებზე საუბრობენ და ამბობენ, რომ ამ მძიმე დანაშაულის დასასჯელად სახელმწიფო სათანადო ბერკეტს არ იყენებს და დაუსჯელობის სინდრომით წახალისებული კაცები ქალებსის მკვლელობებს განაგრძობენ.  

საგარეჯოს მუნიციპალიტეტის იორმუღანლოს თემის ერთ-ერთი საჯარო სკოლის მეათე კლასის მოსწავლე გოგო 18 წლის ბიჭმა, სავარაუდოდ, ცოლად მოყვანის მიზნით მოიტაცა. სკოლაში მიმავალი გოგონა თანასოფლელმა ბიჭმა ბიძაშვილის დახმარებით მოიტაცა და რამდენიმე დღიანი ძებნის შემდეგ გამტაცებლის ბიძამ ის სახლში დააბრუნა.

ცნობილი „კანონიერი ქურდის", ვიაჩესლავ ივანკოვის, იმავე „იაპონჩიკის" მკვლელობიაში თანამონაწილეობის ბრალდებით ხუთშაბათს მოსკოვში 61 წლის მურთაზ შადანია დააკავეს. მას ბრალად ედება 2009 წელს „იაპონჩიკის" მკვლელობის ორგანიზებაში მონაწილეობა, მომავალი მსხვერპლის თვალთვალი და მკვლელობის უშუალო შემსრულებლისთვის იარაღის გადაცემა. ამის შესახებ რუსეთის საგამოძიებო კომიტეტის ოფიციალურმა წარმომადგენელმა, სვეტლანა პეტრენკომ განაცხადა.

თბილისში, პეკინის ქუჩაზე არასრუწლოვნებმა საიუველირო მაღაზია  Red Berry გატეხეს. მათ ჩაქუჩების და ქვების დახმარებით ჯერ მაღაზიის ვიტრინები დალეწეს შემდეგ კი მაღაზიიდან ძვირფასეულბა წაიღეს.  ეს ყველაფერი კი მაღაზიის სათვალთვალო კამერებმა დააფიქსირეს. მაღაზიაში „რეზონანსს“ ჯერჯერობით არ უდასტურებენ რა რაოდენობის თანხაა წაღებული, თუმცა აცხადებენ, რომ სავარაუდოდ, საუბარი ათეულ ათასობით ლარზე უნდა იყოს, რადგანაც ზოგიერთი ნივთის ღირებულება 2 ათას ლარს აღემატება.    

დუშეთის სოფელ გრემისხევში 57 წლის ქალი მგელმა დაგლიჯა. ცისანა ხუბაშვილს  დაზიანებები სახის,  ზედა და ქვედა კიდურების არეში აქვს მიღებული. სასწრაფო დახმარების ბრიგადამ ქალი ქირურგიის ეროვნულ ცენტრში გადაიყვანა, სადაც გადაუდებელი ოპერაცია უკვე ჩაუტარდა. ცისანა ხუბაშვილი  „რეზონანსთან“ აცხადებს, რომ მას მგელი მაშინ დაესხა თავს, როდესაც  სახლიდან პირუტყვი გამოიყვანა. 

ისანში სოლომონ დოდაშვილის N17-ში ინდოეთის მოქალაქე ცეცხლსასროლი იარაღით ჩაცხრილეს. 32 წლის მალიკ მაჰმად მაუტინი საკუთარმა მეზობელმა, სავარაუდოდ, სადავო ტერიტორიიის გამო მოკლა. როგორც „რეზონანსთან“ ადგილობრივები ყვებიან, უკვე ერთი წელია, რაც ინდოელებმა ამ ქუჩაზე მიწა იყიდეს და ერთი წლის განმავლობაში სახლს აშენებენ. 

სიძეზე  შურისძიების მიზნით, ცოლის ძმამ მისი მშობლები სასტიკად აწამა და შემდეგ დახოცა. შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, რამდენიმე თვიანი საგამოძიებო მოქმედებების შედეგად დააკავეს პირი, რომელმაც გასული წლის ივნისში სიძის მშობლების  დახოცვაშია ბრალდებული.