ნარკოდანაშაულის სახეები ერთმანეთისგან გაიმიჯნება. შესაბამისი ცვლილება სს კოდექსის 260-ე მუხლში შედის, რომლის მიხედვითაც სისხლის სამართლებრივი პასუხისმგებლობა გაიმიჯნება ნარკოტიკული საშუალებების, ერთი მხრივ, დამზადება, წარმოება, შეძენა, შენახვა, გადაზიდვა, გადაგზავნასა და, მეორე მხრივ, გასაღებას შორის. შესაბამისად, ნარკოტიკების გასაღებასა და წარმოება-შეძენა-შენახვაზე სხვადასხვა სანქცია გავრცელდება.

აღმოსავლეთ პარტნიორობის სამიტს, რომელიც 21-22 მაისს ლატვიის დედაქალაქ რიგაში გაიმართება, საქართველოს პრემიერ-მინისტრი ირაკლი ღარიბაშვილი დაესწრება. ოფიციალურ თბილისს იმედი აქვს, რომ რიგის სამიტზე ევროკავშირი ვიზების ლიბერალიზაციასთან დაკავშირებით საქართველოს მიერ სამოქმედო გეგმის შესრულებას მოიწონებს, რაც იმის ნიშანი იქნება, რომ უახლოეს მომავალში საქართველოს მოქალაქეებს შენგენის ზონის ქვეყნებში, რაც ევროპის უდიდეს ნაწილს აერთიანებს, უვიზო მიმოსვლა შეეძლებათ.

პრეზიდენტსა და მთავრობას შორის არსებული წელიწადნახევრიანი კონფრონტაციული ურთიერთობა გრძელდება. ამჯერად დაპირისპირების მიზეზი ათონელის რეზიდენცია გახდა, სადაც გიორგი მარგველაშვილმა გადასვალზე უარი ჯერ კიდევ გასული წლის ზაფხულს თქვა, მაგრამ ირაკლი ღარიბაშვილმა ეს საკითხი კიდევ ერთხელ წამოწია, რაც პრეზიდენტმა მის დისკრედიტაციად აღიქვა. პოლიტოლოგები კი ვითარების გამწვავებაში სხვა ადამიანებს ადანაშაულებენ. მათი თქმით, თავად პრეზიდენტი და პრემიერ-მინისტრი თავს მშვიდად გრძნობენ.

მას შემდეგ, რაც სოციალური ქსელით და მედია საშუალებებით ერაყსა და სირიაში მცხოვრები ქრისტიანი ასირიელების, იგივე ასურელების, გინდათ - აისორების, სასტიკი დევნისა და წამების ამსახველი ფოტო და ვიდეოკადრები გავრცელდა, საქართველოს მოსახლეობის ნაწილმა, მათ შორის ხელისუფლების წარმომადგენლებმა, დაიწყეს საუბარი იმაზე, თუ როგორ შეიძლება ამ ხალხის დახმარება.

გურჯაანის გამგეობაში მიმდინარე დაპირისპირება მაჟორიტარი დეპუტატის კაბინეტის დალუქვით დასრულდა. მისი სამუშაო ოთახის შესასვლელში კი ცოცხი და საპროტესტო პლაკატებია გამოკრული.

ნატოში გაწევრიანებამდე, რომელიც საკმაოდ შორეული პერსპექტივაა, საქართველოსნაირ პატარა და პრობლემურ რეგიონში მდებარე ქვეყანას დაცვა და უსაფრთხოების გარანტიები სჭირდება, რომლის მიღწევაც რამდენიმე გზით შეიძლება - ამ მოსაზრებას გამოთქვამენ ჩვენთან საუბრისას პოლიტოლოგები და იმ შესაძლო მოდელებზეც საუბრობენ, რომელთა არჩევითაც საქართველოს თავის დაცვა შეუძლია.

ორი რეზიდენცია უფლებაჩამორთმეული პრეზიდენტისთვის - ათონელის ქუჩაზე მდებარე საპრეზიდენტო რეზიდენცია, რომლის რეკონსტრუქციისთვის 26-მილიონ ლარზე მეტი დაიხარჯა, დღეიდან ექსპლუატაციაში შევიდა, თუმცა, გიორგი მარგველაშვილი მასში შესვლას არ აპირებს და ამ საკითხის წამოწევას მის დისკრედიტაციად აფასებს. ეკონომიკისა და მდგრადი განვითარების მინისტრი გიორგი კვირიკაშვილი კი ამბობს, რომ რეზიდენციის შემდგომ ბედზე ხელისუფლება იმსჯელებს.

"ღრმად ვარ დარწმუნებული, რომ გარიგება მოხდა ადეიშვილსა და ივანიშვილს შორის. ყოფილ პრემიერს არაერთხელ გამოუხატავს სიმპათიები ადეიშვილის მიმართ. გარდა ამისა, ახლანდელი და ყოფილი ხელისუფლების წარმომადგენლებს შორის მიმდინარეობს ფინანსური შეთანხმება.

"დღეს მიმდინარე მოვლენებიდან გამომდინარე, ვლადიმირ პუტინი არ აღიარებს დონეცკისა და ლუგანსკის ე.წ. სახალხო რესპუბლიკებს, მაგრამ მას შეუძლია ეს რეგიონები ხანგრძლივი დროის განმავლობაში გამოიყენოს უკრაინისთვის დესტაბილიზაციის ფაქტორად ისე, რასაც იგი ახორციელებდა აფხაზეთისა და სამხრეთ ოსეთის აღიარებამდე," - ამბობს "რეზონანსთან" საუბრისას კავკასიოლოგი ალეკო კვახაძე რუსეთის მიერ აღმოსავლეთ უკრაინის სეპარატისტული რეგიონების შესაძლო აღიარების შესახებ.

უკრაინის სამხრეთ-აღმოსავლეთ რეგიონებში მიმდინარე ანტიტერორისტულ სპეცოპერაციაში ათობით ქართველი მონაწილეობს. ისინი ბარიკადების ორივე მხარეს დგანან. მათი ნაწილი კამერების წინ გამოჩენას არ ერიდება. ვიდეორგოლები მათი მონაწილეობით სოციალურ ქსელებში განსაკუთრებით დიდი ინტერესითა და რეიტინგით სარგებლობს.

საყდრისთან ახლოს, დაახლოებით 50 მეტრში მდებარე შუა საუკუნეების ტაძრები განადგურების პირასაა. ადგილობრივების ნაწილი ამტკიცებს, რომ ტაძრებს ბზარები საყდრისზე აფეთქებითი სამუშაოების შემდგომ გაუჩნდა და მათი დაზიანება ახლაც გრძელდება. ამ ფაქტს კულტურული მემკვიდრეობის დაცვის ეროვნულ სააგენტოშიც ადასტურებენ, თუმცა, აქვე აღნიშნავენ, რომ ბზარები პროგრესირებადი არაა და შესაბამისად, მათივე განცხადებით, შუა საუკუნეების ტაძრებს განადგურება არ ემუქრება.

"სამწუხაროა, რომ საბჭოთა კავშირი დაინგრა", - ეს ნოსტალგიური განცხადება რუსეთის ფედერაციის პრეზიდენტმა ვლადიმირ პუტინმა 2014 წლის მარტში დუმაში ყირიმის რუსეთთან მიერთების საკითხის განხილვისას გააკეთა.