რიყეზე მშენებარე მუსიკისა და დრამის თეატრის ბედი ამ დრომდე გაურკვეველია. მშენებლობა 2011 წელს "ნაციონალური მოძრაობის" ხელისუფლებაში ყოფნის დროს დაიწყო და 75 მილიონი ლარი უკვე დახარჯულია. 2013 წელს "ქართული ოცნების" ხელისუფლებამ პროექტის დაფინანსება შეწყვიტა, ამ დროისთვის კი შენობა მიტოვებული და დანაგვიანებულია.

მკითხველს ალბათ დააინტერესებს ცნობები მე-19 საუკუნის ბოლოსა და მეოცე საუკუნის პირველ ათწლეულში საქართველოს რეგიონებში სოციალ-ეკონომიკური ცხოვრების ისტორიიდან, ამის გარკვევაში კი დაგვეხმარება ისტორიის მუზეუმის არქივში დაცული მასალები და მაშინდელი ქართული პრესა, სადაც პერიოდულად ქვეყნდებოდა პუბლიკაციები იმის თაობაზე, თუ როგორ ვითარდებოდა ეკონომიკურად საქართველოს ძირძველი ქალაქები და რა ძალისხმევა დასჭირდათ ჩვენს წინაპრებს, რომ ეს ქალაქები მსხვილ სამრეწველო ქალაქებად ექციათ. დღევანდელ სტატიაში მხოლოდ ბათუმს შევეხებით და რამდენიმე ამონარიდს მოვიყვანთ მაშინდელი ქართული პრესიდან.

ძველი ეგვიპტის ყოველდღიური ცხოვრების შესახებ ძალიან მცირე ცნობები მოგვეპოვება, თუმცა მრავალრიცხოვანი პაპირუსების, სამარხების, მუმიების საშუალებით შეგვიძლია ჩავწვდეთ იმდროინდელი ყოფისა და აზროვნების ფორმებსა და ნიმუშებს. სწორედ მათი წყალობით აშკარა ხდება, რომ ძველი ეგვიპტის კულტურა სიკვდილის ფენომენს ეფუძნება.

საქართველოში უცხოელთა მიგრაციის ისეთი მაჩვენებელი არ ფიქსირდება, როგორც საზღვარგარეთ სამუშაოდ წასული ჩვენი ქვეყნის მოქალაქეების რაოდენობაა, თუმცა არც უცხოელების ნაკლებობას უჩივის ქვეყანა. ისინი საქართველოში სამუშაოს საძებნელად ხშირად ჩამოდიან და ზოგიერთი წლების განმავლობაში ირჩენს თავს აქაური სამსახურით. საქართველოს მოქალაქეები კი ფიქრობენ, რომ უცხოელების ჩვენს ქვეყანაში სამუშაოდ შემოსვლა უნდა აიკრძალოს. ისინი ადგილობრივ კადრებს კონკურენციას უწევენ, უფრო დაბალ ხელფასზე მუშაობენ და მათი რიცხვი თანდათან იზრდება.

საქართველო გამორჩეული გეოსტრატეგიული მდებარეობის გამო ყოველთვის იყო მსოფლიო პოლიტიკური პროცესების ცენტრში. უძველესი პერიოდიდან დასავლეთისა და აღმოსავლეთის მბრძანებლები მსოფლიოს დაპყრობის უმთავრეს გარანტად სწორედ კავკასიის დაპყრობას მოიაზრებდნენ, ამიტომაც გახლდათ მწვავე ძველი და ახალი წელთაღრიცხვის მიჯნისას რომი-პართიის დაპირისპირება, რაც რომისა და სასანიდური ირანის ურთიერთქიშპობამ გააგრძელა.

ზაფხულში დამწვრობის ცენტრს ნამზეურის გამო 350-მა პირმა მიმართა, მათ შორის ყველაზე მცირეწლოვანი პაციენტი 6 თვის ხოლო ყველაზე ასაკოვანი 75 წლის იყო.

ეთნიკური აფხაზები და ოსები საქართველოს ხელისუფლებას სამედიცინო დახმარების მიღების თხოვნით სულ უფრო ხშირად მიმართავენ. აფხაზეთის ავტონომიური რესპუბლიკის ჯანდაცვის სამინისტროს მონაცემებით, მარტო წელს ენგურს აქეთ 550-ზე მეტია ადამიანი გადმოვიდა, რამდენიმე ათეული აფხაზი კი "ცე" ჰეპატიტის ელიმინაციის პროგრამაშიც ჩაერთო. რაც შეეხება ცხინვლის რეგიონს, ამის სტატისტიკის მოპოვება შეუძლებელია, რამდენადაც ჯანდაცვის სამინისტრო ამ ინფორმაციას რატომღაც არ ამხელს.

ქართველები შიდა ტურიზმის მიმართ სულ უფრო მეტ ინტერესს იჩენენ. თურქეთში მიმდინარე მოვლენების გამო, დიდმა ნაწილმა ადგილობრივ კურორტებზე გადმოინაცვლა. "რეზონანსი", დამსვენებელთან ერთად, ტურისტული კომპანიების პოზიციასაც გაეცნო. კერძო სექტორი ადასტურებს, რომ დამოკიდებულება იმდენად შეცვლილია, მზად არიან, მუშაობის სტრატეგია შეცვალონ და, გარე ტურებთან ერთად, შიდა ტურიზმიც მაქსიმალურად გაააქტიურონ.

საქართველოში დაქირავებით დასაქმებულთა საშუალო ხელფასი ერთი წლის განმავლობაში 7%-ით გაიზარდა, მოიმატა ოჯახის შემოსავალმაც, თუმცა ეს მატება იმდენად მიზერულია, რომ ოჯახების უმეტესობა "მინუსში მიდის". ვისაც კი სტაბილური შემოსავალი აქვს, თვიდან თვემდე დანაზოგის გაკეთებას ვერ ახერხებს. სწორედ ამის გამო, ხშირად ისმის ფრაზები - "ფული არ მყოფნის", "ხელფასი ცოტა მაქვს", "ვალს ვერ ავუდივარ" და ა.შ.

რუსეთის ისტორიის არაერთი ფურცელია ბურუსით მოცული. დღემდე საიდუმლოდ რჩება ბევრი რეზონანსული საკითხი, რაც, ხშირ შემთხვევაში, საზოგადოების კამათისა და იდეური დაპირისპირების საფუძველი გახლავთ. ერთ-ერთი მათგანია რუსეთის იმპერატორის, ყველაზე ძლიერი და საამაყო რუსი ხელისუფლის, პეტრე პირველის წარმომავლობა.

"საბჭოს შეუძლია, გადაწყვეტილად მიიჩნიოს ამ სხდომაზე ქალაქის მერის წინაშე დაყენებული სამი საკითხი: პირველი - დიდუბის პანთეონის გაფართოება პანთეონისა და დიდუბის ეკლესიას შორის არსებული ღობის მოხსნის ხარჯზე; მეორე - დავით აღმაშენებლის ძეგლის ცენტრში დაბრუნება ვახტანგ დავითაიას მიერ შემოთავაზებული პროექტით და მესამე, მერიასთან საინფორმაციო და საზოგადოებრივ-პოლიტიკურ გაზეთ "თბილისის" შექმნა. დავით ნარმანიას თქმით, სამივე ეს პროექტი განხორციელდება ახალ წლამდე," - აცხადებს მერიის მრჩეველთა საბჭოს თავმჯდომარე რევაზ მიშველაძე გუშინ დავით ნარმანიასთან გამართული შეხვედრის შემდეგ.

ქრისტეს 33-მეტრიანი ქანდაკების ავტორმა (კვარცხლბეკიანად - 80 მ), რუსეთში მოღვაწე ქართველმა მხატვარმა და სკულპტორმა ზურაბ წერეთელმა სურვილი გამოთქვა, რომ თავისი გრანდიოზული ნამუშევარი, რომელიც სიმაღლით რიო დე ჟანეიროს ცნობილ "ქრისტე მხსნელის" ქანდაკებას აღემატება, მცხეთაში დაიდგას.