ეკონომიკური სიდუხჭირე, უმუშევრობა და ახალგაზრდების მასობრივი მიგრაცია - ეს ქვემო სვანეთის მთავარი პრობლემებია. ამას ემატება დიდი ტურისტული პოტენციალის გამოუყენებლობა. მიუხედავად იმისა, რომ ლენტეხს მაღალმთიანი რაიონის სტატუსი მიენიჭა, რის შემდეგაც მთელი რიგი სოციალური და ეკონომიკური შეღავათები მიიღო, ეს სოფლებში ხალხის დასამაგრებლად საკმარისი არ აღმოჩნდა.

უკვე 2 კვირაა, რაც ყოფილი ჟურნალისტი ვასილ სილაგაძე დიდუბის ეკლესიასთან მათხოვრობს. ავტოავარიის შედეგად მიღებული ტრავმებით უკვე 14 წელია, მას გადაადგილება უჭირს, მდგომარება კი დღითი დღე მძიმდება. როგორც სილაგაძე აცხადებს, წინა და ახლანდელ მთავრობას დახმარების თხოვნით არერთხელ მიმართა, თუმცა - უშედეგოდ.

მეთქევსმეტე საუკუნის 80-იანი წლები კავკასიის ისტორიის ერთ-ერთი საინტერესო მონაკვეთია. უმძიმესი პოლიტიკური ვითარების ფონზე იქარგება მოვლენები. მაჰმადიანური გარემოცვა ქართველთა სამეფო-სამთავროებს ყოფნა-არყოფნის დილემის წინაშე აყენებს. ეს ის დილემაა, რომლის დაძლევაც მხოლოდ ფილიგრანული დიპლომატიითა და სამხედრო წინააღმდეგობის ბალანსით მიიღწევა.

საქართველოში ყოველწლიურად სამსახურებრივი მოვალეობის დროს დაახლოებით 38 ადამიანი იმის გამო იღუპება, რომ უსაფრთხოების ზომები დაცული არ არის. ამასთან, პროფკავშირების მიერ მოწოდებული ინფორმაციით, 2006 წლიდან დღემდე 420 ადამიანზე მეტია დაღუპული. სახალხო დამცველის განცხადებით კი, 2017 წლის 6 თვის მონაცემებით, შრომითი მოვალეობის შესრულებისას სამუშაო ადგილებზე დასაქმებულთა გარდაცვალებისა და დაშავების 46 შემთხვევაზე დაიწყო გამოძიება.

დღესდღეობით ინფორმაციის მთავარი წყარო კიბერინდუსტრიაა. თანამედროვე სივრცეში სოციალური ქსელის გავლენა ადამიანებზე საკმაოდ დიდია და ამავე დროს - უარყოფითიც. ვირტუალურ ქსელში გაწევრიანებული ადამიანები ჩივიან, რომ ის ინფორმაციები, რომლებიც სოციალურ გვერდებზე ვრცელდება, უმეტესად არასანდოა. სად ვრცელდება ყველაზე მცდარი ინფორმაციები და ხალხი რომელ საინფორმაციო წყაროს ანიჭებს უპირატესობას?

ახლო მომავალში ბავშვთა აცრები სავალდებულო გახდება. დაავადებათა კონტროლის ეროვნულ ცენტრში უკვე მუშაობენ შესაბამის კანონპროექტზე. გადასაწყვეტი რჩება ერთი მნიშვნელოვანი საკითხი - რა სანქციები უნდა დაეკისროთ მშობლებს, რომლებიც საკუთარი შვილების აცრაზე უარს ამბობენ.

აბსოლუტურად ყველა სავაჭრო ობიექტსა და სუპერმარკეტში მომხმარებელს წონაში ატყუებენ. თვითნებურად დაკალიბრებული ელექტროსასწორები 1 კგ-ში, საშუალოდ, 50-100 გრამს "იპარავს". აგრარული ბაზრების შემთხვევაში, ეს მაჩვენებელი 200 გრამსაც აღწევს. როგორც არასამთავრობო ორგანიზაცია "ეტიკის" კვლევამ აჩვენა, წონაში ნაკლებია დაფასოებული და ეტიკეტირებული პროდუქტი - უკლებლივ ყველა, რომელიც კომპანიის ან ინდივიდუალურად მეწარმის მიერ არის შეფუთული, იმპორტული პროდუქტის შემთხვევაში კი წონა ყოველთვის არის ზუსტი.

სათამაშოების ბაზარზე რეგულაციები დაწესდება. საქართველოს კონტროლის მექანიზმის დანერგვას ევროკავშირთან ასოცირების შეთანხმება ავალდებულებს. სავარაუდოდ, ბაზარს ეკონომიკის სამინისტროს სამშენებლო ზედამხედველობის სააგენტო გააკონტროლებს.

უცხოელმა მეცნიერებმა აჭარა, როგორც მტაცებელ ფრინველთა მიგრაციის ერთ-ერთი უდიდესი დერეფანი, 10 წლის წინ აღმოაჩინეს. მას შემდეგ ორინტოლოგები და მოყვარული ტურისტები მთელი მსოფლიოდან გადამფრენ ფრინველებს სოფელ სახალვაშოსა და შუამთის პლატფორმებიდან აკვირდებიან. უკვე ტრადიციადქცეული გადამფრენი ფრინველების ფესტივალი წელს 24 სექტემბრიდან 30 სექტემბრამდე გაიმართება.

წყლის გადასახადის გაძვირების საფრთხე დიდია. ტარიფის ზრდა ოფიციალურად არ დასტურდება, მაგრამ ინფორმაციას არც არავინ უარყოფს. საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) საბოლოო გადაწყვეტილება წლის ბოლომდე გახდება ცნობილი. სპეციალისტები ვარაუდობენ, რომ გადასახადი მოიმატებს, მიუხედავად იმისა, რომ გაძვირებისთვის რეალური საფუძველი არ არსებობს. სხვა რომ არაფერი, წყალი ადგილობრივი რესურსია და სხვა პროდუქციისგან განსხვავებით, იაფი უნდა ღირდეს.

მსოფლიო ქველმოქმედების რეიტინში საქართველო ბოლოდან მეოთხე ადგილზეა. ეს იმას ნიშნავს, რომ, კვლევის ავტორთა შეფასებით, ქართველები მეტად იშვიათად ეხმარებიან გაჭირვებულებს და ქველმოქმედების მიზნით ფულს პრაქტიკულად არ ხარჯავენ.

გასულ თვეში გერმანიის ტრანსპორტისა და ციფრული ინფრასტრუქტურის ფედერალური ბიუროს ახალი ინიციატივით თვითმართვად მანქანებს კრიტიკული შემთხვევებისთვის 20 ეთიკური პრინციპი განესაზღვრა. ანგარიშში ნათქვამია, რომ ავტომატური მანქანების მეშვეობით გზებზე ავარიები შემცირდება, თუმცა, ტექნოლოგიური შესაძლებლობების მიუხედავად, ამის მთლიანად აღმოფხვრა შეუძლებელია.