პრეზიდენტის გამოსვლას პოლიტოლოგები ეხმაურებიან და აღნიშნავენ, რომ მარგველაშვილის მოხსენებას ლაიტმოტივად ის დაპირისპირება გასდევდა, რაც მასა და მთავრობას შორისაა.

დღეიდან სოციალურად დაუცველთა ქულების დათვლის განახლებული სატესტო სისტემა ამოქმედდება. ამის შესახებ გუშინ ჯანდაცვის მინისტრის მოადგილემ, ზაზა სოფრომაძემ ისაუბრა. მისი ცნობით, შეფასების სისტემაში გადაწყვეტილების მიღება სუბიექტურ ფაქტორებზე დაყრდნობით მაქსიმალურად იქნება შემცირებული. როგორც სოფრომაძე ამბობს, სოციალური აგენტი დამოუკიდებლად ვერც დანიშნავს სოციალურ დახმარებას და ვერც მოხსნის.

საპარლამენტო უმრავლესობის წევრი ზაქარია ქუცნაშვილი პრეზიდენტს პროტოკოლის დარღვევაში ადანაშაულებს. მისი თქმით, პროტოკოლი ითვალისწინებს იმას, რომ პრეზიდენტი პარლამენტის სხდომათა დარბაზში მყოფ პირველსავე შემხვედრ დეპუტატს ესალმება და ხელს ართმევს. გიორგი მარგველაშვილმა პარლამენტში მისვლისას პირველად დეპუტატს ჩაუარა, თუმცა მას არც კი მიესალმა. პარლამენტარის მტკიცებით, პრეზიდენტმა დეპუტატებს ისე ჩაუარა, რომ მათ ზედაც არ შეხედა.

თბილისში შეზღუდული შესაძლებლობების მქონე (შშმ) პირთათვის შექმნილი რამდენიმე საწარმო დახურვის საფრთხის წინაშეა, ამის მიზეზი კი ის ფინანსური პრობლემებია, რომელიც საწარმოებს წლის ბოლოდან შეექმნებათ. ისნის რაიონში, ძმები უბილავების 38-ში მდებარე საწარმოები შშმ პირებისთვის 20 წელზე მეტია უცხოური ფონდების დაფინანსებით ფუნქციონირებს, თუმცა წლის ბოლოდან ფონდები საქართველოს ტოვებენ, რის გამოც ახალი დონორის მოძიება მოუწევთ, წინააღმდეგ შემთხვევაში კი, შშმ პირები დასაქმების ერთადერთი წყაროს გარეშე დარჩებიან.

"მე ვამბობ ერთ რამეს, შინაგან საქმეთა ახალი მინისტრის თამადობით, სერიოზული გუნდია მოსული და იმედი მაქვს, ამ მკვლელობის საქმეს გამოიძიებენ, რადგან მათ თავიანთი მოსვლის დღიდან სააშკარაოზე საკმაოდ ბევრი რამ გამოიტანეს და ეს ძალიან მიხარია. სადარაჯოზე დგანან ისეთი ადამიანები, რომლებიც საქმეს ბოლომდე მიიყვანენ," - ამბობს მოკლული ბიზნესმენის, ბესო ხარძიანის მეგობარი გია კორკოტაშვილი "რეზონანსთან" საუბრისას.

"იური ვაზაგაშვილისა და ბესო ხარძიანის მკვლელობა პირდაპირ კავშირშია ბიძინა ივანიშვილის მიერ დაანონსებულ სამართლიანობის აღდგენის პროცესთან და ვშიშობ, ეს არ არის ბოლო ტერაქტი", - ამბობს "რეზონანსთან" საუბრისას "დემოკრატიული მოძრაობა-ერთიანი საქართველოს" საბჭოს წევრი დიმიტრი ლორთქიფანიძე და ხელისუფლებას რეაგირებისკენ მოუწოდებს.

"როდესაც ქვეყანაში ხდება ამ დონის ანგარიშსწორება და კრიმინალი, ბუნებრივია, ხელისუფლების მიმართ დაისმება კითხვა, რატომ ვერ მოახერხა ამის პრევენცია. ნუთუ არ შეეძლო მას რამის გაკეთება, რომ უკვე მეორე ასეთი ხმაურიანი მკვლელობის წინაშე არ დამდგარიყო ქვეყანა. ხელისუფალი პასუხისმგებელია ყველაფერზე, კარგზეც და ცუდზეც", - ამბობს "რეზონანსთან" საუბრისას საპარლამენტო უმრავლესობის ერთ-ერთი ლიდერი, "რესპუბლიკელი" თინა ხიდაშელი.

საჰაერო თავდაცვის სისტემები, მხარდაჭერა კიბერუსაფრთხოების კუთხით, ნატო-საქართველოს მუდმივმოქმედი კომისია, ფულადი დახმარება, საწვრთნელი ბაზა - ესაა არასრული ჩამონათვალი იმისა, რასაც საქართველო ნატოსგან იღებს.

ქართველ ინსტრუქტორებზე უკრაინაში დიდი მოთხოვნაა, გამოცდილი სამხედრო სპეციალისტები საომარ მდგომარეობაში მყოფი ქვეყნის სპეცდანიშნულების რაზმებს წვრთნიან - ქართველებს უშუალო შეხება ჰქონდათ რუსეთთან და მათ ტაქტიკასა და საბრძოლო პოტენციალზე წარმოდგენა აქვთ, რაც უდავოდ წაადგება უკრაინის არმიას", - ამბობს "რეზონანსთან" საუბრისას კავკასიოლოგი ალეკო კვახაძე.

შესაძლოა, ლევან ყიფიანს სპორტის მინისტრის თანამდებობის დათმობა მოუწიოს, რისი მიზეზიც დეპუტატების დასკვნაა. პარლამენტის სპორტისა და ახალგაზრდულ საქმეთა კომიტეტი მისი მუშაობით უკმაყოფილოა, რის გამოც რამდენიმე დღის წინ მინისტრი კომიტეტშიც დაიბარეს.

მთელი ოპოზიცია და პლუს მმართველ კოალიციაში შემავალი "რესპუბლიკური პარტია" 2016 წლის საპარლამენტო არჩევნებისათვის მაჟორიტარული სისტემის გაუქმებასა და საკანონმდებლო ცვლილებას ითხოვს თუმცა "ქართული ოცნება" ამ საკითხზე ჯერჯერობით თავის პოზიციას არ აფიქსირებს. მათ გარეშე კი კონსტიტუციის შესწორებისათვის პარლამენტში ხმათა საჭირო 3/4-ის მოგროვება ვერ მოხდება.

ბიზნესმენ ბესო ხარძიანის მკვლელობას ოჯახის წევრები სამართლიანობის აღდგენის კუთხით მის მიერ დაწყებულ ბრძოლას უკავშირებენ. ხელს ორ ყოფილ მაღალჩინოსან ირაკლი ქურასბედიანს და გია უდესიანს ადებენ, რომლებსაც თავად ხარძიანი მისთვის თავის დროზე საკუთარებაში არსებული კუს ტბის წილის ჩამორთმევაში ადანაშაულებდა და მათ წინააღმდეგ სასამართლოს პირველი ინსტანციაც ჰქონდა მოგებული, მეორე კი მაისში უნდა დასრულებულიყო.