საქართველოს ექსპრეზიდენტი მიხეილ სააკაშვილი თვის ბოლოს აზერბაიჯანის დედაქალაქს ეწვევა. 2015 წლის 27-30 აპრილს ბაქოში გაიმართება ღია საზოგადოებათა მესამე საერთაშორისო ფორუმი, რომლის თემაც "ნდობის აღდგენა ახალი მსოფლიო წესრიგის პირობებში" იქნება. ღონისძიებაში მონაწილეობას 50-მდე ქვეყნის ყოფილი პირველი პირი და ასევე ათეულობით პოლიტიკოსი და საზოგადო მოღვაწე მიიღებს მსოფლიოს სხვადასხვა ქვეყნიდან.

პარლამენტში ინიცირებულ "არასრულწლოვანთა მართლმსაჯულების კოდექსს" მმართველი გუნდის გარდა დადებითად აფასებენ იურისტებიც. მათი აზით, კანონი მაქსიმალურად იცავს არასრულწლოვანთა უფლებებს. სასჯელისას გამოიყენება განრიდებისა და მედიაციის მექანიზმებიც, რაც გულისხმობს იმას, რომ პატიმრობა მხოლოდ უკიდურეს შემთხვევაში გამოიყენება. როგორც კანონპროექტის ავტორები "რეზონანსთან" საუბარში ამბობენ, თუ პროკურორი განრიდებას არ გამოიყენებს, ის ვალდებულია თავისი გადაწყვეტილება დაასაბუთოს.

ორი პოლიციელის მკვლელობაში ეჭვმიტანილი შალვა აბულაძე კვლავ ძებნაშია. მის დასაჭერად ქვეყნის სამართალდამცველთა მთელი რესურსია მობილიზებული. ვინ არის შალვა აბულაძე?

გუშინ, მაშინ როცა თბილისის მერი საკრებულოს წინაშე გამოდიოდა, რამდენიმე ათეული "პარტიზანი მებაღე" შენობის წინ შეიკრიბა და თბილისში მწვანე საფარის განადგურების გასაპროტესტებლად მოჭრილი ტოტები მიიტანა.

კამპანიაში "ეს შენ გეხება" ჩართული ორგანიზაციები ე.წ. ფარული მოსმენების კანონს საკონსტიტუციო სასამართლოში ასაჩივრებენ. ისინი 2-გასაღებიანი სისტემის გაუქმებას მოითხოვენ და მიაჩნიათ, რომ შსს-ს პირად ინფორმაციაზე უშუალო წვდომა არ უნდა ჰქონდეს.

"მოხსენება მოხსენებისათვის" - ასე აფასებენ საკრებულოს დეპუტატები, გარდა "ოცნების" წევრებისა, თბილისის მერის ანგარიშს, რომლითაც იგი საკანონმდებლო ორგანოს წინაშე გუშინ წარდგა და ამბობენ, რომ მისი ტექსტი მეტისმეტად ზოგადი ხასიათის იყო. კონკრეტულად არც ერთი პრობლემის მოგვარების გზებზე არ უსაუბრია და თავი აარიდა ყველა მწვავე კითხვას, რომელიც დაუსვეს.

ყვითელი ავტობუსის მძღოლები, მეტროს, დასუფთავების სამსახურისა და "სინათლის ქალაქის" თანამშრომლები, შესაძლოა, აღდგომის შემდეგ გაიფიცონ.

1989 წლის 9 აპრილის იმ ტრაგიკული ღამიდან უკვე თითქმის 26 წელი გავიდა. მიუხედავად ამისა, ქართველები მუდამ დიდი გულისტკივილით ცრემლმორეულნი ვიხსენებთ ამ საშინელ თარიღს და დაღუპულ თანამემამულეებს. ვიხსენებთ აგრეთვე იმ საბჭოთა ჯარისკაცებსაც, რომლებმაც ასე უმოწყალოდ დაარბიეს მშვიდობიანი დემონსტრაცია და ვცდილობთ გავიგოთ, თუ ვინ იყვნენ ისინი, რა მიზანი ამოძრავებდათ მათ, რას ფიქრობდნენ, როგორ მოქმედებდნენ და გვებადება კითხვა - ნანობენ თუ არა?

ბიზნესმენ ბესო ხარძიანის მკვლელობის გამოძიება დასკვნით ეტაპზეა. ოჯახის ადვოკატის მალხაზ სალაყაიას თქმით, ხარძიანის სავარაუდო მკვლელის აღწერილობა უკვე ცნობილია და მის კვალზე რამდენიმე მტკიცებულების შეჯერების შემდეგ გავლენ. თავად ოჯახის წევრები კი გამოძიების დასრულებამდე კომენტარის გაკეთებისგან თავს იკავებენ.

"მაშინ, როდესაც სააკაშვილმა ნულოვან ტოლერანტობაზე ისაუბრა, თავად განცხადება კი არ იყო იმდენად შოკის მომგვრელი, რომ არა წინაპირობა და ის, რაც ამას მოჰყვა. წინაპირობა იყო ქუჩაში ჩაცხრილული ბიჭები, ძალადობა, რომელიც უკვე ფეხს იკიდებდა... პრემიერის განცხადება კი, რომ კრიმინალმა სროლა არ უნდა დაგასწროს, ნიშნავს, რომ პოლიციელი სწრაფი უნდა იყოს, თუმცა არ ვიცით, ეს მოქმედებაში როგორ მოვა და ამას პოლიციელებს როგორ უთარგმნიან. თუ ამან გამოიწვია ის, რომ პოლიციელმა პატარა ხიფათის დროსაც, ყოველგვარი შეფასების გარეშე გახსნა ცეცხლი, ეს მაშინ ძალიან ცუდი განცხადება იქნება. თუკი პროცესი ამ მიმართულებით განვითარდება, მაშინ იგივე მოხდება, რაც სააკაშვილის ნათქვამს მოჰყვა," - აცხადებს "რეზონანსთან" საუბრისას პოლოტოლოგი, საზოგადოებრივი საკონსტიტუციო კომისიის წევრი ვახტანგ ძაბირაძე.

"ნაციონალური მოძრაობის" წარმომადგენლის, სერგო რატიანის განცხადებას სახელი არა აქვს, ეს არის სიბინძურე, სპეკულანტობა და ამორალურობა," - ასე გამოეხმაურა "რეზონანსთან" საუბრისას ჟურნალისტი და საყდრისის ერთ-ერთი აქტიური დამცველი ნინო მიქიაშვილი რატიანის განცხადებას, რომ "არემჯი გოლდმა" 7 აპრილს ძეგლის დაუზიანებელი ნაწილი ააფეთქა.

იუსტიციის მინისტრი თეა წულუკიანი პარლამენტს "იარაღის შესახებ" კანონში ცვლილებების დაჩქარებისკენ მოუწოდებს. მინისტრმა კანონპროექტის განხილვის გაჭიანურება პოლიციელებზე თავდასხმების ფაქტების გახშირების ერთ-ერთ მიზეზად დაასახელა.