"ნაციონალური მოძრაობის" ინიციატივას, გამართოს აქცია მთავრობის გადადგომის მოთხოვნით, პერსპექტივა არა აქვს, როგორი განაწყენებულიც უნდა იყოს მოსახლეობა მოქმედი მთავრობის მიმართ, მათ მხარს არ დაუჭერს" - აცხადებს პეტრე მამრაძე, რომელსაც "რეზონანსი" მიმდინარე პოლიტიკურ ვითარებაზე ესაუბრა.

დაიწყება თუ არა ევროპასთან უვიზო მიმოსვლა, ამ საკითხზე ევროკავშირი გადაწყვეტილებას მაისში ლატვიის დედაქალაქში გამართულ სამიტზე მიიღებს. მართალია, რიგაში მიღებული გადაწყვეტილება სარეკომენდაციო ხასიათის იქნება, მაგრამ თბილისში მოელიან, რომ დადებითი პასუხის შემთხვევაში, უკვე მომავალი წლიდან ევროკავშირის ქვეყნებში საქართველოს მოქალაქეები მოკლევადიანი ვიზიტების განხორციელებას ვიზის გარეშე შეძლებენ.

"რაც გინდა ამტკიცონ, რომ ზუგდიდის ინციდენტში ხელისუფლება არ ჩარეულა, ფაქტია, "ნაციონალურმა მოძრაობამ" მომიტინგეები ზუგდიდიდან ჩამოიყვანა, ხოლო ხელისუფლებამ დაუპირისპირა ის, რაც დაუპირისპირა და ვფიქრობ, ყველაზე სწორი გადაწყვეტილება მიიღო", - ამბობს "რეზონანსთან" საუბრისას "ახალი მემარჯვენეების" პოლიტიკური მდივანი, მანანა ნაჭყებია ზუგდიდის კულტურის ცენტრში ე.წ. ციხის კადრების შემცველი ფილმის ჩვენებაზე მოსწავლეების დასწრებისა და "ნაცმოძრაობისა" და მასთან დაკავშირებული არასამთავრობო ორგანიზაციის ოფისებთან მომხდარი შეხლა-შემოხლის შესახებ.

აფხაზეთის დე ფაქტო რესპუბლიკის ე.წ. პრემიერ-მინისტრი, ბესლან ბუთბა გადადგა, რადგან, როგორც ამბობს, ამ პოსტზე მუშაობის აზრს ვეღარ ხედავს.

რა სცენარით განვითარდება პოლიტიკური პროცესები ქვეყანაში, მოსალოდნელია თუ არა მასობრივი არეულობა, არის თუ არა დესტაბილიზაციის საფრთხე, ვის ინტერესებში შეიძლება შედიოდეს ძალადობრივი ქმედებები. საზოგადოების ნაწილი შექმნილი ვითარებით შეშფოთებულია და მიიჩნევს, რომ მასობრივი არეულობაა მოსალოდნელი.

"ნატო მნიშვნელოვნად აძლიერებს თავის ფლანგებს - მხედველობაში მაქვს დამატებითი კონტინგენტის გადასხმა ბალტიისპრეთის ქვეყნებში. ანუ ალიანსმა რუსეთის საწინააღმდეგოდ შემაკავებელი ფაქტორი აამოქმედა", - ამბობს "რეზონანსთან" საუბრისას ლევან მიქელაძის სახელობის ფონდის აღმასრულებელი დირექტორი და საგარეო საქმეთა მინისტრის ყოფილი მოადგილე დავით ზალკალიანი.

პრეზიდენტ გიორგი მარგველაშვილის გამოსვლა პარლამენტში კიდევ ერთხელ გადაიდო. ქვეყნის პირველი პირი ყოველწლიური მოხსენებით საკონმდებლო ორგანოში 18 მარტის ნაცვლად 31 მარტს გამოვა. წინასწარი ინფორმაციით, პრეზიდენტის გამოსვლას მთვარობა არ დაესწრება და არც დებატები გაიმართება.

სოფელ ტაბაწყურის მოსახლეობა სომხეთის პარლამენტის დეპუტატსა და სომხეთის გარემოს დაცვის ყოფილ მინისტრ ვარდან აივაზიანს სასამართლოში უჩივის. ადგილობრივები საქართველოს ეკონომიკის სამინისტროს მიერ სომეხი დეპუტატის კომპანიისათვის გაცემული იმ ლიცენზიის ბათილად ცნობას ითხოვენ, რომლის თანახმადაც მათ ტაბაწყურის ტბაზე თევზაობა შეეზღუდათ. ამბობენ, რომ სოფელში მათი შემოსავლის ერთადერთი წყარო მხოლოდ თევზაობა იყო.

რუსეთმა ოფიციალურად დატოვა ევროპაში ჩვეულებრივი შეიარაღების შესახებ დდებული შეთანხმება. ამით მათ ევროპის ტერიტორიაზე თავდასხმითი შეიარაღების განუსაზღვრელი რაოდენობით განთავსებაზე ხელ-ფეხი ეხსნებათ და უკვე ვერავინ გააკონტროლებს, სად რამდენ შეიარაღებას განალაგებს. სამხედრო ექსპერტების განცხადებით, ეს შემაშფოთებელია, მოსკოვის სამიზნე პირველ რიგში უკრაინა და საქართველოა და შემდეგ მთელი აღმოსავლეთ ევროპაც.

აჭარის უმაღლესი საბჭოს თავმჯდომარე ავთანდილ ბერიძე "თავისუფალი დემოკრატების" იმედადაა დარჩენილი. როგორც ბერიძემ "მთელ კვირას" განუცხადა, ელოდება, რომ საბჭოს ოპოზიციონერი დეპუტატები მისი იმპიჩმენტის საკითხს დააყენებენ, რისთვისაც 11 ხმაა საჭირო. ამ დროისათვის ოპოზიციას 12 დეპუტატი ჰყავს, რაც მის გადასაყენებლად საკმარისია.

ზუგდიდის რაიონის სოფელ რუხში მშენებარე სავაჭრო ცენტრის პროექტზე მუშაობა გაზაფხულზე დასრულდება. როგორც საპარტნიორო ფონდში განგვიცხადეს, ამჟამად საპარტნიორო ფონდი სავაჭრო ცენტრის არქიტექტურული მშენებლობის დეტალური პროექტირების სამუშაოებს ახორციელებს.

ხელისუფლების გადადგომის მოთხოვნით დაანონსებულ "ნაციონალური მოძრაობის" რიგით მესამე დიდ მიტინგს ზოგიერთმა პოლიტიკურმა ძალამ, შესაძლოა, კონტრაქციით უპასუხოს. "ქართულ ოცნებაში" აცხადებენ, რომ თავად მსგავსს არაფერს გეგმავენ და ამასთან დაკავშირებით სოციალურ ქსელებში გავრცელებულ ინფორმაციასაც გადაჭრით უარყოფენ.