ასეთია დამოუკიდებელი ფირმების გლობალური ორგანიზაციის პკფტე ერწკტეწტ შტეუკტფეშწტფდ-ის კვლევის მონაცემები. კვლევის მიხედვით, პირველ ადგილზე რუსეთია, სადაც კერძო ბიზნესში მმართველი პოზიციების 40%-ს ქალები იკავებენ, სიაში მეორე ადგილზეა საქართველო, მას მოჰყვება პოლონეთი, ლატვია, ესტონეთი, ლიტვა, საფრანგეთი, სომხეთი და ა.შ.

გალში დარჩენილ 11 ქართულ სკოლაში მომავალი წლიდან სწავლება რუსულ ენაზე მოხდება და ქართული მხოლოდ ერთ რიგით საგნად დარჩება. ყოველ შემთხვევაში, ასე აანონსებს აფხაზეთის სეპარატისტული ხელისუფლება და თვით ე.წ. პრეზიდენტმა რაულ ხაჯიმბამაც ორი დღის წინ განაცხადა, რომ მათთვის მიუღებელია მის "რესპუბლიკაში" მოსწავლები თბილისში დაბეჭდილი ისეთი სახელმძღვანელოებით სწავლობდნენ, რომელიც "აფხაზეთის სახელმწიფოს არსებობას უარყოფს".

"თავისუფალი საქართველოს" ლიდერი კახა კუკავა და ა/ო "თავისუფალი თაობის" ხელმძღვანელი ლადო სადღობელაშვილი ერთმანეთს პროვოკაციების მოწყობაში ადანაშაულებენ. კუკავა ამბობს, რომ ხუთშაბათს პატრულის მიერ დაკავებული სადღობელაშვილი პოლიციის შენობაში ხელბორკილების გარეშე დასეირნობდა. ამბობს, რომ დაპირისპირებისას მას ბორკილები დაადეს, სადღობელაშვილი კი ისევ ბორკილების გარეშე დარჩა. კუკავა მას სპეცსამსახურებთან თანამშრომლობაში ადანაშაულებს და ხელისუფლების მიერ შექმნილ ზონდერს უწოდებს.

ოფიციალური მოსკოვი საქართველოსთან გაფორმებულ ხელშეკრულებას, რომელიც აფხაზეთსა და ცხინვალის რეგიონში რუსეთიდან შესული ტვირთების მონიტორინგს ეხება, ეჭვქვეშ აყენებს. საგარეო საქმეთა მინისტრ სერგეი ლავროვის თქმით, ხელშეკრულებაში აფხაზეთსა და სამხრეთ ოსეთზე არაფერია ნათქვამი და იგი მხოლოდ რუსეთსა და საქართველოს ეხება. შესაბამისად, ლავროვი ამ შეთანხმებას, მისი თქმით, 2008 წლის შემდეგ დამდგარი "ახალი რეალობიდან" გამომდინარე განიხილავს და მიანიშნებს, რომ ნეიტრალური დამკვირვებლები არა ფსოუსა და როკის გვირაბთან, არამედ ენგურზე და ერგნეთთან უნდა დადგნენ.

აშშ-ის პრეზიდენტმა ბარაკ ობამამ საქართველოში ახლი ელჩის კანდიდატურა წარადგინა. სავარაუდოდ, ამ თანამდებობას დიპლომატი იან კელი დაიკავებს. ცნობისათვის, იან კელი პროფესონალი დიპლომატია და სხვადასხვა დროს მნიშვნელოვან თანამდებობებს იკავებდა. იყო აშშ-ს წარმომადგენელი ეუთოში; აშშ-ს სახელმწიფო დეპარტამენტის ევროპისა და ევრაზიის საქმეთა ბიუროში რუსეთის საქმეთა ოფისის დირექტორი. 2009-2010 წლებში აშშ-ის სახელმწიფო დეპარტამენტის საზოგადოებასთან ურთიერთობის ბიუროში ეკავა სპიკერის პოზიცია.

განათლების სამინისტროს გადაწყვეტილებით, ახალი სასწავლო წლიდან ის ბავშვები, რომლებსაც სასწავლო წლის დაწყებამდე 6 წელი არ შეუსრულდებათ, სკოლაში ვერ შევლენ. სამინისტროს ეს გადაწყვეტილება მშობლებისთვის მოულოდნელი იყო და მათი ნაწილი უკმაყოფილოა.

"იური ვაზაგაშვილის მკვლელობის ადგილას, რა თქმა უნდა, სამართალდამცავი ორგანოების მიერ აღმოჩენილია რამდენიმე ადამიანის დნმ-ის კვალი. თუმცა, მინდა დაზუსტებით ვთქვა, რომ ყველაზე სერიოზულად და საეჭვო დნმ-ს კვალად მხოლოდ 2 ჩაითვალა.

საქართველოს მეტალურგიული და სამთო მრეწველობის მუშაკთა პროფკავშირი კომპანია "არემჯის" უპირისპირდება. მათი თქმით, კომპანიის ხელმძღვანელობა თავის იმ თანამშრომლებს, რომლებიც ამავდროულად პროფკავშირში არიან გაერთიანებული, პროფკავშირის დატოვებას აიძულებს.

"ის პოლიტიკური ძალები, რომლებიც საქართველოს მომავალს რუსეთთან ალიანსში ხედავენ, თავიანთ მოსაზრებას ბოლო პერიოდში უფრო თამამად აცხადებენ. ეს კი პრორუსული ძალების გააქტიურებაზე მეტყველებს - ამგვარ მოსაზრებას აფიქსირებენ "რეზონანსთან" საუბრისას საგარეო ურთიერთობის სპეციალისტები და აქვე იმასაც დასძენენ, რომ ამის მიზეზი რეგიონში მიმდინარე პროცესებია.

თბილისის მერიაში მნიშვნელოვანი საკადრო ცვილებები განხორციელდა - დავით ნარმანიამ დედაქალაქის მთავრობის ახალი წევრები დაასახელა: ვიცე-მერად ეკონომიკისა და მდგრადი განვითარების მინისტრის უკვე ყოფილი პირველი მოადგილე დიმიტრი ქუმსიშვილი, ხოლო მერის მოადგილედ ექსპერტი ირაკლი ლექვინაძე დაინიშნენ. მათ ამ თანამდებობებზე ალექსანდრე მარგიშვილი და ალუდა გოგლიჩიძე შეცვალეს.

"პოლიტიკური რეიტინგის მიმართულებით, ვფიქრობ, რომ ყველაზე რეალური სურათი იყო ადგილობრივი თვითმმართველობის არჩევნებზე. რეალურად ალბათ ისევ ის სურათია დღესაც. რაც შეეხება ალასანიას "თავისუფალი დემოკრატების" პოზიციას, ამის განსაზღვრა რთულია.

"აფხაზურ მხარესთან ენერგეტიკული მიმართულებით თანამშრომლობა იძულებითი ნაბიჯია და პოლიტიკურად არაფრის მომტანი არ იქნება", - ასეთია პოლიტოლოგთა აზრი "ენგურჰესის" გარშემო დე-ფაქტო მთავრობისა და ენერგეტიკის სამინისტროს შორის არსებულ თანამშრომლობაზე. მინისტრ კახი კალაძის თქმით კი, აფხაზურ მხარესთან ენერგეტიკული მიმართულებით ძალიან კარგი თანამშრომლობა გვაქვს.