მომავალ წელს რუსეთის კინოგაქირავებაში ქართულ-ოსური ურთიერთობის მოტივებზე გადაღებული ახალი მხატვრული ფილმი გამოვა - "ტელი და ტოლი". ფილმი 2014 წელს ჩრდილოეთ ოსეთში გადაიღო რეჟისორმა ალეკსანდრ ამიროვმა. რაც ყველაზე მნიშვნელოვანია, ოსური საზოგადოების ნაწილში ამ ფილმს მკვეთრად უარყოფითი გამოხმაურება მოჰყვა.

"პოლიტიკურად გაკოტრებული", "ნაციონალური", "არაადეკვატური", "პატარა ბავშვივით ახირებული", "კომპლექსიანი", "ჯინიანი", "არაკორექტული" - ეს იმ ეპითეტების არასრული ჩამონათვალია, რომლითაც თანაგუნდელები პრეზიდენტ მარგველაშვილს ბოლო თვეების განმავლობაში "ამკობენ". თუმცა, მათი უმეტესობა ბოლო კვირის განმავლობაშია გამოთქმული და პრეზიდენტის მიერ სადავო შეწყალებასა და მესამე ვეტოს უკავშირდება.

თავდაცვის ყოფილ მინისტრ დავით კეზერაშვილს ინტერპოლი აღარ ეძებს. მისი გვარი კრიმინალური პოლიციის საერთაშორისო ორგანიზაციის ოფიციალურ ვებ-გვერდზე აღარ იძებნება, თუმცა ამ გადაწყვეტილების მიზეზი უცნობია.

"გაურიგდა-მოურიგდა არ ვიცი, თქვენ როგორც გნებავთ ისე დაარქვით სახელი. არ ვამბობ, ვინმეს გაურიგდა, უბრალოდ ეჭვი მაქვს, რომ ეს არის სწორედ ის ვარიანტი, რომელზედაც "ნაციონალები" საუბრობდნენ. როგორც ჩანს, დაარწმუნეს პრეზიდენტი, რომ "ეროვნული ბანკის შესახებ" კანონპროექტისთვის ვეტო დაედო", - ამბობს "რეზონანსთან" საუბრისას ვიცე-სპიკერი მანანა კობახიძე.

პანკისში სირიიდან დაბრუნებული ვინმე აბდულა საინფორმაციო სააგენტო "ევრაზია დეილისთვის" მიცემულ ინტერვიუში აცხადებს, რომ საქართველოს ხელისუფლებასა და თარხან ბათირაშვილს შორის შესაძლოა, დიალოგი ან მოლაპარაკება წარიმართოს. მოლაპარაკების მთავარი თემა კი სირიიდან დაბრუნებული მებრძოლების ხელშეუხებლობის საკითხი იქნება.

სურსათის ეროვნულმა სააგენტომ კახეთში საქონლის ხორცში ჯილეხის აღმოჩენის გამო კარანტინი გამოაცხადა. დაფიქსირებულია ჯილეხით ცხოველის დაავადების 15 შემთხვევა. ასევე იყო ადამიანის ინფიცირების რამდენიმე შემთხვევაც.

აზერბაიჯანის ხელისუფლებასა და საქართველოს ეკლესიას შორის კახის წმინდა გიორგის ეკლესიასთან დაკავშირებით შეთანხმება შედგა. როგორც "რეზონანსისთვის" ცნობილი გახდა, მარიამობის დღესასწაულზე ისტორიული ჰერეთის ერთადერთ მოქმედ ეკლესიაში ღვთისმსახურება განახლდება.

პრემიერ-მინისტრმა შს მინიტრის კანდიდატის დასახელება ორჯერ გადადო. კანონმდებლობის შესაბამისად, პრემიერი ვალდებულია კანდიდატურა 1-ლ აგვისტომდე დაასახელოს. პრემიერის ადმინისტრაციაში იმ მიზეზებზე ვერ საუბრობენ, თუ რატომ გადაიდო კანდიდატურის დასახელება. საპარლამენტო უმრავლესობაში კი აცხადებენ, რომ საერთო კანდიდატზე შეჯერება ჯერჯერობით ვერ მოხერხდა.

აგრესიული, თუმცა სწორი ტონი - ასე აფასებენ ხელისფლების წარმომადგენლები და სფეროს სპეციალისტები თავდაცვის მინისტრის მიერ საქართველოსათვის ნატოში გაწევრიანების სამოქმედო გეგმის (მაპ) მიცემის კატეგორიულ მოთხოვნას და ამბობენ, რომ ეს შედეგს თუ არ გამოიღებს, დაშავებით მაინც არაფერს დააშავებს. თუმცა პოლიტოლოგთა მეორე ნაწილი ხიდაშელის ტონს მიუღებლად მიიჩნევს და აცხადებს, რომ საერთაშორისო საზოგადოებას ასე არ უნდა ელაპარაკებოდნენ.

"მორატორიუმი არ არის გამოსავალი, უნდა იყოს მასშტაბური ღონიძიებები მიღებული, რათა მცხეთა ზედმეტი შენობა-ნაგებობებისგან განთავისუფლდეს. მხოლოდ მშენებლობების შეჩერება სიტუაციას ვერ გამოასწორებს," - აცხადებს ურბანისტი ლადო ვარდოსანიძე.

პარლამენტის წევრი ზურაბ ჯაფარიძე პარლამენტში შედის კანონპროექტით, რომლის მიხედვითაც სამხედრო სავალდებულო სამსახური უნდა გაუქმდეს. კანონპროექტი ითვალისწინებს ცვლილებას "სამხედრო ვალდებულებისა და სამხედრო სამსახურის შესახებ" კანონში, რომლის დამტკიცების შემთხვევაშიც სამხედრო სავალდებულო სამსახური გაუქმდება.

რაც უფრო დაარეგულირებს საქართველო თავის კონფლიქტებს და ურთიერთობას რუსეთთან, მით უფრო გამარტივდება როგორც ნატოში, ისე ევროკავშირში შესვლა - ამ მოსაზრებას გამოთქვამენ როგორც ხელისუფლებაში, ისე პოლიტოლოგთა წრეებშიც. მათი თქმით, ამ მხრივ სრულიად ადეკვატური იყო უსუფაშვილის განცხადებაც იმაზე, რომ დასავლეთი კარასინი-აბაშიძის ფორმატის შენარჩუნებას გვთხოვს.