ორი წლის წინ დახურული "მეცხრე არხისა" და "ინფო 9"-ის ბევრი ჟურნალისტი სამსახურს დღემდე ეძებს. ამბობენ, რომ 2012 წლის არჩევნებამდე დევნის, დამცირების, რისკისა და შეურაცხყოფის ფასად მუშაობდნენ, თუმცა ეს არ დაუფასდათ - გამოიყენეს, არჩევნების მოგების შემდგომ კი აღარავის სჭირდებოდათ და უბრალოდ - მოისროლეს. ის ადამიანები კი, ვინც მათ სდევნიდა და ავიწროებდა, დღემდე თანამდებობებზე რჩებიან. ზოგიერთი მათგანი დაწინაურდა კიდეც.

ტელეკომპანია "რუსთავი -2"-ის დამფუძნებლის, ეროსი კიწმარიშვილის გარდაცვალების საქმე შესაძლოა გადაკვალიფიცირდეს და თვითმკვლელობამდე მიყვანის მუხლი განზრახ მკვლელობის მუხლით შეიცვალოს. გარდაცვლილის ძმის ზურა კიწმარიშვილის თქმით, იარაღზე აღმოჩენილია დნმ, რომელიც გარდაცვლილს არ ეკუთვნის. მისივე განცხადებით, არის "რაღაც დეტალები", რომლებიც მიანიშნებს, რომ გამოძიება არასწორი მიმართულებით მიდიოდა.

პროფესორი ჯემალ მებონია "რეზონანსთან" განათლების სისტემის გაუმართაობაზე საუბრობს და აღნიშნავს, რომ თავის დროზე "ნაციონალური მოძრობის" მიერ გაკეთებულმა უკანონო ქმედებებმა განათლება ძალიან ცუდ მდგომარეობაში ჩააგდო.

მოსამართლეთა კორპუსის ერთი ნაწილი უარყოფითად აფასებს საერთო სასამართლოების შესახებ კანონში შესატან ცვლილებებს, რომლის მიხედვითაც მოსამართლის დისციპლინარულ გადაცდომაზე მოკვლევას ჯერ დამოუკიდებელი ინსპექტორი იწყებს, შემდეგ იუსტიციის საბჭოს ეგზავნება, საბოლოო გადაწყვეტილებას კი სადისციპლინო კოლეგია იღებს.

დღევანედლ სატატიაში მკითხველს გვინდა შევახსენოთ რამდენიმე ეპიზოდი თუ რა ხდებოდა 2003 წლის "ვარდების რევოლუციის" წინა დღეებში. ამაში კი დაგვეხმარება სახელმწიფო კანცელარიის ყოფილი უფროსი პეტრე მამრაძე.

რატომ აგროვებდნენ გორბაჩოვის საწინააღმდეგო კომპრომატებს საქართველოში; რატომ დაეძაბათ ურთიერთობა გორბაჩოვს და შევარდნაძეს; და როდის დაკარგა გავლენა შევარდნაძემ კრემლის კარზე, ამის გარკვევას "მთელი კვირა" საქართველოს ცეკას ყოფილ პირველ მდივანთან ჯუმბერ პატიაშვილთან შეეცადა, რომელმაც რამდენიმე ეპიზოდი გაიხსენა და ისიც აღნიშნა, რომ საბჭოთა ეპოქის უკანასკნელი პერიოდი და ის, თუ რა ხდებოდა კრემლის კულუარებში აღწერილი აქვს თავის წიგნშიც "23 წლის შემდეგ".

ოკუპირებულ სამხრეთ ოსეთში არსებული ქართული ისტორიული ძეგლის - თირის მონასტრის ფრესკების ნაწილი გადალესეს. ამის შესახებ ინფორმაცია თავად ოსურმა გამოცემა "სპუტნიკმა" გაავრცელა. როგორც ოსური მედია წერს, სამუშაოები მას შემდეგ შეწყდა, რაც საქმეში დე ფაქტო კულტურის სამინისტრო ჩაერია.

ყოფილი პრემიერის ზურაბ ჟვანიას დაცვის ყოფილმა უფროსმა კობა ხარშილაძემ საქალაქო სასამართლოში ჟვანიას საქმის განხილვისას სკანდალური განცხადება გააკეთა. მისი თქმით, შემთხვევის შემდეგ ადგილზე მისვლისას მას და მიხეილ ძაძამიას ზურაბ ჟვანიას და რაულ უსუპოვის ცხედრები შიშველ მდგომარეობაში დახვდათ. მან აღნიშნა, რომ ჟვანიას 5 წუთი რომ ჰქონოდა, ასეთ სიკვდილს არ ისურვებდა. აქამდე კი ამაზე, საკითხის დელიკატურობიდან გამომდინარე, შეგნებულად არ საუბრობდნენ.

"გაერთიანებულ დემოკრატებში" ნინო ბურჯანაძის მოსკოვურ ვიზიტს წარმატებულად აფასებენ და ამბობენ, რომ რუსების მხრიდან ამხელა ინტერესის გამოხატვას არც კი ელოდნენ. პუტინს არ ხვდება, თუმცა პარტიაში იმასაც გვიმხელენ, რომ ეს უახლოეს მომავალში იგეგმება. რაც შეეხება საუბრის თემებს, მათი თქმით, ბურჯანაძე ყველა მნიშვნელოვან პოლიტიკურ საკითხზე ილაპარაკებს - ტერიტორიული მთლიანობის აღდგენაზე, უვიზო მიმოსვლაზე, აფხაზეთთან და ოსეთთან დაკავშირებულ პრობლემებზე და ა.შ.

ჯარში სუიციდისა და თვითდაზიანების გახშირებულ შემთხვევებზე, სამხედრო ექსპერტებთან ერთად, თავდაცვის მინისტრი თინა ხიდაშელიც საუბრობს. მათი განცხადებით, ბოლო დროს ეს პრობლემა უფრო აქტუალური და თვალში საცემი გახდა.

მორიგი ინციდენტი მოხდა ქართულ და აზერბაიჯანულ კლუბებს შორის საფეხბურთო დაპირისპირებისას. აზერბაიჯანის ქალაქ გაბალაში საფეხბურთო მატჩის მსვლელობისას აზერბაიჯანელმა გულშემატკივარმა საქართველოს დროშა დაწვა. ინციდენტი უეფას ევროპის ლიგის საკვალიფიკაციო ეტაპის საპასუხო შეხვედრისას მოხდა - ადგილობრივი "გაბალა" თბილისის "დინამოს" მასპინძლობდა.

საქართველოს პრემიერ-მინისტრ ირაკლი ღარიბაშვილის ინიციატივით, საჯარო მოხელეთა მომზადების ცენტრი იქმნება, რომელშიც საჯარო ადმინისტრაციის სფეროში მომუშავე კადრების და რესურსების გადამზადება მოხდება. ხოლო მუშაობას საჯარო სამსახურის შესახებ ახალი კანონის ამოქმედებისთანავე დაიწყებს.