ინტერნეტსივრცეში უკვე გამოჩნდნენ გადამყიდველები, რომლებიც ევროპის სუპერთასის ბილეთებს დაუჯერებელ ფასად ყიდიან - უკეთეს ვარიანტში სამმაგ ან ოთხმაგ თანხას ითხოვენ. არის ინფორმაციები, საიდანაც ჩანს, რომ ბილეთის ფასი 300-400 აშშ დოლარამდეც კი ადის. გასაყიდი ბილეთების შესახებ ინფორმაციები ქვეყნდება როგორც ქართულ ვებგვერდებზე, ასევე ასეთი ცნობები უკვე საერთაშორისო საიტებზეც ვრცელდება. "იბეიზე" სუპერთასის ბილეთს, არც მეტი არც ნაკლები, 1500 დოლარადაც კი აფასებენ.

საქართველოს ინტერნეტ-ბაზარი ტარიფების სიძვირით მსოფლიოში ერთ-ერთი ლიდერია. თუ საქართველოში 100 მგ/წმ სიჩქარის ინტერნეტი 100 ლარი ღირს, ლატვიაში მისი ფასი დაახლოებით 33 ლარია, ლიტვაში - 22 ლარი, ჩეხეთში - 40 ლარი. მაღალ გადასახადს ისიც განაპირობებს, რომ ქვეყნაში აღნიშნული ბაზრის უდიდესი წილი 2 კომპანიას აქვს განაწილებული. სწორედ ამიტომ "ახალგაზრდა ადვოკატებმა" საკითხის შესასწავლად კონკურენციის სააგენტოს მიმართეს, მარეგულირებელ კომისიას კი ტარიფებზე ზედა ზღვრის დაწესება სთხოვეს.

ლეგალური და არალეგალური ნაგავსაყრელების მოუგვარებელი პრობლემა ქვეყნის მასშტაბით, გადავსებული ურნები, გაზრდილი ჯარიმების მიუხედავად დანაგვიანებული ქუჩები, ნაგვის კერებთან გაჩენილი ქუჩის უპატრონო ცხოველები - წლებია რაც საქართველოში სურათი უცვლელია.

ზაფხულის დადგომასთან ერთად, თბილისის სხვადასხვა უბანში ქვეწარმავლები მომრავლდა - ცხოველთა მონიტორინგის სამსახურში ივნისსა და ივლისში ქვერწამავლების შესახებ 416 შეტყობინება შევიდა.

საქართველოში ამინდის მკვეთრი გაუარესება სოფლის მეურნეობის პროდუქციის მნიშვნელოვან ნაწილს დააზიანებს. ამ მხრივ საფრთხე განსაკუთრებით მარცვლოვან კულტურას ემუქრება. სპეციალისტები ფიქრობენ, რომ ჯერჯერობით საფრთხე არ არის მასშტაბური და არც იმ დონის, რომ დარგი მნიშვნელოვნად დაზარალდეს.

მიხეილ სააკაშვილი (599 ათასი), ირაკლი ღარიბაშვილი (242 ათასი), კახი კალაძე (214 ათასი) - ასე გამოიყურება პოლიტიკოსთა რეიტინგი ფეისბუქში მათი ოფიციალური გვერდების მოწონების მიხედვით. საქართველოს პრეზიდენტი ამ სიაში მხოლოდ მეოთხე ადგილზეა 178 ათასი "ლაიქით". მეხუთეზე კი ნინო ბურჯანაძეა, რომლის პროფილი ფეისბუქზე 108 ათასამდე ადამიანს მოსწონს.

სუპერთასის ბილეთების ირგვლივ ატეხილი აჟიოტაჟი არ ცხრება. ფეხბურთის ფედერაციისგან მატჩზე დასასწრები ბილეთები თითქმის ყველა სახელმწიფო უწყებამ მოითხოვა. არაოფიციალური მონაცემებით, ამ რაოდენობამ ჯამში 2,6 ათასს მიაღწია.

საქართველოსა თუ ევროპის სხვადასხვა ქვეყნებში არსებული კრიზისის გამო, ქართველი ემიგრანტების ნაწილი გერმანიაში, ნაწილი თურქეთსა და იტალიაში გადავიდნენ. ისინი გერმანიაში სოციალური სტატუსის მიღების სურვილით ჩავიდნენ, იტალიასა და თურქეთში კი - ახალი სამსახურის საძიებლად. ნაწილს გაუმართლა, ნაწილი კი კვლავ ბედის ანაბარადაა დარჩენილი.

"ფაქტია, ვიღაცა უბილეთოდ მაინც დარჩებოდა. სტადიონი ასი ათას კაციანიც რომ ყოფილიყო, მაინც ვერ მოხდებოდა ყველა გულშემატკივრის დაკმაყოფილება", - ამბობს "რეზონანსთან" საუბრისას ფეხბურთის ფედერაციის მედიაოფიცერი ეკა ელოშვილი და განმარტავს, რომ სტუმრებისთვის დასაპატიჟებელი ბილეთები ცალკეა გამოყოფილი.

აფხაზურმა ადმინისტრაციამ გალის მოსახლეობას გადასახადი დაუმძიმა. მისი გაზრდა გალის რაიონში სასოფლო-სამეურნეო მიწების ინვენტარიზაციას უკავშირდება. გარდა იმისა, რომ ხალხი მიწით სარგებლობისთვის გადასახადს იხდის, არ არის გამორიცხული, ბეგარა ცალკე თხილის მოსავალზეც შემოიღონ. ადგილობრივებს ამ ტიპის გადასახადი მოსავლის რაოდენობის მიხედვით დაუწესდებათ.

მოძრაობა "პარტიზანული მებაღეობის" ინფორმაციით, დედაქალაქში ხეების ჭრა ინტენსიურად გრძელდება. რამდენიმე კვირის წინ მარჯანიშვილის ქუჩაზე, კერძოდ კაფე "ჩაის სახლის" წინ თბილისის მერიის შპს "სინათლის ქალაქმა" 3 დიდი ხე მოჭრა.

სვეტიცხოვლის საკათედრო ტაძარში კათოლიკოს-პატრიარქ მელქისედეკ პირველისა და ვახტანგ გორგასლის საფლავის ძველი ქვები ახლით ჩაანაცვლეს. სამუშაოებს საპატრიარქოს რესტავრაციის საბჭოს წევრი და არქიტექტორი თემურ ბერიძე აწარმოებს, თუმცა როგორც ძეგლთა დაცის სააგენტოში აცხადებენ, ამ უკანასკნელისთვის შესაბამისი ნებართვა მათ არ მიუციათ.