ხელნაწერთა ეროვნულ ცენტრში უკიდურესად დაძაბული ვითარებაა. შაბათს საკონკურსო კომისიამ ცენტრის ახალ დირექტორად ისტორიკოსი ზაზა აბაშიძე აირჩია. ახალი დირექტორი ცენტრში დღეს უნდა მისულიყო, თუმცა, თანამშრომელთა მასობრივი პროტესტის ფონზე იგი ამაზე უარს ამბობს და აცხადებს, რომ გაოგნებულია მათი ასეთი დამოკიდებულებით.

დასავლური დემოკრატიის ერთ-ერთი აქტიური დამცველი რუსულ ნავთობკომპანიაში მაღალ თანამდებობაზე დაინიშნა. საუბარია შვედეთის ყოფილ საგარეო საქმეთა მინისტრზე, რომელიც ამ ინფორმაციის გავრცელებამდე ერთი დღით ადრე უკრაინის პრეზიდენტის მრჩეველთა საბჭოში სააკაშვილის თანამშრომელი გახდა.

საქართველოდან სირიისაკენ გზას მამაკაცებთან ერთად ქალებიც დაადგნენ და პირველი შემთხვევაა, როდესაც პანკისის გარდა, აზერბაიჯანული თემიდან სირიაში წასულებზე გავრცელდა ინფორმაცია.

შესაძლოა, "ნაციონალურმა მოძრაობამ" ექსპრეზიდენტ მიხეილ სააკაშვილის წინააღმდეგ სისხლის სამართლებრივი დევნის შეწყვეტის მოთხოვნით ფართომასშტაბიანი აქციები დაიწყოს, რაც სააკაშვილს საქართველოში დაბრუნების შესაძლებლობას მისცემს. "ნაცმოძრაობაში" იმედი აქვთ, რომ ეს მათ საბოლოო გამარჯვებამდე მიიყვანს.

2012 და 2013 წლების 17 მაისისგან განსხვავებით, გუშინდელმა დღემ თბილისში მშვიდად ჩაიარა. ერთი მხრივ, ოჯახის სიმტკიცისა და სიწმინდის დაცვისა და, მეორე მხრივ, ჰომოფობიასთან და ტრანსფობიასთან ბრძოლის საერთაშორისო დღე საპატრიარქოს მიერ გაუქმებული ღონისძიებით და ლგბტ პირების უფლებადამცველი ორგანიზაცია "იდენტობის" მიერ ორგანიზებული მინი აქციით აღინიშნა. წინა წლების გამოცდილების გამო აქციაზე უსაფრთხოების გამკაცრებული ზომები იქნა მიღებული. პოლიციელთა რაოდენობა ბევრად აღემატებოდა აქციის მონაწილეებისას.

"რუსეთის მხრიდან ასეთი გამოწვევა გვაქვს, ასეთი პრობლემა, პოლიტიკურ თემებზე დიალოგი არ არსებობს და ევრაზიულ კავშირზე ლაპარაკი როგორ შეიძლება?!" - ამბობს "გაერთიანებული დემოკრატიული მოძრაობის" მხარდამჭერი ირაკლი ბათიაშვილი და დასძენს, რომ იმ ადამიანებს, რომელთაც რუსეთთან დაახლოება და ევრაზიულ კავშირში შესვლა უნდათ, არასერიოზულად უყურებს.

"ქართული ფილმის" აღორძინებისა და მისი განვითარების ხელის შემშლელ ფაქტორებზე და იმაზე, თუ რატომ ვერ მოგვარდა ამ დრომდე კინოსტუდია "ქართულ ფილმთან" დაკავშირებული პრობლემები, "მთელი კვირა" კინორეჟისორ გიორგი შენგელაიას ესაუბრა.

ბოლო დღეებში ქვეყნის მთელ ტერიტორიაზე გადაუღებელი წვიმების გამო ზოგიერთ რეგიონში მეწყრის ჩამოწოლას, ღვარცოფსა და მდინარეების ადიდებას ელოდებიან სპეციალისტები. წვიმიანი ამინდების გაგრძელების შემთხვევაში, ჰიდროლოგები მდინარეების ადიდებასა და წყლის ნაპირებიდან გადმოსვლას არ გამორიცხავენ, რაც მათი თქმით, სასოფლო-სამეურნეო მოსავალს დატბორავს და გაანადგურებს.

ტროტუარებზე პარკირების შეზღუდვა, შემოსავლების გადანაწილების საკითხი, ევაკუაციის შეზღუდვა და ბაზარზე კონკურენტების დაშვება - ეს ის ოთხპუნქტიანი გეგმაა, რომელიც თბილისის მერიამ კომპანია "სიტი პარკს" წარუდგინა და მოსაფიქრებლად დრო მისცა.

"როდის დასრულდება სამუშაოები, რამდენ ხანს უნდა იყოს ასე გადათხრილი აქაურობა?", - მსგავს განცხადებებს ყოველდღიურად მოისმენთ დადიანის ქუჩაზე მოძრავ მიკროავტობუსებში.

რაც უფრო ახლოვდება "აღმოსავლეთ პარტნიორობის" რიგის სამიტი, სიტუაცია სულ უფრო გაურკვეველი ხდება. მხარეები ვერ თანხმდებიან სამიტის შემაჯამებელი დეკლარაციის ცალკეულ, მაგრამ ძალიან მნიშვნელოვან პუნქტებზე. საქართველო, უკრაინა და მოლდოვა სულ უფრო ემსგავსებიან სპეციალურად მათთვის მოწყობილი გალიის ტუსაღებს, რომლებსაც წინასწარ შემოუსაზღვრეს, თუ რისი მოთხოვნის უფლება აქვთ და რაზე არც კი უნდა იოცნებონ.

ერთი კვირის წინ სოხუმში მომხდარი ინციდენტი, რომელსაც საბოლოოდ აფხაზეთის დე ფაქტო შს მინისტრის გადადგომა მოჰყვა, შესაძლოა აფხაზეთში სერიოზული შიდა დაპირისპირების საფუძველი გახდეს. ყველაფერი კი ერთი შეხედვით ჩვეულებრივი ქუჩური გარჩევით დაიწყო - დე ფაქტო პრეზიდენტის რაულ ხაჯიმბას დაცვის წევრმა სოხუმის ცენტრში ორი მილიციელი გალახა, მეორე დღეს კი უკვე მილიციელებმა მასზე შური იძიეს და ასევე სასტიკად სცემეს.