ევროპული კურსის დაპირისპირება რელიგიურ-პატრიოტულ მოტივებთან - ასე აფასებენ სპეციალისტები შუალედურ არჩევნებს, რომელიც 31 ოქტომბერს საგარეჯოსა და მარტვილში ჩატარდება. განსაკუთრებით საინტერესო როგორც მათთვის, ისე საზოგადოებისთვის საგარეჯოში მიღებული შედეგებია, რადგან აქ კონკურენტები "პატრიოტთა ალიანსის" ლიდერი ირმა ინაშვილი და "ახალგაზრდა იურისტთა ასოციაციის" ყოფილი თავმჯდომარე და ახლა უკვე რესპუბლიკური პარტიის წევრი თამარ ხიდაშელი არიან.

ე.წ. კორტების სპეცოპერაციის საქმის განხილვას თბილისის საქალაქო სასამართლოში ხმაური მოჰყვა, სადაც ზურაბ ვაზაგაშვილისა და მასთან ერთად მოკლულ ალექსანდრე ხუბულოვის საქმეზე ბრალდებულ სპეცრაზმელებსა და მათ ხელმძღვანელებს ასამართლებენ.

რუსეთის აგრესიული ქმედებების შემთხვევაში, შესაძლოა, აშშ-მა საქართველოს სამხედრო დახმარება აღმოუჩინოს. ევროპაში ამერიკული არმიის სარდლის, ბენ ჰოტჯესის თქმით, ნატო უნდა მოერგოს არსებულ სიტუაციას და უფრო სწრაფად მოახდინოს რეაგირება. სწორედ ამიტომ, მისი თქმით, ქართულ-ამერიკული წვრთნების ერთ-ერთი ამოცანა იქნება იმის შემოწმება, თუ რამდენად სწრაფად ჩამოვა ამერიკული სამხედრო ტექნიკა საქართველოში.

აფხაზეთში ტურისტული სანატორიუმები და ისტორიული შენობები უმძიმეს მდგომარეობაშია. საქმე ეხება არა მხოლოდ 90-იანი წლების ომისას დაზიანებულ შენობებს, არამედ მათაც, რომლებიც ომს გადაურჩა. ამის მიზეზი კი ადგილობრივი მოსახლეობაა, რომელიც ისტორიულ შენობებს პრაქტიკულად აგურ-აგურ შლის და იქიდან წამოღებულ ნაწილებს საყოფაცხოვრებო დანიშნულებით - სამშენებლო მასალად იყენებს.

"ლეიბორისტული პარტიის" წევრმა გიორგი გუგავამ "რეზონანსთან" ინტერვიუში საპარლამენტო უმრავლესობის წევრ თამაზ მეჭიაურზე და "რესპუბლიკელებთან" მის დაპირისპირებაზე ისაუბრა. მისი განცხადებით, 1997-დან 2003 წლამდე მეჭიაური ლეიბორისტული პარტიის წევრი იყო და პარლამენტშიც სწორედ ამის წყალობით მოხვდა, თუმცა ვარდების რევოლუციის შემდეგ ის "ნაციონალური მოძრაობაში" გადავიდა.

რეგიონებში წინასაარჩევნო კამპანია საკრებულოს თავმჯდომარეებზე შეტევით უკვე დაიწყო. პირველი იმპიჩმენტი თანაგუნდელებმა 1-ლ სექტემბერს სენაკის საკრებულოს თავმჯდომარეს მოუწყვეს და ამით თვითმმართველობებში საკადრო "წმენდა" გახსნილად გამოცხადდა.

"ქართული დასის" ლიდერი ჯონდი ბაღათურია დღეს მოსკოვში მიემგზავრება. იგი აცხადებს, რომ მოწვევა რუსეთის ხელისუფლების მაღალჩინოსნებისაგან მიიღო, თუმცა "მთელ კვირასთან" საუბრისას არც მოწვევის ავტორების ვინაობას ასახელებს და არც იმ რუსი პოლიტიკოსებისას, ვისაც რუსეთის დედაქალაქში უნდა შეხვდეს.

აღმოსავლეთ პარტნიორობის პროგრამაში საქართველო პოსტსაბჭოთა ქვეყნების ლიდერების სამეულში მოხვდა. ევროკავშირის ახალი შეთანხმების მიხედვით, 6 ყოფილ საბჭოთა ქვეყანას სომხეთი და ბელორუსი ცალკე გამოეყოფა და მათ ევროკავშირი თანამშრომლობის ახალ გეგმას შესთავაზებს, რომელიც ევროკავშირთან უფრო ნაკლებად დააკავშირებს, ვიდრე ასოციაციის შესახებ ხელშეკრულება.

"თავისუფალი დემოკრატები" "ეროვნული ბანკის შესახებ კანონში" შესულ ცვლილებებს საკონსტიტუციო სასამართლოში გაასაჩივრებენ. როგორც პარტიის ერთ-ერთი ლიდერი გიორგი ცაგარეიშვილი "მთელ კვირასთან" საუბრისას ამბობს, დოკუმენტი მომზადების პროცესშია და მისი პარლამენტში ინიცირება უახლოეს მომავალში მოხდება.

როგორც თბილისის საკრებულოს წევრმა, "რესპუბლიკელმა" დავით ზურაბიშვილმა "მთელ კვირასთან" ინტერვიუში განაცხადა, ამ ეტაპზე საკრებულოში ყველაზე პრიორიტეტს ბიუჯეტის დაგეგმვა წარმოადგენს. მისივე თქმით, ელექტროავტობუსების შემოყვანის საკითხზე მსჯელობა მიმდინარეობს, თუმცა გადაწყვეტილება მიღებული ჯერ არ არის.

ბოლო პერიოდში ჯარში გახშირებული სუიციდის შემთხვევების გამომწვევ ძირითად მიზეზად თავდაცვის მინისტრმა აზარტული თამაშები და ნარკოტიკები დაასახელა. მისივე გადაწყვეტილებით, თავდაცვის სისტემაში მომუშავე პირებს აზარტულ თამაშებში მონაწილეობა აეკრძალათ.

"პოეტი ან მხატვარი უნდა იყო, რომ წარმოსახო ის სურათი, ან უმღერო იმ სანახაობას, როგორსაც თბილისი წარმოადგენს. სამწუხაროა, რომ მე არც ერთი ვარ და არც მეორე, არამედ ვარ უბრალო მოგზაური, მოჯადოებული ამ ქალაქის ორიგინალობით და მსურს, რომ თქვენც გაგაცნოთ, გაგიზიაროთ ის შთაბეჭდილებანი, რომლებიც აქ შევიგრძენი", - წერდა ორი საუკუნის წინ ცნობილი ფრანგი მეცნიერი, არქეოლოგი და საზოგადო მოღვაწე ბარონ ჟოზეფ დე ბაი, რომელმაც მე-19 საუკუნის ბოლოს და მე-20 საუკუნის დასაწყისში რამდენჯერმე იმოგზაურა საქართველოში, საფრანგეთში დაბრუნების შემდეგ კი დაწერა ნაშრომი სათაურით "საქართველოში", რომელიც გამოცემამდე, 1898 წელს, მოხსენების სახით წაიკითხა პარიზის გეოგრაფიულ საზოგადოებაში.