აფთიაქები მედიკამენტებზე რეცეპტს აღარ ითხოვენ. ჯანდაცვის სფეროს სპეციალისტები ამბობენ, რომ პროექტმა ვერ გაამართლა, კონტროლი ძალიან შესუსტებულია. 2017 წელს დარღვევის მხოლოდ 149 ფაქტია გამოვლენილი, არადა საქართველოს ყველა მოქალაქე დაადასტურებს, რომ აფთიაქებში უპრობლემოდ ყიდულობს სასურველ წამალს, რომელიც წესით მხოლოდ ექიმის დანიშნულების მიხედვით უნდა გაიცემოდეს.

11 აპრილს რუს პოეტს ევგენი ევტუშენკოს მოსკოვის მახლობლად მწერალთა დასახლებაში პერედელკინოში დაკრძალავენ. იგი 85 წლის ასაკში ამერიკის შეერთებულ შტატებში გარდაიცვალა, სადაც პოეტი 1990-იანი წლებიდან სიცოცხლის ბოლომდე ოჯახთან ერთად ცხოვრობდა.

თბილისის ზღვის განვითარების გეგმის ილუსტრაციას, რომელიც საკრებულოს დამოუკიდებელმა დეპუტატმა, ალექსანდრე ელისაშვილმა სოციალურ ქსელში გამოაქვეყნა, დედაქალაქის მერი დავით ნარმანია "აბსურდს" უწოდებს და ამბობს, რომ "ამის გამო მკაცრად მოსთხოვს პასუხს, როდესაც საკრებულოში მივა."

9 აპრილის ტრაგედიიდან 28 წელი სრულდება. საქართველოს დამოუკიდებლობის მოთხოვნით 4 აპრილს დაწყებული საპროტესტო აქცია საბჭოთა არმიის ნაწილებმა 9 აპრილს დილის 4 საათზე, მთავრობის სახლის წინ, არანახული სისასტიკით დაარბიეს, როგორც შემდეგ გაირკვა, გამოყენებული იყო ქიმიური იარაღიც.

თბილისის ზოოპარკს 3 აპრილს 14 ახალი ბინადარი შეემატა, რომელთა შორისაც უსურიის ვეფხვი, 7 მცირე ზომის კენგურუ (ბენეტის ვალაბი) და 6 ფაფრიანი ცხვარია. აღნიშნული ცხოველები ლატვიის, ლონდონისა და დიდი ბრიტანეთის ზოოპარკებიდან გამოგზავნეს. ამასთან უკვე ცნობილია, რომ ერთ კვირაში თბილისის ზოოლოგიურ პარკს აფრიკული პინგინებიც შეემატება.

ევროპაში მწეველთა პროცენტული რაოდენობით საქართველო მეორე ადგილზეა, პირველზე - რუსეთი. სწორედ ამ მიზეზის გამო ხელისუფლება უახლოესი 10 წლის განმავლობაში ქვეყანაში მწეველთა რაოდენობის განახევრებას გეგმავს.

საქართველოში ყვავილები მრავლად არის და მისი ბიზნესიც ათეული წლებია, ყვავის. უცხოეთიდან შემოტანილმა პროდუქციამ კიდევ უფრო გაამრავალფეროვნა ბაზარი. გაიზარდა მოთხვონაც, შესაბამისად, სწორედ ყვავილების ბიზნესი აღმოჩნდა ბოლო დროის წარმატებულ ბიზნესთა შორის. არ არსებობს თბილისში ქუჩა, სადაც არ მუშაობდეს ყვავილების მაღაზია. ბოლო დროს საქართველოში ადგილობრივ სათბურებში გამოჰყავთ უცხო ჯიშის ყვავილები და უცხოეთიდან იმპორტმაც იკლო.

განათლების სამინისტროს მიერ მომზადებულია ახალი ცვლილება, რომელიც მოსწავლეების ჩანთების შემსუბუქებას ითვალისწინებს. ცვლილება ელექტრონული სახელმძღვანელოების შე-მოღებას გულისხმობს.

მიკროსაფინანსო ორგანიზაციებისა და ონლაინ გამსესხებლების ფინანსურ მაქინაციებში მოსახლეობა ხშირად ებმება. დაუსაბუთებლად დიდია სასესხო ლიმიტები, რომელსაც კომპანიები მოქალაქეების შემოსავლების გაუთვალისწინებლად გასცემენ. მართალია, ცოტა ხნის წინ მთავრობამ ონლაინ გამსესხებლებს შეუტია, მაგრამ საბოლოოდ არც მათ დააყოვნეს და ჯავრი საკუთარ მომხმარებლებზე იყარეს.

მთის კანონით გათვალისწინებული სოციალური და საგადასახადო შეღავათებით თითქმის ყველა კმაყოფილია, თუმცა უნდა ითქვას, რომ მთიან რეგიონებში ვითარება დიდად არ შეცვლილა. ადგილობრივები მთავრობის ინიციატივას აფასებენ, სპეციალისტები კი არასაკმარისად მიიჩნევენ. ჯერჯერობით საკუთარ მიწა-წყალზე დაბრუნების სურვილს მხოლოდ ერთეულები ამჟღავნებენ.

არამატერიალური კულტურული მემკვიდრეობის ძეგლთა ნუსხში 35 ძეგლია. სულ ახლახან კი ქართულ ტრადიციულ სუფრას - პურობის კულტურას არამატერიალური მემკვიდრეობის სტატუსი მიენიჭა. ანუ ქართული სუფრის ტრადიციები, თამადის ინსტიტუტი, სადღეგრძელოები უკვე კულტურული მემკვიდრეობაა, როგორც ქართული მრავალხმოვანება, ბერიკაობა, ცეკვა ფერხული, ქართული ქვევრი, ქვევრის ღვინის დაყენების ტრადიცია, რომელიც იუნესკოს არამატერიალური კულტურული მემკვიდრეობის ძეგლთა ნუსხაშია შესული და სხვა ნიმუშები.

რამდენიმე დღის წინ ცნობილი გახდა, რომ 9 აპრილისთვის ცნობილი რუსი მწერლის, მიხეილ შოლოხოვის სახელგანთქმული რომანი "წყნარი დონი" ცენზურის გარეშე პირველად გამოიცემა. ეს სწორედ ის რომანია, რომლის გამოც მწერალმა ნობელის პრემია მიიღო.