18 აგვისტოს თბილისში ძლიერი წვიმის შედეგად გლდანი-ნაძალადევისა და დიდუბე ჩუღურეთის რაიონებში რამდენიმე საცხოვრებელი სახლის სარდაფი დაიტბორა. საგანგებო სიტუაციების მართვის სააგენტოს განცხადებით, წყალი ძირითადად იტალიური ეზოების სარდაფებში შევიდა, სადაც ამოტუმბვითი სამუშაოები ჩატარდა. თბილისის სხვა რაიონებში კი წვიმას დამატებითი პრობლემები არ გამოუწვევია.

შრომის ინსპექტირების სამსახურმა მუშაობა უკვე დაიწყო. გუშინ ორგანიზაციამ შუალედური მონიტორინგის შედეგებიც წარმოადგინა. გაირკვა, რომ შემოწმდა 31 კერძო და სახელმწიფო კომპანია, რომელთა უმეტესობაში არ იყო დაცული ის ნორმები, რაც სამუშაო პირობებისთვის აუცილებელია. შრომითი პირობების ინსპექტირების სამსახურის მუშაობას დადებითად აფასებენ პროფკავშირებში, თუმცა თვლიან, რომ ამ მიმართულებით კიდევ ბევრი რამაა გასაკეთებელი.

"ბევრი ისევ მიიჩნევს, რომ ოჯახში ძალადობა სახელმწიფოს საქმე არაა, ამასთანავე ქვეყანაში კვლავ არსებობს სტიგმა, ვინაიდან ძალადობის მსხვერპლი სირცხვილისა და სიბრალულის გრძნობას განიცდის. ასეთ შემთხვევაში ისინი ცდილობენ პრობლემას საკუთარი ძალებით გაუმკლავდნენ," - აცხადებს "რეზონანსთან" საუბრისას უფლებადამცველი ბაია პატარაია და დასძენს, რომ ასეთი თემისადმი საზოგადოების ცნობიერების ამაღლება მნიშვნელოვანია.

150-ლარიანი პენსია ლარის დევალვაციამ და ინფლაციამ უკვე "შეჭამა", შედეგად სექტემბერში მისი 6,6%-იანი ზრდა, ფაქტობრივად, მატებად არ ჩაითვლება. თანაც, თუ გავითვალისწინებთ იმას, რომ მოხუცები პენსიას ძირითადად ჯანდაცვასა და სურსათზე ხარჯავენ, ეს სეგმენტი კი მიზნობრივი ინფლაციაზე უფრო მეტად გაძვირდა, გამოვა, რომ პენსიის "დანაკარგი" რეალურად უფრო მეტი იქნება, ვიდრე მიზნობრივი ინფლაციის - 5%-ის მაჩვენებლით გამოწვეული სხვაობა.

სავაჭრო ობიექტებში საზღვაო აქსესუარების გაყიდვით უკმაყოფილონი არიან. დედაქალაქში მდებარე ბუტიკებისა და ბაზრობების წარმომადგენლები აცხადებენ, რომ საზღვაო აქსესუარების რეალიზაცია, წინა წლის ანალოგიურ პერიოდთან შედარებით, თითქმის განახევრდა.

ხე-ტყის უკანონო ჭრა გახშირდა. გარემოსდამცველებს მიაჩნიათ, რომ ტყის სექტორზე სრულფასოვანი კონტროლი არ არის. არსებული მდგომარეობით, პრობლემაა როგორც საშეშე, ასევე სამასალე მერქანის მოპოვების მხრივაც. იმის გამო, რომ ხელისუფლება მოსახლეობის შეშით უზრუნველყოფას ვერ ახერხებს, უამრავ დარღვევაზე თვალის დახუჭვა უწევს, თუმცა გამოვლენილი ფაქტებითაც დასტურდება, თუ რამდენად მასშტაბურია საქართველოში უკანონო ჭრასთან დაკავშირებული პრობლემა.

14 აგვისტოს სვანიძისა და ჩიქოვანის ქუჩებზე მცხოვრებმა სტიქიით დაზარალებულმა ექვსმა ოჯახმა თამარაშვილის ქუჩაზე საპროტესტო აქცია გამართა. დაზარალებულები მერიის მხრიდან უყურადღებობას უჩიოდნენ. თუმცა, "სვანაძის ქუჩის დაზარალებულთა კომიტეტის" თავმჯდომარე აცხადებს, რომ აქციის ორგანიზატორები "ნაციონალური მოძრაობის" აქტივისტები იყვნენ, რომლებსაც სურდათ, დაზარალებულები პოლიტიკური ნიშნით გამოეყენებინათ.

გაეროს გენერალურმა მდივანმა პან გი მუნმა 13 ივლისს სამუაშაო ვიზიტით ეთიოპიაში ყოფნისას განაცხადა, რომ მსოფლიო შიდსისკენ თავისუფალი თაობისგან მიემართება. ორგანიზაცია "შიდსის უწყების" ცნობით, ბოლო 15 წელიწადში იმუნოდეფიციტური ვირუსით ინფიცირების შემთხვევებმა 35 პროცენტით იკლო.

ერთიანი ეროვნული გამოცდებისთვის აპელაციის პროცესი მაგისტრანტებისთვისა და აბიტურიენტებისთვის უკვე დასრულდა. პედაგოგებს კი ჯერ კიდევ აქვთ მათ მიერ მიღებული შეფასებების გასაჩივრებისშესაძლებლობა.

სტომატოლოგთან ვიზიტი, მართალია, არც ისე სასიამოვნო შეგრძნებებს უკავშირდება, თუმცა გარკვეული პერიოდულობით მაინც გვიწევს ამ მომსახურებით სარგებლობა. რიგითი მოქალაქეები ამბობენ, რომ სტომატოლოგს მხოლოდ მაშინ აკითხავენ, როცა კბილი ძალიან სტკივათ და გამოუვალ სიტუაციაში არიან. ამბობენ, რომ პრობლემას არა მხოლოდ შიში, არამედ ფინანსები წარმოადგენს. დღეს თბილისის სტომატოლოგიურ კლინიკებში ერთი კბილის მკურნალობა მინიმუმ 40 ლარიდან იწყება და ხშირ შემთხვევაში 70-80 ლარამდე აღწევს.

საქართველში გაძვირებული ცხოვრების ფონზე საარსებო მინიმუმი შემცირდა. ივლისში ივნისთან შედარებით ერთი შრომისუნარიანი მამაკაცის საარსებო მინიმუმი 6 ლარით შემცირდა, ხოლო საშუალო ოჯახის - 11 ლარით. ეს მაშინ, როდესაც "ბიგ მაკის" ინდექსით საქართველოში სამომხმარებლო ფასები მსოფლიო ფასების დონეს 85%-მდე მიუახლოვდა.

ზაფხულში, როდესაც ძალიან ცხელა და ორგანიზმი მოდუნებულია, ფიზიკურად ვცდილობთ ნაკლებად დავიტვირთოთ და საკვებსაც არასრულად ვიღებთ. ამერიკელი მეცნიერების თქმით, ფიზიკური აქტივობა ცხელ დღეებშიც საჭიროა, მათ შორის 50 წელს გადაცილებული ადამიანებისთვისაც, თუმცა, ყველაფერს თავისი ნორმა აქვს.