თურქეთი, ეგვიპტე, ესპანეთი, იტალია, ჩეხეთი, საფრანგეთი, უნგრეთი, ავსტრია - ეს იმ ქვეყნების ჩამონათვალია, რომლებიც ქართველ ტურისტებში განსაკუთრებული პოპულარობით სარგებლობს. ჩამონათვალში ერთადერთი არაევროპული ქვეყნის არსებობა მისი სიიაფითაა განპირობებული. რაც შეეხება უფრო შორეულ და ეგზოტიკურ ქვეყნებს, ტუროპერატორების ინფორმაციით, სიძვირის გამო ქართველები მას ნაკლებად სწყალობენ.

ლარის გაუფასურების გამო ხალხის ბიუჯეტი ძლიერ დარტყმას იღებს. დევალვაცია განსაკუთრებით უარყოფითად შეეხო იმ მომხმარებლებს, რომლებსაც სესხი უცხოურ ვალუტაში აქვთ აღებული. რამდენადაც ასეთი ადამიანი ქვეყნის მასშტაბით უამრავია, ზოგადად მოსახლეობის სოციალური ფონი მეტად დამძიმდა.

ადამიანთა უმრავლესობა, ვისაც ჭარბი წონა აწუხებს ან უბრალოდ ფორმაში ყოფნა სურს, სხვადასხვა დიეტას მიმართავს. დღესდღეობით უამრავი დიეტა არსებობს, რომლითაც შესაძლებელია წონაში დაკლება, თუმცა ბევრს მისი შესრულება უჭირს. დღევანდელისგან განსხვავებით, საინტერესოა, როგორ იკლებდნენ წონაში წლების წინ და როდის და სად გაჩნდა პირველი ცნობები დიეტის შესახებ.

ფოტოგრაფ გოგა ჩანადირის საქველმოქმედო აუქციონის წყალობით ჟურნალისტი ვასიკო სილაგაძე სარეაბილიტაციო კურსს ურეკში გაივლის. ავარიის დროს დაშავებული ჟურნალისტის დასახმარებლად აუქციონი ჩანადირმა ერთი კვირის წინ გამოაცხადა და მასზე საკუთარი ფოტო გამოიტანა. იგი 600 ლარად გაიყიდა და თანხა მთლიანად სილაგაძეს გადაეცა.

თურქეთის კურორტებზე მოთხოვნა არაერთგვაროვანია. ქართველი დამსვენებლების უმეტესობას თურქეთში შექმნილი მდგომარეობა არ აშინებს და დაგეგმილი დასვენების გადადებას არ ფიქრობს. თუმცა არიან ისეთებიც, ვისთვისაც თურქეთმა, უსაფრთხოების თვალსაზრისით, მიმზიდველობა დაკარგა.

საბურთალოზე, წმინდა კვირიკესა და ივლიტას ტაძრის მომიჯნავე ტერიტორიაზე საბავშვო ბაღის დანგრევის, ტყე-პარკის განადგურებისა და მათ ადგილას მრავალსართულიანი კორპუსის მშენებლობის განკარგულება უკვე გაიცა. პეკინის ქუჩა #23-ის მცხოვრებნი ამ ფაქტს უკვე 2 თვეა, აპროტესტებენ და დღემდე აგრძელებენ. მათი თქმით, კომპანია "ელ ზუროს" ბაღის დემონტაჟის ნებართვა ივნისში უკვე ჰქონდა და მის უკან მთავრობის მაღალჩინოსნები არიან.

ეროვნული ვალუტის გაუფასურებამ, საყოველთაო გაძვირებამ და დენის ტარიფის მატებამ ხალხს ხარჯი გაუზარდა. ეს განსაკუთრებით იმ ოჯახებს დააწვა, ვისაც შვილი სტუდენტი ჰყავს. სწავლის საფასური მინიმუმ 2250 ლარს შეადგენს, ამას ემატება გზის, კვების და სახელმძღვანელოების თანხა. მშობლების ნაწილი ფიქრობს, რომ სწავლისთვის საჭირო ხარჯების გამოძებნა გაუჭირდებათ. ისინი განათლების სამინისტროსგან რაიმე პროგრამის ამოქმედებას მოითხოვენ.

პედაგოგთა პროფესიული განვითარებისა და კარიერული წინსვლის ახალი სქემის ფარგლებში, პედაგოგთა თვითშეფასების კითხვარი დამტკიცდა. კითხვარის შევსება მასწავლებლებს ყოველი სასწავლო წლის დასაწყისში მოუწევთ. პედაგოგები თავიანთ პრაქტიკულ საქმიანობას თავად შეაფასებენ.

ახალი საგნის "მე და საზოგადოება" სკოლებში შეტანის ზუსტი თარიღი უცნობია, თუმცა როგორც "რეზონანსს" განათლების სამინისტროში განუცხადეს, ამ საგნის სწავლა წელს არც იგეგმებოდა.

ეკონომიკის მინისტრის მიერ მოყვანილ 2015 წლის მეორე კვარტალის მონაცემებს, სადაც დასაქმებულთა 12%-იანი მატებაა აღნიშნული, რესპონდენტების დიდი ნაწილი არ ეთანხმება. უმეტესობამ გაიხსენა ეკონომიკური კრიზისის შედეგად ბოლო პერიოდში განვითარებული მოვლენები - საწარმოების, უძრავი ქონების სააგენტოების, ტურისტული კომპანიების, მაღაზიების და წისქვილკომბინატის დახურვის ფაქტები. გამოკითხულთაგან ზოგიერთმა სამუშაო ადგილების ზრდა საჯარო სამსახურის ხარჯზე შტატების ხელოვნურად გაბერვით ახსნა. მათი აზრით, დღეს სახელმწიფო უწყებებში კადრები საჭიროზე მეტია.

სემეკმა რეგიონებსა და დედაქალაქში ელექტროენერგიის ტარიფის გაზრდასთან დაკავშირებით გადაწყვეტილება დაჩქარებული წესით მიიღო, "ენერგო პროს" შემთხვევაში 60 დღეში გაზარდა ტარიფი, "თელასის" კი-სულ რაღაც 40 დღეში. ეს მაშინ, როცა წინა პერიოდში მარეგულირებელი კომისია კანონით გათვალისწინებულ 150-დღიან პერიოდს არასდროს "არღვევდა". ენერგეტიკოსები სემეკის სწრაფ გადაწყვეტილებას "შეგნებულად" გადადგმულ ნაბიჯს უწოდებენ. მათივე აზრით, ორგანიზაცია, რომელიც მომხმარებელზეც უნდა ზრუნავდეს, მათ უფლებებს მუდმივად უგულებელყოფს.

საქართველოს თითქმის ყველა რეგიონში მოსავლის დიდი ნაწილი განადგურებულია. იმერეთში, რაჭაში, სამეგრელოსა და აჭარაში ამ მხრივ მდგომარეობა სავალალოა. მიზეზი ხანგრძლივი გვალვაა, რამაც ბაღ-ვენახების გადახმობა და გლეხების უკმაყოფილება გამოიწვია. გლეხებს ზაფხულის უნალექობასთან გამკლავების ერთადერთ საშუალებად სარწყავი სისტემების მოწესრიგება მიაჩნიათ, რომლის ფინანსური სახსრები რეგიონში არ არსებობს. ამიტომ ამაზე მთავრობამ უნდა იზრუნოს.