"ვერეს ხეობაში მომხდარი ტრაგედიის დროს მეწყრის ჩამოწოლას ჰქონდა თავისი უარყოფითი ზეგავლენა, მაგრამ ეს უფრო ჰიდროლოგიურ მოვლენასთან შეიძლება დავაკავშიროთ. ძალიან დიდი რაოდენობის წყლის ნაკადი იყო, რომელსაც ღვარცოფული მასა მოჰყვა და რომლის გასატარებლად ინფრასტრუქტურა მზად არ აღმოჩნდა," - ამბობს "რეზონანსთან" საუბრისას ა/ო გარემოსდაცვითი პროგრამების კოორდინატორი რეზო გეთიაშვილი.

თბილისში შაბათ ღამით მოსულმა დიდმა წვიმამ ქალაქის ცენტრში წყალდიდობა გამოიწვია, რასაც ადამიანების სიცოცხლე ემსხვერპლა. მოვარდნილი წყლის მასა პირდაპირ ავტომაგასტრალიდან იტაცებდა მანქანებს შიგ მსხდომი ადამიანებითურთ. პრაქტიკულად, მთლიანად განადგურებულია ზოოპარკი და რამდენიმე სასაფლაო ვერასა და საბურთალოზე. დაინგრა შენობები, განადგურდა გზები, ასობით ოჯახი ღია ცის ქვეშ დარჩა.

შესაძლოა, ყოფილი პრემიერ-მინისტრი ბიძინა ივანიშვილი ხელისუფლებაში ოფიციალურად დაბრუნდეს. ამის შესახებ ინფორმაციები მედიაში პერიოდულად ვრცელდება. მის შესაძლო დაბრუნებაზე საუბრობენ პოლიტიკის სპეციალისტებიც. ყველა მათგანი თანხმდება, რომ მას პოლიტიკაში დაბრუნებისკენ ერთადერთმა რამ შეიძლება უბიძგოს - ქვეყანაში შექმნილმა კრიზისმა.

ბაქოში ერთ სუფრასთან მჯდომ ირაკლი ღარიბაშვილსა და ვლადიმირ პუტინს შორის არანაირი საუბარი არ გამართულა. როგორც ფოტო და ვიდეო მასალიდან ჩანს, ორი ქვეყნის პირველი პირები ერთმანეთის თითქმის გვერდიგვერდ - სამიოდ სკამის დაშორებით ისხდნენ, თუმცა პრემიერის პრესსამსახურში ირწმუნებიან, რომ მათ შორის კომუნიკაცია ელემენტარულ დონეზეც კი არ შემდგარა.

გაურკვეველ ვითარებში გარდაცვლილი პრემიერის, ზურაბ ჟვანის ძმა, პარლამენტარი გოგლა ჟვანია "მთელ კვირასთან" საუბარში აცხადებს, რომ გამოძიების დროს გარკვეული სირთულეები გამოჩნდა, რამაც გამოძიების გაჭიანურება გამოიწვია.

კათოლიკური ეკლესია მზადაა, გადახედოს აღდგომის დღესასწაულის აღნიშვნის თარიღს, რათა კათოლიკეებმა და მართლმადიდებლებმა ერთად აღნიშნონ ქრისტეს აღდგომა. ამის ინიციატორი რომის პაპი ფრანცისკეა. მისი თქმით, კათოლიკური ეკლესია მზად არის, საეკლესიო კალენდარში შესაბამისი ცვლილება შეიტანოს.

იყიდის თუ არა საქართველო ფრანგული წარმოების თანამედროვე, "ასტერ-30"-ის ტიპის საზენიტო-საჰაერო კომპლექსს, რომელსაც 120 კილომეტრზე თვითმფრინავის ჩამოგდება შეუძლია, ეს ჯერ გადაწყვეტილი არ არის, თუმცა, თავდაცვის მინისტრმა თინა ხიდაშელმა განაცხადა, რომ ივნისის ბოლოს საფრანგეთთან იმ ხელშეკრულების ხელმოწერა მოხდება, რისი ჩაშლის საშიშროებაზეც გასული წლის ნოემბერში ექსმინისტრი ირაკლი ალასანია საუბრობდა და საფრანგეთში ვიზიტისას ხელმოწერის გადადებაზე სატელეფონო მითითებას მინდია ჯანელიძეს აბრალებდა.

აფხაზეთის დე ფაქტო ხელისუფლებისათვის კატეგორიულად მიუღებელია პრემიერ ირაკლი ღარიბაშვილის შეთავაზება, რომ აფხაზეთის მცხოვრებლებმა ზუგდიდში ცე ჰეპატიტზე უფასოდ იმკურნალონ. ამის შესახებ სოხუმში გამართულ პრესკონფერენციაზე დე ფაქტო ჯანდაცვის მინისტრმა ანძორ გოოვმა განაცხადა.

"თანასწორობის ფრონტის" ლიდერი ირაკლი კაკაბაძე "რეზონანსთან" ინტერვიუში აცხადებს, რომ იწყებს აჯანყებას ხელისუფლებისა და პრემიერ ირაკლი ღარიბაშვილის წინააღმდეგ. მისი თქმით, "ქართულმა ოცნებამ" საზოგადოება ურცხვად მოატყუა და სასწრაფოდ ზომებია მისაღები, რათა ამ ხელისუფლების დამხობა მოხდეს.

კრწანისის სასწავლო ცენტრში კიდევ ერთი ჯარისკაცი გარდაიცვალა. გარდაცვლილი სამხედრო მოსამსახურე ლაგოდეხის მუნიციპალიტეტის სოფელ გურგენიანში მცხოვრები 23 წლის გივი კირკიტაძეა, რომელიც ჯარისკაცებმა ცენტრის მიმდებარე ტერიტორიაზე ჩამომხრჩვალი იპოვეს. "რეზონანსის" ინფორმაციით, თვითმკვლელობის მიზეზი შესაძლოა, აზარტული თამაში გახდა. თავად ოჯახი კი სუიციდის შემთხვევას გამორიცხავს და ექსპერტიზის პასუხს ელოდება.

აშშ და "დიდი შვიდეულის" ქვეყნები მზად არიან, აუცილებლობის შემთხვევაში რუსეთის წინააღმდეგ სერიოზული დამატებითი სანქციები შემოიღონ - ამის შესახებ ნათქვამია თეთრი სახლის განცხადებაში, სადაც წერია, რომ აშშ-სა და "შვიდეულში" მის პარტნიორებს გამიზნული აქვთ რუსეთზე ზეწოლა, ვიდრე მინსკის შეთანხმება სრულად არ შესრულდება, უკრაინის ტერიტორიები კიევის კონტროლქვეშ არ დაბრუნდება და ყველა რუსი ჯარისკაცი და შეიარაღება უკრაინის ტერიტორიას არ დატოვებს.

ავადმყოფობა, მივლინება და ოჯახური მდგომარეობა - ეს ის მიზეზებია, რის გამოც პარლამენტში სხდომის გაცდენა საპატიოდ ითვლება. თუმცა, სულ მალე ოჯახური მდგომარეობის გამო გაცდენა შეიძლება საპატიო მიზეზად აღარ ჩაითვალოს. ამის ინიციატორი კი პარლამენტის თავმჯდომარე დავით უსუფაშვილია, რომელმაც გუშინ ის დეპუტატები დაასახელა, რომელთაც ამ მიზეზით ყველაზე მეტი გაცდენა აქვთ.