თბილისის საკრებულოს წევრმა შალვა ოგბაიძემ "მთელ კვირასთან" ინტერვიუში ვერეს ხეობაში ახალი გზის რეაბილიტაციასა და ყვითელი მიკროავტობუსების პრობლემის შესახებ ისაუბრა. გზის აღდგენა აუცილებელია, თუმცა მისი რეკონსტრუქცია და სახეცვლილება უნდა მოხდეს.

3 გარდაცვლილი თანამშრომელი, 80 დაღუპული ცხოველი და 300-მდე ფრინველი, განადგურებული ინფრასტრუქტურა - ვოლიერები, შენობები, ტექნიკა-დანადგარები, ავტომობილები, რამდენიმე მილიონის ზარალი, 24 - საათიან რეჟიმში მიმდინარე გაწმენდითი სამუშაოები და გაურკვეველი მომავალი - ასეთია თბილისის ზოოპარკი სტიქიიდან ერთი კვირის შემდეგ.

თბილისში 13 ივნისს სტიქიით დაზარალებულ ბავშვებს საქართველოს ყოფილი პრეზიდენტი და ახლა უკვე ოდესის გუბერნატორი მიხეილ სააკაშვილი მთელი ზაფხულის განმავლობაში ოდესაში დასვენებას სთავაზობს. სააკაშვილმა რამდენიმე დღის წინ ისიც განაცხადა, რომ აღნიშნულ საკითხზე უკრაინული მხარე თბილისის მერიას დაუკავშირდება, თუმცა, თავად მერიაში ამბობენ, რომ მათთან ამ საკითხზე კომუნიკაცია ჯერჯერობით არავის ჰქონია. ამ ინიციატივის დეტალებზე ინფორმაციას არც "ნაციონალურ მოძრაობაში" ფლობენ.

"პროკურატურას არ ჰქონია იმის მცდელობა, რომ 9 თვეში ჩატეულიყო. საქმის მთავარი არსი იყო, რომ ამ საქმემ თავისი პოლიტიკური რეზონანსი გამოიწვია, შედეგი გამოიღო საქმემ, ახლა უკვე აღარ აინტერესებთ რა იქნება. ახლა ეცდებიან, რომ საქმე რაღაცნაირად მიჩქმალონ და რაღაც თემებით გადაფარონ. პროცესის გაწელვა მხოლოდ ამაზე მიანიშნებს", - ამბობს "მთელ კვირასთან" საუბრისას თავდაცვის სამინისტროს შესყიდვების დეპარტამენტის ყოფილი მთავარი სპეციალისტი არჩილ ალავიძე, რომელიც 4 სამინისტროს 4 სხვა ყოფილ თანამშმრომელთან ერთად "კაბელების საქმეზე" სასამართლოდან პარასკევს გაათავისუფლეს.

"თავისუფალი დემოკრატები" იმის გარკვევას ელიან, არის თუ არა თინა ხიდაშელის მიერ საფრანგეთში საჰაერო თავდაცვითი სისტემების გადმოცემაზე გაფორმებული დოკუმენტი "იმ შეთანხმების ადეკვატური გაგრძელება", რაზეც ირკალი ალასანია მუშაობდა.

საქართველოში, და არა მარტო, მათზე ბევრი რამ დაიწერა, უფრო მეტიც ითქვა, ფოტოები, სადაც მათი შრომაა ასახული, სოციალურ სივრცეში დიდი პოპულარობით სარგებლობს. ისინი მოხალისეები არიან. თბილისის რიგითი მცხოვრებლები, მეტწილად ახალგაზრდები, რომლებიც საკუთარი ინიციატივით, ყოველგვარი ე.წ. "საინიციატივო ჯგუფებისა" და ლიდერების გარეშე გამოვიდნენ ქალაქში და შესაბამისი სახელმწიფო უწყებების თანამშრომლებთან ერთად საკუთარი ქალაქისათვის სტიქიისაგან მიყენებული საშინელი იარების მოშუშებას შეუდგნენ.

მაშინ, როდესაც დედაქალაქში სტიქიის შედეგად დაღუპულებს გლოვობენ და რამდენიმე ადამიანს კიდევ ეძებენ, ბათუმის ხელისუფლებამ "ტაშფანდურისთვის მოიცალა" და ბოლო ერთ კვირაში ორი საზეიმო ღონისძიება გამართა. უფრო მეტიც "ახალგაზრდობის ფესტივალზე" რუსეთის დროშაც კი აფრიალდა, თუმცა ვინ იყო ამ ორივე ღონისძიების ორგანიზატორი, უცნობია. მერია და ბათუმის მაჟორიტარი დეპუტატი მურმან დუმბაძე ამასთან რაიმე კავშირს უარყოფენ. ქალაქის მერი გია ერმაკოვი ამბობს, რომ აღნიშნული ღონისძიებები მერიის მიერ არ იყო ორგანიზებული და არც ნებართვა ჰქონდათ გაცემული.

იმისათვის, რომ ხელახალი სტიქიის დროს ადამიანური მსხვერპლის და ნგრევისაგან დაცულები ვიყოთ, ვერეს ხეობის შესწავლასა და ახლებურ დაგეგმარებაზე მუშაობა დაიწყო. სახელმწიფო კომისია გუშინ პირველად შეიკრიბა და ხელისუფლება პირობას დებს, რომ ამ დაგეგმარებაში სპეციალისტების შენიშვნებს და არგუმენტებს სრულად გაიზიარებს.

"პოლიტიკურმა ჯგუფებმა დაინახეს, რომ მათთვის წამგებიანი იქნებოდა ტრაგედიით ზედმეტად სპეკულირება და ალბათ ამიტომაც განსაკუთრებული რადიკალიზმი არ შეიმჩნევა" - აცხადებს პეტრე მამრაძე, რომელსაც "რეზონანსი" ბოლო დროს განვითარებულ მოვლენებზე ესაუბრა.

სტიქიური უბედურებიდან მეექვსე დღეს სპეციალური სამსახურები თბილისში ისევ საგანგებო რეჟიმში მუშაობენ. ერთი მხრივ, მიდის სტიქიის შედეგის აღმოფხვრის სამუშაო, მეორე მხრივ კი, საგანგებო სამსახურების თანამშრომლები, მონადირეები და დაგეშილი ძაღლები აღურიცხავ მტაცებლებს ეძებენ, რომლებიც არავინ იცის, დაღუპულია და მათი ლეში ზოოპარკის ტერიტორიაზე დაგროვებულ შლამშია, თუ მართლა თავისუფლად დაიარებიან თბილისის მიდამოებში.

თბილისის საკრებულომ მხოლოდ მას შემდეგ უარყო იარაღის ტარების უფლების მოთხოვნა, რაც სოციალურ ქსელებსა თუ მედია-საშუალებებში საკმაოდ მწარე დაცინვის საგანი გახდა. მანამდე კი გავრცელდა დოკუმენტის ასლი, სადაც რამდენიმე დეპუტატი საკრებულოს თავმჯდომარეს თხოვნით მიმართავდა, ეშუამდგომლა პარლამენტთან ამ უფლების მოსაპოვებლად.

სტიქიური უბედურებიდან მეხუთე დღეს თბილისში სპეციალური სამსახურები ისევ საგანგებო რეჟიმში მუშაობენ. საგანგებო სამსახურები მთელი ქალაქის მასშტაბით მტაცებელ ცხოველებს ეძებენ, საგანგებო სიტუაციების მართვის სააგენტო კი-სტიქიის დროს დაკარგულ ადამიანებს. გუშინ კიდევ ერთი დაკარგული გოგონა ახალი გზის ტერიტორიაზე იპოვეს, გარდაცვლილი ლიზა ზარანდია აღმოჩნდა. მისი და, ინდირა ზარანდია, ასევე გარდაცვლილი, ორი დღის წინ "მზიურის" ტერიტორიაზე იპოვეს.