ვიზალიბერალიზაციასთან დაკავშირებით ევროპული სტრუქტურების სახელზე მომზადებული დოკუმენტი გუშინ პარლამენტში განხილვის თემად იქცა. "ნაციონალური მოძრაობა" დოკუმენტში აბზაცის ჩამატებას ითხოვს, რაც მთავრობის მხრიდან კანონის უზენაესობისა და დემოკრატიული პრინციპების დაცვას გულისხმობს. ამას უმრავლესობა და პროექტის ავტორები არ ეთანხმებიან.

თბილისის მერმა განაცხადა, რომ დედაქალაქში უკვე ნახევარ მილიონამდე ხე დაირგო, რაშიც ოპოზიციას ეჭვი ეპარება. როგორც პოლიტიკური უმცირესობის წარმომადგენლები აცხადებენ, ასეთ შემთხვევაში მერიას დღეში 1000 ხე უნდა დაერგო.

"ყოველ განათლებულ ეროვნებისთვის, რომელსაც თვითშემეცნება მოეპოვება, აუცილებლად საჭიროა იცოდეს თავისი წარსული საზოგადოებრივი ცხოვრების ისტორია, უნდა იცოდეს, რასაკვირველია უტყუარი, ჭეშმარიტი ისტორია და არა გაზვიადებული, ყალბი...

ყოველწლიურად უმაღლესი სასწავლებლების პირველ საფეხურზე, ბაკალავრიატში, საშუალოდ 20-27 ათასი აბიტურიენტი აბარებს. თუმცა წლის ბოლოს ბაკალავრის ხარისხის მქონე სტუდენტების რიცხვი 10-16 ათასს შეადგენს-ხოლმე.

პიარსპეციალისტი არჩილ გამზარდია პოლიტიურ დევნაზე საუბრობს და ამბობს, რომ ილიას უნივერსიტეტიდან მას განსხვავებული პოზიციისა და გადაცემა "2030"-ში მუშაობის გამო ათავისუფლებენ. უნივერსიტეტის ადმინისტრაცია, რომელიც გამზარდიასთან 9 წლის განმავლობაში თანამშრომლობდა, მომავალი სემესტრისათვის ლექტორს ხელშეკრულებას აღარ უფორმებს.

სხვადასხვა საკითხებში ფუნდამენტური განსხვავებების მიუხედავად, არის თემები, რომლის გარშემოც ერთიანები უნდა ვიყოთ და ერთ-ერთი ასეთი საკითხი ვიზალიბერალიზაციაა, - აცხადებს "თავისუფალი დემოკრატების" წევრი ვიქტორ დოლიძე. ამბობს, რომ ევროსტრუქტურებმა საქართველოს მხარდამჭერი მიმართვა შეიმუშავეს, რომელსაც მხარი "ნაციონალური მოძრაობის" გარდა ყველა საპარლამენტო პოლიტიკურმა ძალამ დაუჭირა.

"დაჩეხილი საქართველო" - ოპოზიცია ხელისუფლების მიერ მომზადებულ საარჩევნო სისტემის პროექტს კიდევ ერთხელ იწუნებს. მოთხოვნა უცვლელია, მაჟორატირული სისტემის გაუქმება. კომპრომისზე წასვლასა და 50%-იან ბარიერზე დათანხმებას არ აპირებენ. ამბობენ, რომ ამით ხელისუფლება ხმების მოპარვას იკანონებს და რეალურად არაფერი შეიცვლება. "ახალი მემარჯვენების" ერთ-ერთი ლიდერის, მამუკა კაციტაძის თქმით, საარჩევო ოლქების გათანაბრება არის ხელოვნური ჭრა-კერვა, რომლითაც კოალიციის გადარჩენას ცდილობენ.

თბილისის ბოტანიკური ბაღის ყოფილი დირექტორი ნინო გოცაძე მერიის მაღალჩინოსნებს ზეწოლაში ადანაშაულებს. მისი თქმით, თბილისის მთავრობას გადაწყვეტილი აქვს ბოტანიკური ბაღის, დენდროლოგიური პარკისა და ვერეს ხეობის გაერთიანება და ტურისტული ინფრასტრუქტურის მოწყობა, რაც ბაღის განადგურებას გამოიწვევს. გოცაძის თქმით, მისი გათავისუფლება უკანონოდ მოხდა.

საქართველო მოუთმენლად ელის ნატო-ს სამიტს, რომელიც მომდევნო წლის 8-9 ივლისს პოლონეთის დედაქალაქ ვარშავაში გაიმართება. ამის მიზეზია საქართველოსთვის მაპ-ის (ჩრდილოატლანტიკურ ალიანსში გაწევრიანების სამოქმედო გეგმა) მინიჭება-არმინიჭების საკითხი. პოლიტოლოგების განცხადებით, თუ ვარშავაში მაპ-ზე უარს გვეტყვიან, ეს ბოლო დროს გააქტიურებულ პრორუსულ ძალებს ხელში კიდევ ერთ კოზირს მისცემს.

"მიხაკო წერეთელმა "ქართლის ცხოვრების" ტექსტზე და "ვეფხისტყაოსანზე" ჯერ კიდევ მეორე მსოფლიო ომის წინ დაიწყო მუშაობა, როდესაც იგი ბერლინის უნივერსიტეტში ძველი ქართული ენისა და ლიტერატურის პროფესორი იყო. 1942 წელს ბერლინიდან ქალაქ კვედლინბურგში გადასახლდა მეგობრებთან და თან წაიღო მთელი ნაწერები, რაც კი ბერლინის დაბომბვას გადაურჩა. აქ დაიღუპა მისი დიდი ნაწილი შუმერული ნაწერებისა, რაც გადარჩა ჩვენ გამოვაქვეყნეთ "ბედი ქართლისაში" გერმანულად," - ეს არის ნინო სალიას სიტყვები, 1977 წელს პარიზში გამოცემული "ვეფხისტყაოსნის" მიხაკო წერეთლის მიერ აღდგენილი ტექსტისთვის წამძღვარებული წინასიტყვაობიდან.

თურქეთში მომუშავე ქართველების სამშობლოში დაბრუნებას, იქ არსებული მდგომარეობის გამო, ჯერ არ ელიან, თუმცა, თუკი სიტუაცია კიდევ უფრო დაიძაბა, მათ საქართველოში დაბრუნება, ან სამუშაოდ სხვა ქვეყანაში გადასვლა აუცილებლად მოუწევთ.

ბიძინა ივანიშვილის პოლიტიკაში შესაძლო დაბრუნებას "ქართული ოცნების" მიერ დადგმულ პოლიტიკურ თამაშს უწოდებს პოლიტოლოგი გია ხუხაშვილი. მისი თქმით, ხელისუფლებას პრობლემები აქვს, ამიტომ ამაში ყოფილი პრემიერ-მინისტრის ჩათრევას ცდილობენ.